تأسس الموقع عام 2006
Site was established in 2006


ديوان حلول البطالة

موقعنا والإعلام

حلول البطالة الإمارات

هل أنت مسؤول توظيف ؟

تسجيل الدخول
العودة   حلول البطالة Unemployment Solutions > قسم اصوات واصداء > مشاكلك في العمل

الملاحظات

مشاكلك في العمل هل تواجهك مشاكل و ضغوط نفسيه في عملك اكتب مشكلتك وهناك من يساعدك

ابغا رائكيم لمشكلتي انا وزميلي في الغرفه

مشاكلك في العمل

مساكم الله بالخير طولو بالكم و بعطيكم تفاصيل المشكله وابغا نصيحتكم المخلصه لي ..تكفون .. انا كنت ساكن في سكن العمل لكن ما اترحت فيه بسبب...

أضف رد
 
LinkBack أدوات الموضوع انواع عرض الموضوع
  #1 (permalink)  
قديم 26-12-2010, 11:29 PM
الصورة الرمزية بقائنا
عضو جديد
 
تاريخ التسجيل: Sep 2010
المشاركات: 32
معدل تقييم المستوى: 30
بقائنا يستحق التميز
Lightbulb ابغا رائكيم لمشكلتي انا وزميلي في الغرفه

مساكم الله بالخير

طولو بالكم
و بعطيكم تفاصيل المشكله وابغا نصيحتكم المخلصه لي ..تكفون ..

انا كنت ساكن في سكن العمل لكن ما اترحت فيه بسبب انزعاجي من الشباب هداهم الله ... تعبت جدا لاني ما قدرت اعيش حياتي بكيفي وبطريقي الخاصه .. بسبب تطفلهم ..
اطريت اني استاجر خارج السكن لكن المشكله ان ما معي فلوس تكفي فـأطريت اني اكلم الشباب للي يبغا يستاجر معي وامري لله بأصبر على غثا كم واحد ولا اصبر عليهم كلهم ..

المهم استأجرت انا وثلاث معي وانا الرابع .. لكن سرعان ما اختلفنا وخرج من الغرفه 2 وبقيت انا وواحد.. و تسمسمت حياتنا انا والواحد هذا فتره سنه كامله بسبب اختلافنا في امور كثيره ..لكن الحمد خرج بسلام بقيت انا لحالي وسددت حق سته اشهر قدام وتحررت الغرفه وعشت اسبوعين في سعادة تغمرني ولا احد له دخل في حياتي .. لكن سرعان ما غيم الجو
جاني واحد من الشباب قال ابغا اخرج من السكن ومتبهذل وحالتي حاله وقالي ابغا اسكن معك رغم معرفتي لهذا الشخص انه نمرود وبذي الى حد ما .. لكن
أولا: استحيت ارد الرجال جاي يطلبني..
وثانيا: لاني حسيت بمعاناته خصوصا اني عانيت نفس المعانه .. لكن قلت بفرج كربته وان شاء الله يهتدي على يدي ..

وسكن معي واشترى اغراض للغرفه كانت ناقصه وسوا معروف في الحقيقه
وعايشين الان صار لنا اسبوع وهذا الاسبوع الثاني ..طبعا ما اخذت منه فلوس الاجار لاني عزمت اني افرج كربته لكن ...الان ندمت ندم شديد اني خليته يسكن معي لانه ما أنسمجنا مع بعض ومختلفين في الافكار والبئيات اللي جايين منها .. بالاضافه انه خرب جدولي اللي كنت ماشي عليه وصرت عشوائي ومهمل ... وحسيت اني حطيت نفسي في مأزق غبي كنت في غنى عنه ..

لكني تعوذت من الشيطان وحاولت اخذ الامور من زاويه ثانيه و اخذ الامور ببساطه وأتأقلم معاه وحاولت وحاولت لكن صدقوني ما قدرت ..رغم ان الفتره قليله اللي قضها معي

لكني ما قدرت اصبر على اللخبطه اللي عايش فيها ..

ابغا اعيش لوحدي مريح ومرتاح ..

ولا ابغا اتحمل واصبر على حساب راحتي ونفسي ..




