توظفت بس ماني مرتاح
الدوام من 8 الى 5
احس ان وقتي كله في الشركه
اشعر بملل
واذا كبيت الوظيفه ماني بلاقي شي الا بالتعب
علما انني اخذت سنه ونصف عاطل وقبل شهرين توظفت في شركه بس ماني مرتاح المدير شايف نفسه ويحاسبني عل كل كبيره وصغيره
الديوان مقدم عليه ما طلع اسمي
الوظيفه الي تبيها على كيفك صعبه
كل شي بتعب

الله يعينك ..
ماحد مرتاح بهالدنيا ..
بس امسك وظيفتك والأمور ان شاء الله تتيسر ..
الله يوفقك ويسعدك

تبي الكلام اللي يجمد على الشارب امسك وظيفتك ترى الدنيا كلها تعب في تعب
وبعدين المدراء كذا وخاصة اول ما تتوظف تشوفه يسوي لك حركات ودك تدفنه وهو حي
لكن بعدين تتسهل ان شاء الله شفنا احنا يالتجار < اما يالتاجر
اقصد العاطلين نعاني من كثرة الفراغ اللي مالها سنع لكن ان شاء الله نتوظف ونتوفق يارب

عض على هالوظيفه بسنونك وإذا على الوقت عادي كل الرجال الشقرديه تسذا داوماتهم << شف جالسه أمدح لرفع المعنويات

إذا عشان وقتك كله بالشركه أزين من اللي متسكع بالشوارع بس يفرفر واللي دابخها نومه مفوتن كل صلواته مير تعوذ من أبليس وأقرأ على نفسك المعوذات يمكن أحد حاسدك على هالوظيفه ليش لا ترى صادزه .

حبيبي تراك شايف هالمنتدى اغلب اللي فيه عاطلين كل واحد فينا يبي يتوظف
بس مو محصل , واذا كان على التعب والله وانا اخوك مافي احد مرتاح بهالدنيا
قول الحمدلله وخلك على وظيفتك وخلي امك وابوك يدعون لك
الله يوفقك بحياتك ويسعدك دنيا وآخرة
تحياتي لك

انا من راى تتحمل و تتنازل شوى انت محتاج ولك سنه ونص وتقول مانى مرتاح اذا على الراحه مافيه احد مرتاح
شكليك منت حق وظيفة وعاجبك الحال عاطل يمكن راجع نفسك وشوف انت وش تبى

قول الحمد لله وأهم الشيء
عليك بالصبر مافي شيء يجي
بالساهل ..

ماشاء الله اخواني وخواتي ماقصرو مافيه شي ازيد عليه ماقول الا اصبر

ممكن هذا اختبار من الله لك/ اصبر وتحمل، مابعد الضيق الا الفرج، مو؟
وخل نظرتك بعيده الفرص ماتجي ورا بعض فكر لاجلست ف البيت وش بتسوي
وودايما شوف الحاجه الاجابيه ف العمل // واذا على مديرك ماعليك تحمله عشان نفسك مو عشانه
واعرف اننا بالقول اللين والابتسامه نكسب قلوب غيرنا،’ ممكن هو بعد يختبرك بيشوف انت تتحمل او لا.


وان كان فيها خير لك، ماراح تطلع.
والله يوفقك اخووي..