السلام عليكم ورحمة الله وبركاته
اسم المشروع / توزيع المواد الغذائية
المتطلبات / سيارات توزيع _ محل تخزين _ مندوبين توزيع _ عمال _ بضاعة
خطة العمل /
في البداية تحتاج محل لتخزين البضاعة التى سوف تقوم بتوزيعها ( لا تأخذ بشارع عام حتى ما يزيد عليك الايجار استأجر محل بحدود 20 الف ريال سنوي ) مو شرط مستودع كبير يعني محل فتحة وحدة تكفي

سيارات التوزيع والافضل لشخص الذي لا يملك سيولة ان يستأجرها ( الدينات المقفلة ايجارها بدون سائق مابين 2000 الى 3000 ريال ) والفانات ايجارها من 1600 ريال الى 2000 ريال )

تحتاج سيارة دينا بسعر لا يزيد عن 20 الف ريال لنقل البضاعة من تجار الجملة للمستودع الى تخزن فيه البضاعة .

الموظفين / افضل شئ تقوم بالاشراف على المشروع بنفسك اذا ما عندك وقت مثلي تحتاج لمدير لمشروع هو من يشتري البضاعة ويتابع اسعار المنتجات والعروض بالسويرماركت الكبيرة وتجار الجملة راتبه لا يقل عن 4000 ريال .

عمال لتنزيل وتحميل البضاعة تحتاج لعاملين راتبهم 1200 ريال للعامل

المندوبين / شوف اذا السيارة فان تحتاج مندوب واحد فقط واذا كانت دينا تحتاج سائق ومندوب
المندوبين حسب عدد السيارات الا ودك تشغلها
المندوبين سوي لكل اعلان بمنتدى البطالة وشوف الاتصالات كيف بتجيك ....

نظرة لربحية السيارة /
الدينا سعتها التحميليه 8 طبالي وعدد الكراتين الا ممكن تشيلها 130 كرتون بالطبلية × 8 = 1040 كرتون ... اقل ربح بالكرتون هو 1 ريال اوقات تحصل بضاعة رخيصة ياصل الربح فيها لحد 3 ريال بالكرتون بضرب لكم مثل البيبسي سعر من شركة البيبسي للمحلات 30 ريال ممكن تشتريه من تجار الجملة بسعر يتراوح من 26 ريال الى 28 ريال وتبيعه بسعر 29 ريال على المحلات ناقص ريال عن سعر الشركة والامثله كثير عصيرات الربيع وبايسن وبن كولا والمياه مزن والوادي والعيون ونسلتله يعني فيها ارباح حلوة بس اهم شئ تعرف كيف تشتري ..
نرجع لحساب الارباح يعني نقول ان السيارة الدينا تبيع 1040 ريال باليوم ما راح نبالغ بنقول ما قدر المندوب يبيع الكمية كلها بنقول 900 ريال × 26 يوم عدد ايام الشهر اذا استثنيناء ايام الجمعة = 23400 ريال هذي مبيعا ت الدينا نبدأ نطلع منها المصروفات كالتالي
راتب المندوب مصري ولا يمني او اي جنسية 2500 ريال والسائق يكون سعودي 2500 ريال بعد كريممممممم لانه سعودي وفيه رواتب اقل بتحصل الف واحد المهم البنزين والزيت والمصروفات لسيارة 1500 ريال ونضيف اجار السيارة 3000 ريال يكون المجموع 2500+ 2500 + 1500+3000 = 9500 ريال قول 10000 ريال بيكون الربح لسيارة الواحدة بحدود 13400 ريال قول 10000 ريال لو عندك 3 سيارات بيكون ربحك 30000 ريال وهكذا
طبعا تطلع منها رواتب الموظفين غير المناديب الا هو المدير والعمال بيصفي لك تقريبا 8000 ريال بالسيارة الواحدة ويمكن يتطور شغلك وتحصل بضاعة تكون انت وكيلها وموزعها الحصري او شركات تحط اعلانات على سياراتك وهكذا ,,,,
الفانات ربحها اقل يمكن بحدود 5000 ريال شهريا لان سعتها اقل ......

طبعا ما تحتاج لرخصة بلدية ومصاريف من ذا الكلام لان محل التخزين بيكون بعيد عن الاسواق التجارية حتى لو بيت عادي يكون مستودع وسكن للعمال وين المشكلة ....
اهم الاشياء الا ممكن توزعها لان اسعارها متقلبه بالاسواق يمكن تحصل فيها ربح جيد البيبسي ومنتجات بن داود الصابون تايد وخلافه والاندومي ومشروبا تالطاقة وعصائر الربيع يعني انت تشتري البضاعة الا فيها فرص بيع اكبر وعليها طلب كبير ما تتعب في بيعها وش رائكم بالمشروعععععععععع
انا ما سويت هالمشروع ع الرغم من اني لدي طموح كبير لعمله ولكن ما عندي وقت وبنتظر شخص خبير في البيع والشراء نتشارك فيه تحياتي للجميع اسف كنت اكتب بسرعة اذا فيه اخطاء ارجوا التنويه