صدقني افضل خيار بحياتك وافضل شي رااح تسويه بأذن الله

انا اعرف اشخاص بالموارد البشريه اللي يشاهدون ملفات المتقدمين للوظائف
ويسون مفاضله عليها يقولون لي اول شي ناخذ ملفات معهد الاداره العامه ثم بعدها الملك سعود
والامام والتقنيات وووووو.... الخ ,,,

يعني هي اقوى شهاده وعلى فكره !!! اقوى وافضل معهد بالشرق الاوسط
ويكفيك ان اول سنه انجليزي مكثف ثم بعدها تتخصص

وانا ومجموعه من اصدقاي تخرجنا من الثانوي وتوزعنا على التقنيات والجامعات وووو
الا واحد دخل معهد الاداره وتخرجنا كلنا وربي مالقينا وظايف للتخصصاتنا رغم كثرتها
وزميلنا اللي بمعهد الاداره توظف علطوول بعد التخرج ب 4 اشهر براتب 8200 ريال
وحنا لنا 3 سنين ماحصلنا شي بس ماسكين وظايف مؤقته ..
واخوي بعد متخرج منه وراتبه الان 11 الف

نصيحه لوجه الله حااول فيه وشد حيلك باختباار القبول لان 60% انجليزي والباقي عربي اسئله عامه
واذا قدر الله ومانجحت حااول مره ثاانيه بكل ترم وزي ماقلت لك ذااكر الانقلش صح خصوصا القرامر
الله يوفقك ياارب

ودعوااتك لي ,,, مـــع أزكى التحيـــة

[align=center]حياك الله اخوي
انا خريج معهد الادارة العامة .. تخصص إدارة المواد والمشتريات ..
شوف وانا اخوك .. معهد الإدارة من أفضل المعاهد وأجملها ..
طبعا الدراسة في اغلب التخصصات سنتين ونصف ,
سنة كاملة دراسة لغة إنجليزية وبعد كذا تبدأ في دراسة تخصصك
ممكن انك ماترغب في الإنجليزي أو تحس انه صعب عليك وكذا وأنا والله كنت مثلك ما أعرف شيء في الإنجليزي وواحد معنا جاي طازهـ من الديرة ما يعرف اي شيء عن الإنجليزي .. بعد ما تخرجنا صار يطقطق إنجليزي ولله الحمد ..
لأن اللي يدرسونك اللغة في المعهد كلهم أجانب ( بريطانيين وأمريكان وأستراليين وغيرهم من الجنسيات ) ,
وفيه برضو سعوديين يدرسون اللغة ولكن ما يتكلمون معك عربي , وكل هذا عشان تتقن اللغة صح بعد ما تتخرج من المعهد .

أخوي المعهد كل شيء فيه ممتاز , ويكفي أن الشركات هي اللي تطلبك قبل لا تتخرج بشهرين أو اكثر ,
وفيه قسم في موقع معهد الإدارة أسمه :
( العروض الوظيفية ,
إضغط هنا وشوف عدد الشركات اللي تطرح الوظائف للخريجين من المعهد )

اول شيء وقبل لا تقدم على المعهد , لازم انك تشوف انت وش تميل له أكثر من ناحية التخصصات والدراسة , عشان تبدع وتكون مرتاح في تخصصك ودراستك .

فيه إختبار أسمه ( كيف تحدد تخصصك الأنسب ) للأستاذ ياسر الحزيمي المدرب في تحديد التخصصات في وزارة التربية والتعليم
إذا كان ودك تعرف وش التخصصات اللي تناسبك وتناسب طموحك ورغبتك وإبداعك فـ راح أعطيك رابط فيه هذا الأختبار اللي هو إختبار تحديد التخصص الأنسب .

حمله وأختبر نفسك بنفسك وبإذن الله راح تلاقي التخصصات اللي تناسب وتناسب عقلك وإبداعك في آخر الإختبار .
الإختبار سهل عبارة عن اختيارات تختار منها الاجابة اللي تحس انها تناسبك اكثر من الاخرى
وفي النهاية يعطيك التخصصات اللي تناسبك وتقدر تبدع فيها وتدرسها بكل سهولة .

أخوي تعال معي ...

.. وإضغط هنا لقراءة موضوع إختيار التخصص الأنسب كاملاً بقلم المدرب ياسر الحزيمي ..

.. وإضغط هنا لتحميل الإختبار ..


