بسم الله الرحمن الرحيم
السلام عليكم ورحمة الله وبركاته

اخبار العاطلين انشاء الله بخير انا توني متخرج جديد وشفت العجب وما عمري انقهرت زي ماانقهرت يوم تخرجت كل مااروح شركه ولا قطاع حكومي شف التصريف والكرش كيف الي يقول عمرك صغير ولي يقول على اتصال وانتم ادرى المهم كتبت القصيده ذي وابي واحد يقول كلامي خطأ ؟

الا يالله يامفرج الكرب والهموم
يامحاسب العباد يوم القيامه
ترحم عبدك الي من الوظيفه محروم
ويامكثرهم الي جربو مثلي البطاله
كل مادقيت باب قالو منت معزوم
وطرد السعودي عندهم عاده
وأن توفقت قالو خلك على اتصال مفهوم
وتمضي شهور وسنين ولا تجينا رساله
أصبح حب الأجانب في قلبهم مختوم
مثل حب المسلم لرمضان وصيامه
وأن شكيت قالو قرارك للسجن محسوم
أصبر وتعلم من الناس الركاده
وأن قلت للناس بأسكت ولا بقول اني مظلوم
قالو والله انك جبان وزلابه
قلت أقول الي زيي قرارهم للأرهاب محتوم
ولا يفيد ذاك الوقت الندامه
والوطن الي خيره لغيره مايدوم
لو كان حراسه جيوش وذيابه
احنا شباب وقت النداء نلبي ونقوم
ورثنا الرجوله من اجدادنا والصحابه
وصلو على النبي الهاشمي المرحوم
محمد عليه أفضل الصلات والسلامه
[gdwl]
وسلامتكم
تقبلو تحيات أخوكم /جبران الجابري[/gdwl]

وعليكم السلام ورحمة الله وبركاته


حياك أخوي جبران



ويامكثرهم الي جربو مثلي البطاله
كل مادقيت باب قالو منت معزوم
وطرد السعودي عندهم عاده
وأن توفقت قالو خلك على اتصال مفهوم
وتمضي شهور وسنين ولا تجينا رساله


جميلة الكلمات لأنها طالعه ونابعه من إحساس صادق



أشكركـ على ما قدمت وربي يوفقكـ ويرزقكـ الوظيفه ان شاء الله

مبين القهر الله يعين
وأن توفقت قالو خلك على اتصال مفهوم
وتمضي شهور وسنين ولا تجينا رساله
أصبح حب الأجانب في قلبهم مختوم
مثل حب المسلم لرمضان وصيامه

انا ماعرف واجد بس بقوول الابيات روعه بس فيه ابيات مبين انها ماتصلح لحنها وشوف

بعض ابيات مو متناسقه مع القصيده

- لا ياخوي عنده سالفة وهو صادق من هذه الناحية ..
القصيدة فيها خلل وزني وكسر في جميع الأبيات
إضافة إلى أنك ما مشيت على الرتم في قافية الصدر اللي هي الشطر الاول
وكما هو معروف القصيده تكون في حرفين بآخر كلمة من جميع الأبيات
سواءً في الصدر .. او العجز
إلا إذا كانت على بحور مُختلفة مثل الصخري : المُهمل في قافية الصدر
والمحُكم في قافية العجز ..

- وصح لسانك .. الأهم انك ترجمت شعورك وهذه بداية لكل شخص مبدئ بالشعر
وان شاءالله نشوف تحسن ملحوظ منك في الأيام القادمة ..

موفق يالغالي

ماعندكم سالفه كلكم هههههههه
معليش>>دخلت عرض
.....
القصيده روعه
ونبعت من احساس رائع ترجم مشاعرك
ولاهنت خيو