السلام عليكم ورحمة الله وبركاته

انا الحين متخرجه لي اكثر من 10 سنوات يعني من عام 1420 هـ_1421 هـ

وفي ذاك الوقت ما قدرت ادخل لا كليه ولا جامعه ظروف اجبرتني وثاني شي المواصلات وبعد مرور سنتين يالله دخلت كلية الاداب قسم درسات اسلاميه وحملت مواد مرره وبطلت ماعاد كملت لاني ماكنت اقدر اروح دائما وثاني شي كانت صعوبه مره في المناهج ماكان احد يساعدنا مثل المنتسبين الحين اعرف بنات دخلو منتسبات ونفس القسم بس غير عني صارو يهتمون فيهم مو مثل زماني اروح اختبر وارجع

الحين ابي منكم مشوره ابي اخذ دبلوم وله مستقبل يساعدني ع الوظيفه ان كتب ربي لي باذن الله وش تنصحوني ماعندي فكره اهم شي مايكون صحي لاني اعرف
مستحيل اهلي يرضون ادخل مستشفيات تكفون الي عنده راي يقولي عليه

والله يرزقكم ويرزق كل عاطل بوظيفه يارب

للرفـــــــــــــــــــــــــع

سؤال يعني يمديني اسجل دبلوم في جامعه تكون بالرياض بهالوقت

[align=center]
وعليكم السلام ورحمة الله وبركاته

الله يرزقك انشاء الله خليك دائماااتدخلين المنتدي لان اغلب التسجيلات ينزلوها الاعضاء والحين بقي ايام ويخلص الفصل الاول وتبدا التقديم بالتوفيق

بالنسبة للحكومية ماظن تقبل شهادتك لا في دبلوم ولا في بكالوريوس لأن من ضمن الشروط ألا يكون قد مضى عليها أكثر من خمس سنوات .

يعني ما معاكي غير الخاصة وغالية شوي .

بس أنصحك بالإنتساب في جامعة الإمام والإنتظام بعد ترم إذا جبتي معدل .

طبعاً يمكن تقولي تخصصاتها مالها مستقبل لكن الأرزاق بيد الله تعالى ، وأحسني النية ولتكن لطلب العلم فهو أفضل من القعدة وضياع الوقت .

طبعاً الدبلومات الخاصة أكثرها ضياع وقت .

أتمنى لكي التوفيق

إذا كانت نسبتك أكثر من 80
إختبري قياس وحاولي تجيبين أكثر من 65
ووقت التسجيل للجامعات والكليات الأهلية روحي للكلية اللي بتحبي تدرسي فيها ، وقدمي معروض إستثناء من المدة على عميد الكلية أو مدير الجامعة الأهلية مع شرح الظرووف وإحضار إثباتات إن وجدت .
طبعاً إذا تم قبولك في الكلية ، قدمي على منح وزارة التعليم العالي في رمضان القادم ، وإن شاء الله تنقبلين .

وحاولي تقوي نفسك في اللغة ، لأن الكليات الأهلية الدراسة فيها إنقلش .

أتمنى لكي التوفيق