مرحبا بنات كيفكم اكيد استغربتو من العنوان
بس والله هاذا اللي صار يعني هاذا الكلام قبل تقريبا ست سنوات وفكرت انزل الموضوع وفي هالوقت بالذات وذلك لكثره الاعلانات عن توظيف السعودياات وبرواتب مغريه

انا من تخرجت من الكليه وانا احاول ابحث عن وظيفه وكان همي اقل شي اني اطلع من البيت لان زوجي كان دواامه صعب واهلي في منطقه ثانيه ودائما كنت اتصفح النت واقرا الجرايد والاقي اعلان صغير توظيف للسعوديات وبرواتب مغريه وقبول فووري انا تشققت من الوناسه قلت بس [IMG]http://forum-static.**********.com/images/**********/smilies1/smile04.gif[/IMG]
حصلت الوظيفه
واخذت الرقم واتصلت ويرد علي سعودي بصوووت استغفر الله ومن صوته شكيت بالوضع قال تبين وظيفه احسن اتصلي على هالرقم !!!بس لالالازم تجين وتقدمين شهادتك ونرسلها ومن هالكلام
المهم قلت لزوجي هالكلام قال من وين اخذتي الرقم وتحقيق قلت من اعلانات الوظائف قال خلاص نرووح نشوف [IMG]http://forum-static.**********.com/images/**********/smilies1/smile40.gif[/IMG] هو ماكان مقتنع بس شاف حماسي ماحب يحطمني
ونروح للعليا لشارع الثلاثين ونلفه رايح جاي والله يابنات طول اليوم تعبنا واحنا نلف مالقينا اسم الشركه اللي يقول
وتعالو شوفو زوجي قال كل كلمه تصدقيها وعصب علي[IMG]http://forum-static.**********.com/images/**********/smilies1/smile37.gif[/IMG]
وانا خلاص شوي واصيح[IMG]http://forum-static.**********.com/images/**********/smilies/icon33.gif[/IMG]
قلت بس تذكرت هم عطوني رقم ثاني وياخذ زوجي الرقم ويتصل ويرد عليه واحد قال نعم عندنا تعالنا في المكان الفلاني وطبعا اللي رد هالمره مو سعودي لبناني
ولما وصلنا الموقع انا ماصدقت كنت بطير من الفرحه
لكن تخيلو لما شفت كان بيت دوورين ومافيه اي لوحات او اي شي يدل على انها شركه
قال زوجي يالله نشوف اخرتها مع هالوظيفه
بنااااات ماااتتخيلون وش شفت وش قابلت [IMG]http://forum-static.**********.com/images/**********/smilies/angry.gif[/IMG]
دخلنا البيت الا كانت ابوابه الداخليه مفتوحه والبنات داخلين طالعين طبعا كاااشفين والرجال نفس الحاله والصاله الداخليه فيها قعدات والرجال والحريم يدخنون انا اتفرج مصدوومه احس ماني بالسعوديه من الوضع اللي شفته وحضرته واللي نازله من فوق واللي طالع
المهم قال زوجي انا ابي اقابل المديره طبعا اللي كان عند الباب مو سعودي بس كان خايف لما شاف زوجي معاي قال لنا ادخلو
ودخلنا للمديره طبعا كلهم فررري كاشفين ولا حجاب ولا شي
والمديره قاعده على مكتب وش طوله وعرضه ولما شافتنا والله العظيم حسيت برجفتها وخوفها حتى لما شافت زوجي وانا مسكينه ماادري وش السالفه
وقعد زوجي وحط رجل على رجل وكان مستهتر فيها بشكل
قال اسمك ماردت عليه قال طيب وش وظايفكم اللي تقولون عنها تعالو شوفو بس قالت منظمه حفلات وووو وراتب خمسه الالف وبيصير اكثر ويمكن يكون اكثر ومن هالكلام
قااام زوجي معصب قال بسسسسسس يالله يالله [IMG]http://forum-static.**********.com/images/**********/smilies1/smile37.gif[/IMG]
كل شي واضح انا مافهمت قصده
وطلعنا وتخيلو طلعو ورانا كلهم والمديره لانها على اعصابها لما شافت رد فعل زوجي وكانت طول الوقت تقول بنقفل بنقفل بس بعدين عرفت وش كانو يقصدون
حسبي الله ونعم الوكيل
ولما سالت زوجي عن السبب قال الى الحين ماعرفتي هم ياجرون بنات يعني بالعربي بيت دعااااره وكانو يبغونك من ضمن القائمه
وقالي راح ابلغ عنهم والله يابنات بعدها بفتره الاقي بالجريده ان الهيئه اطاحت ببيت مشبوه كله فتيات ورجال


حسبي الله ونعم الوكيل
بنات انا كتبت هالموضوع حتى احذر البنات اللي يبحثون عن وظايف ماينساقون وراء هالاعلانات واذا تبي تتاكد تخلي زوجها اخوها اهم شي يكون اللي يكلمهم رجاال وسلامتكم
منقوووووووووووول