[align=center]
بسم الله الرحمن الرحيم
[/align]
السلام عليكم يا اعضاء المنتدى العظيم اولا اشكر مؤسس المنتدى والاعضاء المشاركين صراحه انا في المنتدى منذ 4 سنوات تقريبا وكنت اشارك بعدت وظائف للمنتدى الي ما توظف الله يرزقه وييسر امره والي توظف الف مبروك له وانا ابي ابين لكم فضل المنتدى على بعد الله سبحانه وتوفيقه انا عانية من العطاله بشكل رهيب فكنت اقدم الي يدق علي ويقول عندك مقابله وبعد المقابله انطرد والي يقول ابشر راح نرد عليك حط رقمك بس وفي الاخير مافيه شي حاليا ودورت حتى في كل الوزارات وتعال شوف بعض الشباب المهايط الي يقول بكره وانت عندي والملف معك ومالك هم ولكن للاسف
فكنت اشوف مواضيع المنتدى فقدمت عن طريق مشاركه بوظائف في الكول ستر ببنك الراجحي وانقبلت وكان الراتب 3400 ريال وجلست حتى جاني واحد الله يسامحه من الشباب وقال تعال موبايلي ومالك هم قلت كيف قال امور التوظيف عندي بس انت قدم استقاله وتعال وقدمت استقاله مع اني كنت من الموظفين المتميزين ولكن هذا جزا الي يرفس النعمه ورحت موبايلي وقابلت الرجال وفي الاخير بكره بعده للاسف مافيه شي حاليا وتعبت نفسيا ودخلت المنتدى وكان في وظائف في شركة تأجير وقدمت وانقبلت واعطوني راتب 5000 ريال من غير العمولات ومشى حالي على ما يرام وبعدها دخلت المنتدى وكان في توظيف في مجموعة بن لادن وقدمت وانقبلت واعطوني راتب 8000 ريال ولله الحمد وما زلت في الشركة الى الان
لكن حبيت اقول للاخوان العاطلين هذا المنتدى العظيم هو السبب الوحيد بعد توفيق الله سبحانه وظفني بكل الشركات الي كنت فيها وما زلت فيها واقول قدموا على اي وظيفه وانشاء الله يوفقكم ولا تقول والله ما عندي واسطه واسطتك الله سبحانه وتعالى وانشاء الله راح اكون معكم على طول لفضل هذا المنتدى علي وانشاء الله اذا فيه اي وظائف راح اساعدكم بقدر المستطاع والله يوفق الجميع وييسر امورهم ويجعلم في كل خطوه سلامه ولكم مني جزيل الشكر والعرفان