السلام عليكم ورحمة الله وبركاته

مثل ماهو في العنوان

جتني وظيفة مراقب مساجد براتب 1600 ريال هل اقبل بها ام أنتظر ؟

ثانياً : فيه نظام إسمه تجسير هل توجد جامعة في المدينة المنورة عندها هذا النظام ؟

أتمنى أن أجد الإجابة عندكم , ولكم أصدق الدعواااااااااات


من ماضي الوقت

هلاابك اخوي ماضي


والله الي اششوفه انك تقبل فيها منه اجر ومنه راتب

مراقب مساجد والله حلووهـ ياخي

واذا مقدم على شي انتظر ربك كريــم

تقبل مروري

وانا راي من راي عاطف انك تقبل فيها منها اجر وراتب الى ان ربي يحلها لك
ويالله اذا متردد اخي استخير وربي ينورك يا ربي على الطريق الصحيح

السلام عليكم ورحمة الله وبركاته

اذا الوظيفة مؤقتة جدا حلوة ولا تتأخر

وبالنسبة للمدينة ما عتقد ان هناك جامعة تطبق ها النظام لانو للان هناك جامعتين الباحة والملك خالد

هلا حيااك اخووي ,, بالنسبة اذا كانت لي منها اخذ الاجر ومنهاا تشغل نفسك بشئ ,, وبالنسبه للدراسة سمعت انوو بيفتحوو نظآآم التجسير بجامعه طبيه وهذا الكلام قبل فترة ومنهم من يقول انها فتحت بالجامعه وروح واسال والله يقدملك اللي فيه الخير ,,وبالتوفييق لك ,,

الموضوع مايحتاج تفكير توكل على الله واقبل بها أنا خريج كلية التقنية بتقدير ممتاز أعمل بالجمعية الخيرية بـ1440 ريال مسائي العمل يختلف اختلاف كلي عن تخصصي ولكن ونا أخوك أفضل من الجلسة والسهر وربمى تضبط امورك ويرزقك الله بوضيفة حكومية وتجمع بين الوظيفتين

يبووووووووووووووي اقبل فيها ايش خسسسسران

ياخي افضل من العطاله والنفسيه

انا خريج تقنيه وقسم محاسبه بس الحمد لله عن طريق احلى منتدى ربي رزقني بوظيفه حلووه

اي وظيفه خش فيها لاتقول لا الششغل مو عيب

الله يرزقكم ويوفقكم يارب

الله يرزقكم من واسع فضله

ويبارك لكم دنيا وآخرة

وعلى بركة الله نقبل بالوظيفة ونحاول أن نسجل في جامعة طيبة نظام تجسير

والله يكتب اللي فيه خير

صدقني ماينساك الله وانت تراقب بيووته الله يوفقك باحلى وظيفه بالسعوديه ياااارب دمت بوود

هنيااالك وانت تراقب بيوت الله العظيم وفقك الله اخي

الله يرزقك ضعف راتب مراقب المساجد ستين الف مليار حسنه بكل ثانيه وفقك الله