كيفيكم

احس بعد البطالة شخصيتي كتير اتغيرت ، وكل الناس اللي حوليني بدءو يحسو


ماسرت نفسي الأولى ابدا ، ودحين الموضوع من سيء لأسوأ .

بطلت أكتب ، بطل فيي نشاط وافكار زي زمان ، حتى الرياضة بطلت اسوي مع اني انسانة رياضية كل يوم لازم رياضة دحين من شهر ماعتبت غرفة الرياضة في بيتنا

كل شي سار بالمقلوب ، حتى الناس مابدي اتكلم مع احد ، مابغى ازور احد عشان لحد يسألني : "لساعك ما اتوظفتي " ؟

1000 مرة انسأل دا السؤال في اليوم

وسرت اكره الناس اللي حوليني كلهم ، اقاربي واهلي وكل الناس لأني خدمت ناس كتييييييييييييير ومحد رضي يخدمني أحس نفسي اتركهم كلهم .
والشي الاخطر من دا كلو سرت ماروح مقابلات الوظايف ،
امس واول امس كان عندي مقابلات ومارحت ، قلت في نفسي كل مابروح محد بيرجع يتصل ليش اتعب نفسي ؟

عمري في حياتي ماكنت زي كدا ابدا ، بس ابغى اقعد ع النت وانام
احس ماسرت احب اعمل اي نشاط في الحياة ، وكل يوم اقعد ابكي وبس


ربنا يسهل

كانت فضفضة من اخت لكم

ودعواتكم بالخير