افيدونا يالي دخلتو عسكريه

سااااير · #1 (**permalink**) 30-12-2010, 12:59 AM

[align=right]
سلالالام

ياشبااب اللي دخلو دورات عسكريه يفيدونا اولا
كيف نضام الدورة الهروله فيها كم والمشاه و45خميس وجمعه عندهم تشتغل ولانوووم

يعني نبي زي ماتقولو برووفا عن الدووورة العسكريه لاهنتم حبايبي

ودي
[/align]

راااااامي · #2 (**permalink**) 30-12-2010, 01:08 AM

بالنسبه 45 وتسمى فترة الاستجداد تصحى قبل صلاة الفجر بوقت عشان تتوضى وتروح ع المسجد تنتظر الين يؤذن الفجر وتصلي و ع الميدان حصه صباحيه كل فصيل ياخذ موقعه وتكميل بعدها هروله على حسب لازم يشدون عليكم في البدايه وبعدها تمارين رياضيه وبعدها فطووووور وبعد الفطور حصه ثانيه وبعدها بووفيه لين الظهر وبعد الظهر تكميل وتثبيت في الميدان نص ساعه تقريباً وبعدها غدا وبعد الغدا ع الميدان تثبيت لين العصر وعلى حسب يمكن يصرفكم السكن بعدها صلاة العصر وبعدها حصه مسائيه بعدها بووفيه لين قبل المغرب بنص ساعه وتتوضا وع المسجد تصلي وتثبيت لين العشا وبعدها تصلي العشا وتثبيت شوي وبعدها ع الميز عشا وبعدها تثبيت شوي بعدها يصرفكم ع السكن يعطيكم المناوب نص ساعه او على حسب يمكن اقل بعضهم 10 دقايق
هذا البرنامج اليوم لدورة المكافحه للعام 1430هـ
بانسبه للخميس والجمعه تخف عليك مو زي ايام الاسبووووع موووفقين يارب

همي بحر · #3 (**permalink**) 30-12-2010, 01:38 AM

وعليكم السلام ورحمة الله وبركاته

هلا وغلا شوف يالغالي .. الصحيان يكون قبل صلاة الفجر بربع ساعه تتوضى وتصلي الفجر وبعدها تنزل الى المدين تاخذ لفتين او ثلاثه وتنصرف على الميز وتفطر ومعاك نصف ساعه البوفيه وبعدها تروح تشكل بالميدان وتاخذ حصة 45 دقيقه وترتاح ربع ساعه تجلسون وتسولف مع الشباب والي يبي يروح للبرادة يشرب ماء يروح المهم وبعدها تاخذون حصه ثانيه 45 دقيقه او اقل وتنصرفون الى السكن وتجلسون فيه حتى يكون باقي عن صلاة الظهر نصف او ربع ساعه تتوضون وتصلون وبعدها ترووحو الى الميز تتغدون واذا خلصتو غداكم تنصرفون الى السكن حتى العصر وقبل الاذان نفس الشي تنزل تتوضى وتتجهز لصلاة وتصلي وتجلسون بالمسجد او يصرفونكم الى السكن اويعطونكم حصه عصريه بس ماتوقع يعطونكم العصر الا قبل ماتخلصو ال45 يوم با اسبوع او اسبوعين المهم يصرفونكم تتجهزون لصلاة المغرب وبعد صلاة المغرب تروحو الى الميز وتتعشون وترجعون الى المسجد وتصلون العشاء وبعدها نوووم

ملاحظه كل يوم عندكم يصير 4 الى 5 مرات ( تكميل ) مره الصباح الفجر ومره يوم ترجعون من الميز ومره العصر ومره العشاء قبل النووم

دمت بود واتمنى اني افدتك

طالب الشهادة · #4 (**permalink**) 30-12-2010, 01:41 AM

شـكرا لك وبارك الله فيك... لك مني أجمل تحية .

فاضي لعيونكم · #5 (**permalink**) 30-12-2010, 02:32 AM

موفق بإذن الله ... لك مني أجمل تحية .

عماد القرني · #6 (**permalink**) 30-12-2010, 02:52 AM

[align=center]ماشاءالله تبارك الله الاخوان ماتركولي شي

يازين ايام دورتنا سامحين الدخان فيها هههههههه

اخوي حاب انصحك نصيحة اذا انت داحل ال45 يوم واتمنى انك تاخذ هذي النصيحة من باب الجد لانها مهمة جدا

النصيحة الأولى

هذي من اهم النصائح في خلال ال45 يوم وهي الاعتماد والتوكل على الله تعالى والحضور للفرائض الخمسة مبكرا وهي والله العظيم افضل شي في الدورة ماتفوتك ولا ركعة وان تكون مع الله الله بيكون معك

النصيحة الثانية

لا تهتم لعدد الأيام في ال45 يوم وحاول بقدر المستطاع تشغل نفسك بدون ماتهتم للوقت
راح تواجه ضغوطات نفسية وهي الانتقال من الحياة المدنية والرفاهية الى الحياة العسكرية وهي بالشي الطبيعي

النصيحة الثالثة

مطلبات ضرورية خاصة لك والكثير مايفكر فيها ويقول انا رجال وش تفيدني هالاشياء

لا يخوي المطلبات هذي ضرورية للانسان والنظافة موصينا عليها ديننا وهي من الايمان

1- فازلين
2- ضابون
3- شامبو
4- ليفة
5- بودرة
6- عطورات
7- نيفيا أو كريم مرطب اخر
8- موزيل عرق
9- امواس حلاقة
10 - ماكينة حلاقة + عدة الحلاقة
11- مشط هههههههه امزح ماتحتاجه

مطلبات اخرى
1- فنائل وسراويل داخلية
2- شراريب عدد كبير
3- جزمة رياضية طبية الافضل والاحسن تكون طبية عشان راحتك بتجي اوقات بنشبك في رجلك ولا تفكها الا عند النون
4- فنائل داخلية عسكرية مموهة عدد كبير ايضا
5- ملابس رياضية حسب اللون المعتمد عدد اربعة على الاقل
6- قميص لو بيجامة للنوم
3- دخان دوفي دوف الترا هههههههه هم بعد امزح

مطلبات خاصة
1- قران كريم
2- كتاب لفن المعاملة مع الاخرين وغيرها من الكتب الجيدة

الله يوفقك اخوي ومثل ماقلتلك اهم شي لا تعد الايام وخلها على الله

تقبل مروري
[/align]