وفكرت اني اصارحه بموقفي واكلمه يخرج من الغرفه لكن ..بحط نفسي في مأزق صعب و اتشره منه و ينتشر الخبر بين الشباب اني طلعت صاحبي من الغرفه

وانا الان بين نارين

راحتي وحريتي .. و موقفي وسمعتي

ارجوكم ابغا ارائكم ونائصحكم الصريحه والمفيدة ..
رد مع اقتباس
  #2 (permalink)  
قديم 27-12-2010, 03:04 AM
الصورة الرمزية بنان لأموره
عضو ماسي
 
تاريخ التسجيل: Sep 2010
المشاركات: 2,026
معدل تقييم المستوى: 68815
بنان لأموره محترف الإبداعبنان لأموره محترف الإبداعبنان لأموره محترف الإبداعبنان لأموره محترف الإبداعبنان لأموره محترف الإبداعبنان لأموره محترف الإبداعبنان لأموره محترف الإبداعبنان لأموره محترف الإبداعبنان لأموره محترف الإبداعبنان لأموره محترف الإبداعبنان لأموره محترف الإبداع

الصارحه
1)امش ع مبداء مصلحتك اهم من كل شي

اذا هو خرب عليك
حاول تتفاهم بعقلانيه وطيبه قلب معه
وقوله ع انك مماتبيه

هذا اول حل اذا ما مشى معك
روح للحل الثاني
2)الحل الثاني

انت تفاهم معه بجديه وحزم وقوله انو هو ملخبط حياتك وخله يصير ثابت وقوي
يعني خله يمشي ع الطريق المستقيم

تعامل معه باحترام وادب
وبتشوف انشالله
بيصير خاتم باصبعك

رد مع اقتباس
  #3 (permalink)  
قديم 27-12-2010, 03:28 AM
عضو جديد
 
تاريخ التسجيل: Oct 2010
المشاركات: 21
معدل تقييم المستوى: 30
نبض الحرووف يستحق التميز

يا اخي اذا هو يمشي بالغلط واساليبه مو زينه انت طفشه من الغرفه بدون ما تقول يطلع
والله اذا مخربها مع ربه فخلاص انهى المشكله
او اقولك اعرس وخلك من العزوبيه وحياتها الشينه

رد مع اقتباس
  #4 (permalink)  
قديم 27-12-2010, 07:56 PM
الصورة الرمزية بقائنا
عضو جديد
 
تاريخ التسجيل: Sep 2010
المشاركات: 32
معدل تقييم المستوى: 30
بقائنا يستحق التميز

اقتباس:
المشاركة الأصلية كتبت بواسطة بنان لأموره مشاهدة المشاركة
الصارحه
تعامل معه باحترام وادب
وبتشوف انشالله
بيصير خاتم باصبعك
أشكرك على الرد والتعاطف لمشكلتي
لكن أقلك اني اصلا من اول اتعامل معه بحترام وادب لكن طبعه شييين وصعب اضيع وقتي عشان اغير طبع واحد ما اطيقه والطبع تغيره صعب حتى لو قلتله غير طبعك ادمي متحجر وقد فهمته من قبل لكن ما قدر يغير طبعه .. لاني بينت له من اول اني مضايق من طبعه لكن ما يقدر يغير طبعه ..
___________--

اقتباس نبض الحرووف

يا اخي اذا هو يمشي بالغلط واساليبه مو زينه انت طفشه من الغرفه بدون ما تقول يطلع
والله اذا مخربها مع ربه فخلاص انهى المشكله
او اقولك اعرس وخلك من العزوبيه وحياتها الشينه
__________________________
اشكرك للرد والتعاطف

لكن هو ما يمشي في الغلط لكن ادمي زي الجبل على القلب فهمت
وابغا اعرف منك ليش اجلس اطفشه واضيع وقتي معه ؟..
افضل اني اقله اني متضايق منك وابغاك تطلع الله لا يهينك مو افضل
لكن اللي خايف منه كلام الشباب ..
واما عن العزوبيه فأدري انها شينه والزواج خير ونعمه ..لكن العين بصيره واليد قصيره


وادري ان المشكله سامجه عند البعض عشان كذا ما ردو
لكن صدقوني انها متعبت ضميري
رد مع اقتباس
  #5 (permalink)  
قديم 27-12-2010, 08:22 PM
الصورة الرمزية عاطل حجازي
نجم المنتدى
 
تاريخ التسجيل: Nov 2009
الدولة: طـيـ الطيبةـبـة
المشاركات: 2,128
معدل تقييم المستوى: 147559
عاطل حجازي محترف الإبداععاطل حجازي محترف الإبداععاطل حجازي محترف الإبداععاطل حجازي محترف الإبداععاطل حجازي محترف الإبداععاطل حجازي محترف الإبداععاطل حجازي محترف الإبداععاطل حجازي محترف الإبداععاطل حجازي محترف الإبداععاطل حجازي محترف الإبداععاطل حجازي محترف الإبداع

