سلام

والله ماابغي اضايقكم كثر مااني مضايقه
بس من الصباح وانا ابغي افضفض اشوي
يمكن لان اهنيه فيه اعضاء مثل معاناتي !

ترددت واجد ان اكتب هذا الموضوع ! بس والله انكسر قلبي وضاقت فيي الدنيا حيل

الامس اقرأ خبر بشاره اخونا حروف وتفائلت واجد وقلت بتأكد من الشرقيه
اتصلت اليوم وياليتني ماتصلت
كل مره اتصل الى مركز الي بالقطيف واليوم قررت اتصل الى مركز التاهيل بالدمام
يمكن يكون عندهم خبر يخلونا نفرح فيه حتى لو كان مجامله

نص المكالمه :

دروب المحبه : الو
موظفه : نعم
دروب المحبه : السلام عليكم اختي
موظفه : وعليكم السلام
دروب :اختي ابغي استفسر عن نزول البطاقات للمستفيدين الجدد
موظفه : وانتون اشفيكم لو نزل شيء راح نتصل اليكم مو انتون كتبتون ارقام جوالات بعد ليش كل يوم والثاني تدقون على المركز ترا حنا عندنا زحمه من التسجيل والمراجعات

(( طبعا الموظفه قالت اكثر من كذا بس انا نسيت لان انكسر قلبي والله ))

دروب : طيب اختي اني اسفه بس انا سمعت ان بعد الميزانيه بتنزل البطاقات

موظفه : طيب انا قلت الك مافيه بطاقات ومانزل شيء عندنا

دروب : مع السلامه

واله حتى ماردت السلام على طول صكته وضليت مكسوره القلب
اقول ليش ماكلمتني بهدوء !
ليش انفعلت من سؤالي !
ليش ماقالت في نفسها ان ذولين الي يتصلون اكيد تعبانيين ومرضى واذا زعلناهم يتعبون زياده !!!

والله مااكذب عليكم دكتوري يقول الي اول مايشوفني ( انتي زعلانه من شيء ) لان اغلب مااكون تعبانه حيل يكون من زعل !!

والله احس ان دمي تكسر

عارفه ان ازعجتكم بهدرتي بس والله ماابغي اقول لأحد عن معاناتي وعن الي صار اليوم

في امان الله