10-10-2007, 03:17 AM
|
 |
عضو متواصل
|
|
تاريخ التسجيل: Sep 2007
المشاركات: 89
معدل تقييم المستوى: 36
|
|
|
عيدية الوطن
أهديكم هذه القصيده التي كان لي شرف إلقائها أمام صاحب السمو الملكي / فيصل بن خالد بن عبدالعزيز أمير منطقة عسير وهي قصيده طويله أخترت لكم منها هذه الأبيات :
((عيدية الوطن))
[POEM="font="Simplified Arabic,5,white,bold,normal" bkcolor="transparent" bkimage="./images/backgrounds/3.gif" border="inset,4,silver" type=0 line=0 align=center use=sp num="0,black""]
يا الله يا من شرع عيدين في كل عام=فيها تهاني الأحبه فاحت أطيابها
نهاية الحج عيد وعيد شهر الصيام=تنسى بها قلوب خلق الله ما صابها
تدلني لانويت أكتب لزين الكلام=وأسمى المعاني لفكري تفتح أبوابها
أبغى قصيده على الموجات شرق (ن) وشام=من سمعها قال صح لسان من جابها
فيها نقول الحقيقه بالوفا والتمام=لأهل الوفا نذكر الجملة مع إعرابها
أغلى تحيه من الخفاق وأحلى سلام=فيها شذى المسك والعنبر لطلابها
العيد عادت به الفرحه وعاد الوئام=وألتم به شمل ناس طول غيابها
يافرحة العيد من هنى الوطن مايلام=النفس تحسب وطنها حسبة أقرابها
على ثرى المملكة عشنا بكل إنسجام=حاكم ومحكوم نرضى الموت لترابها
أطهر ثرى منه شع النور وسط الظلام=قضى على الجاهلية وأهلك أحزابها
يكفي شرف بأرضها بيت الإله الحرام=اللي هوت له نفوس الناس وألبابها
ومسجد رسول الهدى المختار سيد الأنام=اللي حمى منبر الدعوة ونادى بها
يا دارنا الروح دونك مرخصه لو تسام=نفس(ن) تجاهل وطنها ويش يبغى بها
لاصار حبك وصل عندي حدود الهيام=يموت بهيامه الهايم ويحي بها
وأنا أحمد الله تولى العدل أمر الزمام=قاد السفينة وعاش الأمن ركابها
من عهد صقر الجزيره كل عين تنام=والفتنه الجاهلية كسر أنيابها
ناداه شوق الديار وبالجناحين حام=وعادت طيور طواها الشوق لأسرابها
ذيك الهنوف أمتلكها شخص وسط الزحام=ناظر لها وأضحكت له وأرخت أهدابها
تبيه والعاشق بعشقه رضى لو يظام=العشق له سلطة(ن) يامر وينهى بها
جاته مراسيلها وش حيلته بالغرام=يستاهل اللي بفعله فاز بإعجابها
عبدالعزيز المليك اللي له الإحترام=تشهد بفعله عرب الأقطار وأجنابها
نوى وصلى صلاة الإستخاره وقام=قومة شجاع قدم لعداه ما هابها
وحد ديار بها خوف وجهل وإنقسام=وأختار دستورها القرآن وأكتابها
لو بوصفه قلت فوق الوصف عالي مقام=تزهى حروف القصايد يوم يطرى بها
هو منتهى الجود لو للجود ذروة سنام=وكل الخصال الحميده ذب مرقابها
يالله تبيحه بجاهك يوم تحيي العظام=ويالله عسى جنة الفردوس يجزى بها
يامملكتنا الحبيبه زاد عزك ودام=خواطري عجز فكري يبلغ نصابها
[/POEM]
تقبلوا تحياتي(( هوى الغربي ))
التعديل الأخير تم بواسطة هوى الغربي ; 10-10-2007 الساعة 03:32 AM
سبب آخر: مشكله في التنسيق
|
العرض الشجري