اول شي يالغالي مساءك الله بالنور
وثاني شي يالغالي هذا هو سكن العزاب مافي لا انتظام ولا نظافة ولا شي لكن فية فلة ودشرة وكل شي
لكن اقولك شي انت اهم شي عليك بغرفت النوم او غرفتك الخاصة خليك فيها وبس وماعليك من الاشياء الثانية اذا كانت اكثر من غرفة
لكن اذا كانت بس غرفة فانت حاول ماتجي للبيت غير وقت النوم او متابعت التلفزيون يعني لما تخلص من دوام روح الغرفة للعصر بعدين روح مشور وتكس ولا روح تمشي وتعال البيت وانت رايق للنوم ولا رايق للدردشة مع خويك واتمني اني ماطولت عليك وربي يعينك بس صعبة تطرد الرجال وحاول توضح له باسلوب

رد مع اقتباس
  #6 (permalink)  
قديم 27-12-2010, 09:54 PM
الصورة الرمزية بقائنا
عضو جديد
 
تاريخ التسجيل: Sep 2010
المشاركات: 32
معدل تقييم المستوى: 30
بقائنا يستحق التميز

اشكرك جزيلا على الرد .. يا حجازي وان شاء الله ربي يرزقك بالوظيفه الطيبه اللي تناسبك ..

واما عن كلامك فمعك حق وتفكيرك سليم



لكن المشكله الثانيه ان وضعي مزري
ولا معي سياره لا انا ولا هو يعني مجبور اقابل وجهه 24 ساعه
والادمي احسه مستكن عندي رغم محاولاتي لتطفيشه وانا بأنفجر منه .. لكن اعطف احيانا عليه لاني لو خرج من الغرفه راح يتعب حتى يلقى سكن .. وساعات اقول اهم شي راحتي والله يعينه يشوف له مكان ثاني ماني مجبور أتحمل غثا على قلبي ..

وعلى فكره لو بكلمه يخرج راح اكلمه بأسلوب حلو طبعا . .

لكن متردد ومحتاار من امري
اكلمه يخرج ويكون بيننا موقف مع الايام بينسي
والا اصبر واتحمل غثاه لين ننسجم مع بعض ونتفاهم وهذا امر مستحيل عندي ..

ارجوكم احد عنده شور ثاني ينصحني تكفون قبل ما احط نفسي في موقف محرج اندم عليه ..
رد مع اقتباس
  #7 (permalink)  
قديم 27-12-2010, 10:23 PM
عضو متواصل
 
تاريخ التسجيل: Jun 2009
المشاركات: 107
معدل تقييم المستوى: 2195
قبطان محترف الإبداعقبطان محترف الإبداعقبطان محترف الإبداعقبطان محترف الإبداعقبطان محترف الإبداعقبطان محترف الإبداعقبطان محترف الإبداعقبطان محترف الإبداعقبطان محترف الإبداعقبطان محترف الإبداعقبطان محترف الإبداع

انا عندي لك حل ان شاء الله يفيدك

- خلك جنبه وخل جوالك يدق تمام يعني حط مؤقت او اي شيء
- رد قول الو هلا وغلا كيف حالكم (على بالك تكلم أهلك) وش اخبار الجماعة ومن هالكلام.
- بعدين قول اووه مشاء الله متى جايين ( على بالك أهلك يبون يجون عندك ).
- قول يا مراحب البيت بيتكم يالله حيهم انا بنتظاركم ..الخ
- أهم شيء خويك يسمع
- بعد ما تخلص المكالمة قول لخويك الاهل جاين وكذا ..الخ واعتذر منه انه مثلا يشوفلة مكان لأن فيه نسوان
يبون يجون .

** اتوقع خويك ماراح عاد يجي ( يبي يفهمها اصلاً) اذا هو اجودي ولكيع
واذا لا يبي يرجع يقولك هاه أهلك راحوا قوله لا باقي عندي شكلهم يبون يدرسون هنا ومن ذا الكلام
عاد هو بعدها يبي يدبر نفسة

** ترى مو شرط تكلم جوال وتمثل ممكن تكلمه تقوله طوالي ترى الأهل يبون يجون وبس

وتمنياتي لك بالتوفيق

رد مع اقتباس
  #8 (permalink)  
قديم 28-12-2010, 12:01 AM
الصورة الرمزية La vie en bleu
عضو ماسي
 