بعد ما تختبر هالأختبار ادخل على موقع معهد الإدارة وشوف التخصصات اللي فيه وقارنها بالتخصصات اللي طلعت لك ,
وقدم على التخصص اللي تحس انك راح تبدع فيه , وبإذن الله راح تلاقي القبول .

( تخصصات معهد الإدارة , اضغط هنا )

====

ومن ناحية القبول في المعهد , راح يكون هناك موعد للتقديم على حسب معدلك في الثانوية يعني اذا كنت ممتاز راح يكون هناك ايام للممتاز يقدمون فيها , واذا كان جيدجدا او جيد راح تكون هناك ايام يقدمون فيها وكذا
والتقديم راح يكون عن طريق الانترنت , تعبيء بياناتك وتختار فيه التخصص اللي تبيه "على ما اذكر" ..

وبعدها "على ما اذكر" فيه اختبار قبول , تختبره عندهم في المعهد وهو اسئلة عامة عن طريق الكمبيوتر وهو إختبار على شكل خيارات تختار الإجابة الصحيحة ..

ولو تدخل لمنتديات معهد الادارة وتسأل هناك عن كل شيء تبيه راح تلاقي من يفيدك اكثر
وراح تلاقي في المنتدى ايضا نماذج عن اختبار القبول في المعهد , يعني تاخذ فكرة جيدة قبل لا تقدم عشان يكون عندك خلفية عن الاسئلة اللي راح تجيك , وعشان تحل بسهولة
وبإذن الله تنقبل فيه ..

( منتديات معهد الادارة , اضغط هنا )

وبعد التقديم يكون هناك موعد لنشر اسماء المقبولين , وبإذن الله تكون منهم , وراح تجيك رساله على جوالك انك انقبلت , وبعد كذا تروح للمعهد في الموعد اللي عطوك لتقديم اوراقك الاصل واللي طالبينه منك .

===

التخصصات اللي اشوف انها جيده جداً في المعهد والطلب عليها كثير من الشركات والحكومة :
تخصص سكرتير تنفيذي
تخصص المبيعات
تخصص التسويق
تخصص الأعمال البنكية
تخصص المحاسبة التجارية

والباقي فيه الخير ولكن هذه اكثر شيء مطلوب ..
يعني ما تطول في البحث عن وظيفة

طبعا المعهد معروف بقوته وبنظامه , يعني الغياب محسوب عليك , والتأخر عن المحاضرات ولو دقيقة محسوب عليك
لأن المعهد نظامه على الحاسب الآلي ومايقدر الدكتور انه يمسح الغياب بعد وضعه , وهناك جهة مختصة بساعات الغياب تروح لهم بعذر موثق عشان يمسحون ساعة وحدة او ثنتين .
طبعا لك في كل ترم ساعات مخصصة محسوبة لك مثلاً اول ترم 24 ساعة
والساعة هنا = المحاضرة الوحدة فقط .
يعني بعض الاحيان يكون هناك درس واحد في محاضرتين وبعض الاحيان تحسبها ساعه وحدة ولو رحت تشيك في الكمبيوتر تلاقيها ساعتين مو ساعة مخصومة من ساعاتك .

ونظام المعهد لو غبت كل الساعات من دون عذر , على طول فصل من المعهد . وقدم من جديد بعد سنتين من الفصل .

ادري انه يخوف شوي ,
بس صدقني والله مفيد لك مستقبلاً من جميع النواحي .

طبعا مكأفأة 1000 ريال , وسكن لو كنت من خارج الرياض او المنطقة اللي فيها المعهد يعطونك فيها غرفة انت وواحد من زملائك تسكن فيها مدة دراستك في المعهد .

والله المعهد جميل جداً والدراسة فيه ممتعة وخفيفه ,
يعني الساعات مو مثل الجامعات اللي تصك 10 ساعات في اليوم , إن كثرت في المعهد في اليوم 4 الى 6 ساعات لا غير .
يعني يمكن محاضرتين الى اربع او خمس محاضرات في اليوم فقط .
وراح تستفيد كثير من المعهد بإذن الله .

أختبر الإختبار اللي عطيتك , وأستخر الله , وقدم على التخصص اللي تحس أنك راح تبدع فيه .
وبإذن الله نشوفك من المتفوقين في حفل التخرج من المعهد
وأهم شيء الدعاء لله عز وجل انه يتم قبولك في المعهد ..

[/align]

الله يوفقكم ي،ـآإربي

مـإآقصرتوآإ وفيتوآإ

آدعولي في آإختبـإآر القبووووووول ْ~ْ