المشاركة الأصلية كتبت بواسطة أحبك يا بحر محشش جالس يتحرش في زوجته ويدور معاها مشكلة ؟!! دخل البيت وقال لـ زوجتة : وين الغبار اللي كان فوووق الطاااااولة ؟؟؟ قالت له : مسحته .. وش تبي فية ؟؟؟ قال : كنت كاتب فية رقم جوال !!!!! كبير يامحشش والله حتى مشاكلكم غيرررررررر ههههههههههه

ههههههههههههههههههههههههههههههه
هههههههههههههههههههههههههههه
حلووووووووووووه

سالفته يا جماعة الخير بكل اختصار ان المهندس اللي سواه كان متغدي كباب وبعدين شرب لبن لين ما انسدت نفسه ، واللي يعطيها كباب ولبن بعدين يهندس راح يتنح مو بس يتنح إلا يتنح من قلب مثل اللي صار مع صاحبنا هذا أبو برج بيزا.

اللي صدق هالسالفة صراحة ما عنده سالفة ويمكن متغدي كباب ولبن

برج بيزا بدا الشغل عليه بتاريخ 8 أغسطس 1173م، لما وصلوا الطابق الثالث سنة 1178 بدا البنيان يميل بسبب ضعف الأساسات (كان عمقها 3 امتار بس) والتربة التحتية كانت بعد ضعيفة مو مستقرة.

يعني التصميم كان مكانه غلط من الأول.

شوي ولا يوقف شغل البرج لمدة قرن (القرن 100 سنة ) بسبب الحروب المستمرة بين جمهورية بيزا و جمهوريات جنوى ولوكا وفلورنسا وضعف الميزانية. على مدى هالفترة الطويلة التربة استقرت بمكانها وصارت أثبت، الله وكيلك لو مو ثبات التربة كان البرج الحين طايح على جهه صدق مو مزح

سنة 1272 رجعوا اشتغلوا عليه والمهندسين يعني يبون يرقعون الميلان ولا يسوون جهة الطرف المايل من البرج شوي أطول من الجهة الثانية عشان يرجع مستقيم ويثبت، بالأخير طلع البرج بعد مايل و بعد منحني ! والحركة هذي خلته يغوص أكثر للداخل. بس قبل لا يخلص رجع وقف الشغل عليه سنة 1284 بسبب انتصار جمهورية جنوى على بيزا في حرب ميلوريا – Battle of Meloria.

رجعوا اشتغلوا عليه بعدها ووصلوا الدور السابع سنة 1319، البرج كله خلص سنة 1372م مع انتهاءهم من غرفة الجرس الرئيسية في الطابق الثامن والأخير. بعدها قاموا يحطون الأجراس السبعة في طوابق البرج، كل جرس يمثل إيقاع من الإيقاعات الموسيقية وكل واحد مسويه مصمم مختلف وبينهم وبين بعض تقريباً 100 سنة.

بالأخير تقدر تقول 200 سنة و خلصوه!

سنة 1990 إلى سنة 2001 كان في مشروع كبير لتدعيم وتنظيف البرج من التآكل وتغير اللون بعد كل هالسنوات الطويلة وتأثير الشمس والرياح والأمطار على الأحجار.

يعني البرج مشهور بس لأنه مايل ؟

لا، البرج مشهور لأنه تحفه معمارية وتاريخية وفنية في نوع الديكور والبناء من العصور الوسطى لأوروبا.

منو اللي بنى البرج أو طلع بفكرته ورسم مخططه؟

الغريب الي الحين محد متأكد منو مصمم البرج ومسوي تخطيطه الرهيب -إي التخطيط رهيب بس مكانه غلط مثل ما قلنا-. كانوا حاصرين الأسامي المحتملة بين كم واحد بس دايما يلقون شي يثبت انه مو حقهم وبالأخير محد متأكد.

شنو الهدف من البرج أصلاً؟

الهدف كان شوي سياسي وشوي سياحي وفني، بيزا كانت جمهورية قوية عسكريا ولها نفوذ ورهبة وهي بعز ايامها. قرروا يبينون يش كثر هم متطورين وأغنياء عن طريق مشروع بناء كاتدرائية اسمها ميدان المعاجز – the Field of Miracles. الكاتدرائية هذي كان على اساس يكون فيها كنيسة + معمودية + برج جرس + مقبرة.

الكاتدرائية بالعربي الفصيح يعني كنيسة كبيرة وفيها مقر أو عرش الأسقف. الأسقف بالعربي الفصيح يعني الرئيس الديني للمسيحيين وهي من أعلى المراتب وصاحبها يكون مثل الناظر أو الرقيب على القساوسة والشمامسة.

المعمودية الظاهر المبنى اللي يصير فيه مراسم الغسل والتطهير عشان الناس يصيرون مسيح.

المهم بين هذا كله هو برج بيزا اللي المفروض يكون برج الجرس بهالمعادلة كلها.

انحلت مشكلة الميلان ولا بعد؟

من نتايج المشروع الضخم اللي بدا سنة 1990 وخلص 2001 انهم قدروا يثبتون الأرضية 300 سنة لي قدام، وفي مايو سنة 2008 قدروا يسحبون من التربة ويعدلونها أكثر وقالوا تمددت فترة ثبات البرج 200 سنة أكثر. خلال فترة المشروع كانوا شايلين الأجراس من داخل البرج عشان يخففون من الوزن بس لما خلصوا رجعوهم.

أحد الحلول اللي كانوا مفكرين يسوونها قبل انهم يشيلون البرج أدواره دور وينقلونه مكان جديد ثابت، شكلهم كانوا طايحين له كباب ولبن لما اقترحوا هالفكرة .

تفاصيل سريعه عن البرج:

طوله في أعلى نقطة من الجهة المايلة يصير 56.67م ومن الجهة الثانية 55,86م.

وزن البرج يقولون يوصل 13.154.178 كيلو جرام!

يميل بنسبة 3.9 متر أفقياً.

فيه 8 طوابق و207 أعمدة و 296 درجة سلم بس يقولون الظاهر شالوا عتبتين مع عمليات الصيانة وصاروا 294.

صور من البرج:

هذي الصورة من الطابق الثامن للبرج وتشوفون نهاية الدرج:

هذي من الطابق السابع من الداخل:

هذي من الطابق السادس:

هذي مجموعة أوزان ضخمة حاطينها على الصوب البارز من أرضية البرج عشان يعادلون الوزن. ما كنت اشوف أو ادري عن هالشغلة إلا لما كتبت الموضوع

الباب الرئيسي للبرج:

هذا الجرس اللي حاطينه بالطابق الخامس من البرج وإسمه La Pasquereccia or La Giustizia: