السلام عليكم ورحمه الله وبركاته

كيف حالكم يااخواني الكرام / الزبدة ومافيها لدي عامل كان يشتغل معي الجنسية يماني ولاكن ماهو بمثل اي يماني الاخ كل من تعامل معه اعتبره مثل اخوه والرجل امين وكان يشتغل عندي ولاكن بعد ماقمت بتأجير المحل بالكامل على عمالة ملمة ومختصة بالمجال اكثر , اضطريت اطلعة حسب طلب المستاجرين , والمهم العامل عندي يبحث عن عمل وتعامله معي هو اللي خلاني ادخل هنا وابحث له عن عمل , ولاكن فيه شروط له : بس قبل لااقولها لاتقولون طرار ويتشرط الرجال يبي راتب 2000 اقل شي ويشتغل 12 ساعة واكثر ماعنده مشكلة , لانه عنده عائله والرجال شباب وانا اعرف ظروفه , والمهم اللي محتاج عامل (امين) (( يعطيني خبر الان)) قبل نفاذ الكمية ههههه , واسف على الااطالة .

مساء بالخير .... عطنا معلومات عن هالعامل وش هو خبير فيه يعني النشاط الى كان يشتغل فيه معك ايش... وين المنطة الا هو فيها ... وعنده امكانية نقل كفالة .. وعنده رخصة قيادة .. نبي معلومات عن هاليماني

كان يشتغل معي في مقهى نت واشتغل قبلي كثير ويسووق سياره , ولاكن عطني ماهو العمل عندك عشان اسئله
بالضبط باللي انت تحتاجه , المنظقة الرياااض , عنده رخصه قيادة ( ليست عمومي ) عاديه

الله يرزقه من فضله....ويديك على قد نيتك

ما يشتغل بمغسلة؟؟؟

موفق بإذن الله ... لك مني أجمل تحية .

انا ابيه
انا عندي تموينات
واذا هو على كلامك امين
من بكرا يداوم

ارسلى ع الخاص
بس تراه على ذمتك

اخوي طالب اذا انا بدخل ذمتي فيه معناته اني رقيب عليه ,انا ليس برقيب على البشر , الله هو الرقيب
ولاكن الرجل عمل معي ( بعض الاحيان دخل المحل يزيد بغير مااتوقع ) الرجل امين بإذن الله واللي
بيشغله بيعرف شغله , لاكن الرجل شارط راتب 2000 وسكن له , وان مااشتغل فتحت له مشروع
وبخليه يشتغل فيه ,, انا ماجبت هالموضوع هنا الا اعرف قدر هذا المنتدى واهله , وتحياتي لك

تم الاتفاق على العمل
(الرجاء اغلاق الموضوع)