حياكم يا (مستثمر) و (فيصل) ..

بالنسبة لنقطة إن كبار الصيدليات احتلت السوق فهذا الكلام غير صحيح إذا تكلمنا في المطلق ..
و هذا المشروع راح يعتمد و بدرجة كبيرة على قوة و ذكاء إدارتك : يعني مثلا أنت ذكرت النحاس, النحاس غير معروفة بالرياض و الشرقية مثلا و يمكن فيه ناس الحين أول مرة يسمعون فيها.. و النهدي ما غطى كل مناطق المملكة . و الشي الثاني راح يعتمد أنت وين راح تفتح صيدليتك فإذا كانت قريبة من عيادة أو مجمع سكني و نحوه ثق تماما إنك راح تربح بدون تعب ..
بالإضافة إلى إن بعض المناطق بالرياض تقل فيها الصيدليات و ما تغطت إلى الآن فما بالك بالمدن الأخرى ..


و هذا مثال صغير أحد الي نعرفهم في مكة أخذ تصريحين من عندنا لصيدليتين هناك و ما شا الله عليه الى الآن ربحان و لازلنا نتعامل معه ..

زبدة الكلام الساحة لازالت مفتوحة و الأفكار كثيرة و جهنمية لكن لاتدخل في مشروع مثل هذا إذا ما كنت واثق فيه و واثق من إدارتك إنها تديره , و كل الماركات الكبيرة الي تشوفها الحين هذي كانت في البداية مثلك تقول وش أسوي قدام الكبار ؟!
بدليل إنه يوجد بالرياض عدد كبير من الصيدليات و ليس واحد أو اثنين فلو تمسك مخرج 9 على سبيل المثال لا الحصر و امشي على طريق الإمام راح يطلع لك حوالي عشر صيدليات بأسماء مختلفة و كلها تقريبا ربحانة , يعني من يقول إن صيدلية أو اثنين مكتسحة السوق يكون غلطان ..

و بالنسبة للمستودعات :
تسجيل الأدوية وخاصة المتطورة والحيوية في السوق السعودي، وتوفيرها بالأسواق المحلية بالسرعة الممكنة، وتأمين الأدوية لجميع الصيدليات الموزعه في كافة أرجاء إما المدينة التي تعمل فيها أو جميع أنحاء المملكة إن كبر عملك، والمستشفيات الحكومية والمستشفيات الجامعية والخدمات الطبية ,بأسعار تتناسب وقدرات هذه المؤسسات، وتقوم المستودعات بالمحافظ على المخزون الإستراتيجي للدواء في المملكة.

و الي عنده راس مال مناسب أنصحه بهذا المشروع لأن الربح فيها لا يحتاج إلى ذكاء و لا يحتاج إلى تفكير و لا تعب و لا شي إلا من أبى

حياك أخوي آخر البوح ..
قد تكلمت عن الصيدليات في ردي السابق ..
و بالنسبة لمحل العطارة أو الأعشاب الطبية فبدون شك هي مربحة تمااااااااااااااما لأن أغلب توجه العالم أصبح للعلاج الطبيعي المقنن بقدر ما يمكن طبعا حتى يجتنب الأضرار أو الأعراض الجانبية للأدوية الحديثة ..

و الشؤون الصحية الآن قننت محلات العطارة و أصبحت محل للأعشاب الطبية و تستطيع فتحه في أي مكان و التكسب منه بإذن الله ..

السلام عليكم اخوي ..

عندي كم سؤال اذا سمحت لي يالغالي ..

انا فني صيدله اقدر افتح صيدليه او لا ؟؟

وايش هي شروط فتح صيدليه

مع العلم انك تقول لو كانت خارج الرياض مسموح

انا بفتح في خارج الرياض في المحافظات مثل الدوادمي ..

وحالياً انا مقدم على صندوق المئويه ؟؟

مادري لو وافقوا على القرض هل بيساعدوني في التأسيس
وحالة الطلب : التقييم

ارسلي التفاصل

و عليكم السلام أخوي زياد ..
أنا شفت شروط الشؤون الصحية و مكتوب صيدلي سعودي مرخص له بمزاولة المهنة فما أعتقد و للأسف إنه مسموح للفني ..
و بالنسبة للمدن الصغيرة مثل ما ذكرت لك فحنا سمعنا هالخبر لكن هل نفذ ما نفذ ماندري لأن عندك حاجتين التخطيط و التنتفيذ و كل الجهتين بعيدين عن بعض فما نقدر نقول عن سماح فتح الصيدليات خارج المدن الكبيرة إلا إذا أصدرتها الجهة التنفيذية .. لكن هل أصدرت؟! الله أعلم ..

و بالنسبة للقرض أتوقع بيساعدونك بس ما يعطونك التصريح .. أنت شف و جرب و إذا احتجت تصريح حنا حاضرين

و بالتوفيق

أخي الكريم أشكرك على هذا الموضوع الهادف
أخي الكريم أن مساعد صيدلي تخصصي صيدلة ولدي صيدليتين
وأرغب بفتح صيدليه في مكة المكرمه وأخرى في المدينة المنورهـ لأن شهادتي لاتساعدني في فتح صيدليات في المناطق الرئيسيه
أتمنى التواصل معك
ولك تحياتي

صيدلي مستثمر و زياد
حياكم الله
رديت عليكم عالخاص
و شكرا