28-12-2010, 06:39 AM
|
 |
عضو مميز
|
|
تاريخ التسجيل: Jun 2009
الدولة: جــــــــــده
المشاركات: 784
معدل تقييم المستوى: 491394
|
|
لدي فكره تفتح فيها مشروع ( بوفيه ) براس مال 1000 ريال
السلام عليكم ورحمة الله وبركاته
كيفكم جميعآ ؟
انا عندي فكره تدور في راسي من فتره وحبيت انقلها لكم ممكن تكون فاتحت خير للبعض
كلنا بنعرف انا العطاله كثره في بلدنا والواسطات حطمتنا وكل بيت فيه عاطل او عاطلين ويمكن ثلاث عاطلين يعني انت عاطل واخوك عاطل كدا انتم اثنين وولد عمك عاطل وولد خالك عاطل صرتو اربعه بالاضافه الى اصحابك عاطلين وبتصرفو في الشهر وانتم عاطلين كحد ادنى مابين جوال وبنزين وخرجات وعشاء الخ 1000 ريال
تيب هدي ال 1000 حقتي وحقت ولد عمي وصاحبي ليش مانستثمرها ونستفيد
يعني تتفق انت و10 من قرائبك او اصحابك ويكونو ثقه كل شهر واحد يدفع 1000 ريال
ولو نضرب 10 اشخاص من 1000 ريال بيساوي 10000 ريال مبلغ حلووه
يتم فتح بوفيه بالفلوس وتسجل باسم شخص من ال10 وتكون حسب القرعه الشهر اللي بعده يفتح محل اخر سواء بوفيه او كشك جوالات بسوق بملغ لايتجاوز 10000 ريال والشهر الثالث والرابع نفس الطريقه بعد مرور 10 شهور يكون ال10 اشخاص لدى كل واحد منهم مصدر رزق
وادا حبيتو تزيدو في راس المال اكثر من 10000 زيد في عدد الاشخاص او في حال 10000 لم تكفى لفتح بوفيه برضو زيد بعدد الاشخاص الهدف من المثال توصيل الفكره وليس فتح محل حيكون 10000 ريال ممكن يكون صح بفتح محل وممكن لا
ومن ناحيه شروط فتح السجل التجاري
1-عقد ايجار المؤسسة
2-برنت الاحوال انك متسبب او بطاقة العائلة
3-دفع رسوم الاشتراك 1000ريال لمدة 5 سنوات
ومن ناحيه اجراءات فتح المحل فالشروط بسيطه :
ادخل على رابط المعقب الااكتروني بتلاقي فيه جميع الشروط والمطلبات
واللي لايستطيع ان يوفر 1000 ريال شهري يشتغل اي شغله لفتره محدوده لو حارس امن براتب 1500 ريال او 2000 لانه الفائده والنظره لقدام
واكل العنب حبه حبه وشوي وشوي وتوفيق ودعاء من الوالدين ورضاء الله بيتوسع رزقك
ابي رايكم بالفكره
التعديل الأخير تم بواسطة يـرِبــِشٌ ; 03-01-2011 الساعة 08:08 PM
|
العرض الشجري