تاريخ التسجيل: Jun 2010
الدولة: جــدة غيـــر !!
المشاركات: 1,760
معدل تقييم المستوى: 21474869
La vie en bleu محترف الإبداعLa vie en bleu محترف الإبداعLa vie en bleu محترف الإبداعLa vie en bleu محترف الإبداعLa vie en bleu محترف الإبداعLa vie en bleu محترف الإبداعLa vie en bleu محترف الإبداعLa vie en bleu محترف الإبداعLa vie en bleu محترف الإبداعLa vie en bleu محترف الإبداعLa vie en bleu محترف الإبداع

شكلك انطوائي نوعاً ما وتحب الترتيب والنظام >>>
غريبة العزابية أكثر ناس فوضويين بالعالم

وجاك واحد رزيل للأسف ..
دامك انت وافقت استحمله واصبر عليه
و مو حلوة في حقك ابداً انك تطرده ,
والحل الوحيد هو التفاهم ..كلمه بأسلوب لطيف مو بصيغة الأمر
و لا تقوله انت خربت نظامي قول انك تحب النظام وأن هذه التصرفات تضايقه ..
وأسأله كمان ان كانت صدرت منك تصرفات ضايقته
يعني حطوا النقط على الحروف>>>
زي العرسان الجدد
ساعتها يايتفهم ويجلس معاك بأدبه
أو راح يطلع لحاله ..


التعديل الأخير تم بواسطة La vie en bleu ; 28-12-2010 الساعة 12:04 AM
رد مع اقتباس
  #9 (permalink)  
قديم 28-12-2010, 12:34 AM
الصورة الرمزية محماس بن نجر
عضو سوبر
 
تاريخ التسجيل: Apr 2010
المشاركات: 406
معدل تقييم المستوى: 15591
محماس بن نجر محترف الإبداعمحماس بن نجر محترف الإبداعمحماس بن نجر محترف الإبداعمحماس بن نجر محترف الإبداعمحماس بن نجر محترف الإبداعمحماس بن نجر محترف الإبداعمحماس بن نجر محترف الإبداعمحماس بن نجر محترف الإبداعمحماس بن نجر محترف الإبداعمحماس بن نجر محترف الإبداعمحماس بن نجر محترف الإبداع

شوف ياالغالي والله اني متعاطف معك ومرت عليّ الاشكال هذي تلقاه غثيث وثقيل طينة وسامج لأبعد الحدود

لكن انت تقول انك موظف وان شاء الله انك قادر تأخذ غرفة لحالك <<إذا ماتقدر ومستحي منه حاول انك تطفشة بطريقة مؤدبة يعني لا تعطية وجهه حاول انك دايم تكون نفسية ولاتتكلم معة أحقرة وخله يمل من كيفة واذا مانفع معة هالاسلوب فهو من النوع اللي ماعنده كرامة ومايستحي على وجهه

ولا أقول شيل عفشة واضربة بالزنوبة مع البااااااب<امزح معك

صبر صبر //كني فهمت من كلامك انك انت اللي تدفع الايجار يعني هو مايدفع شي!!ساكن ببلاش الاخ اذا على كذا واجهه ولاعليك منه قلة ادفع معي ولا ترى بأطلع لحالي

رد مع اقتباس
  #10 (permalink)  
قديم 28-12-2010, 12:41 AM
الصورة الرمزية محماس بن نجر
عضو سوبر
 
تاريخ التسجيل: Apr 2010
المشاركات: 406
معدل تقييم المستوى: 15591
محماس بن نجر محترف الإبداعمحماس بن نجر محترف الإبداعمحماس بن نجر محترف الإبداعمحماس بن نجر محترف الإبداعمحماس بن نجر محترف الإبداعمحماس بن نجر محترف الإبداعمحماس بن نجر محترف الإبداعمحماس بن نجر محترف الإبداعمحماس بن نجر محترف الإبداعمحماس بن نجر محترف الإبداعمحماس بن نجر محترف الإبداع

جتني فكرة جهنمية //قلة ولد عمي ساكن بشقة لحالة ومعزم عليّ إلا اسكن معه وانا والله ماودي افارقك((لميس على غفلة)) لكن غاثني الرجال وملزم عليّ

رد مع اقتباس
أضف رد

(( لا تنسى ذكر الله ))


مواضيع ذات صله مشاكلك في العمل

مواقع النشر (المفضلة) وتحتوي على WhatsApp لإرسال الموضوع إلى صديقك



تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة





الساعة الآن 12:45 PM


Powered by vBulletin Version 3.8.9
Copyright ©2000 - 2025, Jelsoft Enterprises Ltd
جميع الحقوق محفوظة لحلول البطالة

استضافة، تصميم مواقع، برمجة تطبيقات، من توب لاين