شفت نفسي فاضي قلت اسولف لكم شوي


نبدى باول سالفة انتم عارفين اني حلو ومزيون اهبل بسم الله علي
وكنت في خامس ابتدائي وطالع من المدرسة وفي عز القايلة ماسك لي ( خرطوم ) واسقي الشجرة اللي جنب باب بيتنا << مخطط اخليها موقف لسيارتي اذا كبرت وشريت سيارة
والساعة 2 والشوارع فاضية الا من كم قطو يتلاحقون عند الزبايل اكرمكم الله
و كنت لابس فنيلة وسروال مشقوق عند الركبة << مخترع موضة الديرتي
وانا متحمس اروي ضمئ الشجرة الا يجي ويوقف قدامي واحد معه كابريس تسعاوي
وينزل الدريشة المضللة و يطالعني فوق تحت ويسالني و كان لابس قميص نوم و الدخان في يده اليسار وصوت المغني الشعبي بشير حمد شنان يلعلع من مسجل سيارته ويقول وين مدرسة البنات؟؟
انا على نياتي ذيك الايام واوصف له تروح يمين وترجع يسار قاطع كلامي بجملة ليه ماتركب معي وتوصلني لها ؟
انا ترددت
وقال انا جديد في الحارة وساكن وراكم ووديت بنتي الصبح وضيعت الطريق ؟!
قلت بكل فزعة جنوبي اصيل ابشر بس خلني اسكر الموية
و ارجع لشجرة البلدية اليابسة واسحب اللي عنها والموية غامرتها وادخل اللي للبيت واسكر الحنفية واطلع حافي القدمين على اعتبار ان المدرسة دقيقتين عن البيت
والرجال بيرجعني كل ذا الكلام في راسي يدور ,فتحت الباب وركبت و اطالع سيارته و الدخان مغطيها واشرطة المسجل متناثرة في كل مكان فيها .


فاصل بروح احلق وارجع بكرا دوام والحلاق التركي اتصل يقول تعال دورك .






رجعت لكم
انا خلاص بببطل اروح لسافيت التركي ماعاد هو مثل اول
خرب من طلق زوجته
خرب *****وكة وحف الشنب من الاطراف صرت كني انريكه اجليسيس


الموهم نرجع لسالفتي اشرت للرجال يلف مع اول لفه
تجاهلني وطول
قلت يمكن ماسمعني
قلت له المدرسة من هنا
وانا بيدي اشرت له الرجال زاد في سرعته
انا هنا خفت قلت وين بنتك تدرس فيه ؟
نسيت وين تدرس هي ؟
قال لي وعيونها كلها شر انا اللي بوديك لمدرسة ماعمرك بتنساها
و بضغطة قفل السيارة ودرايشها وبيبانها
و طلع من حارتنا وانا اطالع لحارتنا نظرة مودع و عيوني بدت تدمع والخوف يهزني هز
و يبدى الرجال يغني مع بشير ( البارحة يوم الخلايق نيام )
و يترقص طرب وانا اقول خلاص ماعد به بارحة ولا بكرة ذا الكحلي بياكلني وييغدي بنته
و توقف سيارته عند الاشارة غصب ماقدر يتجاوز السيارات اللي قدامه
انا طالعت يساري جهة السواق وهو يلتفت يبي يشوف وش اطالع
الا انا افتح باب السيارة وانحاش << انا قلت لكم انه قفله صح اتوماتيك بس السيارات القديمة ممكن تفتح من الداخل عشان محد يتفلسف على في ذا النقطة
وكنت حافي واركض بين السيارات والناس تطالعني وتطالع الرجال
وانا يوم ابعدت وصرت بعيد على الشارع المعاكس له التفت الا والعالم متجمعه عليه و ينزلونه من سيارته و يفرشونه انا بغيت ارجع لهم واقول لهم ان بنته ماتدرس << مصدق للحين

عشان يكملون عليه و ارجع لبيتنا ركض واوصله و رجولي سود من الشارع و متقطعة من حرارة الاسفلت وكان على وقت الاذان وادخل لدورة المياة اغسل وجهي من الدموع ورجولي من وصخ الشارع ولاكان شي صار
ومن يومها اذا سالني احد عن اي مكان في الرياض اقول ما ادري انا مثلك جاي اراجع وزارة وارجع لديرتي مع اني ماعمري طلعت من حارتنا اكثر من اسبوع




مايستفاد من السالفة
لا تسقي الزراعة في القوايل
لا تصير صحيح وتخدم ناس ماتعرفهم وتركب مع اي واحد حتى لو قال لك اي شي خاصة اذا كنت مزيون ودبدوب وابيض مثلي وه بس
لا تطلع حافي من بيتكم

ايه والله انك صادق هاذي مشكلة نعاني منها نحن معشر الحلوين

الله يصلحك على هالون صدعت راسي
حلوه هااذي معشر الحلوين
اجل اقراء حصن المسلم لاتفارقه

ههههههههههههههههههههههههههههههههههه
هههههههههههههههههههههه مشكلة الحلوين في هالزمن

آجل كنت بترجع للنآس وتعلمّهم أن بنته مآهيب تدرس خخخخخخخخخخخ
والله اني ضحكت من أسلوبك وخشيّت جو ,, ماشاء الله عليك !
وأهم شيء المايستفاد من السالفة
شسمآهـ لو تدري عن علوم انريكي اجلاسياس مآكان جبت طاريه ماوديّ نفضح الرجال وكيذا ,, خل اللي فات فات <~
والله وسعت صدري بهالآكشن ,, ولا تقطع عنّا سوالفك وتجاربك وضريبة "الجمال" الي تعاني منها

اكثر كلمه سمعتها وانا في الابتدائيه لاتركب مع احد ماتعرفه
معلومتك قديمه
ماغير ماحد قال لي تعال اركب
مع اني حلو

هههههههههههههههههههههههههه

وناااسسسسسسسسسسسه

بعد مغآمره خطف
كلك حركااات يامؤمل

وااااو المره الثآنيه انآ بسقي الزرع <~ متري النخل

وسعت صدري
الله يوسع صدرك

الحمدلله على سلامتك يا الأطخم

لكن فعلاً هذي ظاهرة منتشرة يتكلمون عنها الدعاة بشكل كبير وهم أبخص في مجتمعات الشبيبه
الله يكفينا شر من به شر والله الواحد صار يخاف على الولد قبل البنيه

هههههه بغيت تروح فيها

الحمد لله على السلامة

حمدلله على سلامتك خطاك الشر الحمدلله
صحيح ذكرت القصة ومزجت فيها بين النكته والعبرة لكن لابد من الوقفه الجاده

وقصتك فيها دروس كثيرة للعاقلين

بالذات اللي عندهم اخوان صغار اولاد ولا بنات ينتبهون لهم ويتفقدونهم وين رايحين وين جايين ويكونون ملاحظينهم دايم

اذكر سالفة حصلت لي كنت خارجه من السوق الظهر امشي بروح للسيارة بشارع هذا الشارع مو خطر يعني شارع مواقف تبع السوق لكن بعيد عن البوابات

المهم وانا امشي ويجي واحد بسيارت مثل المجنون بعز الظهريه شاف حرمة تمشي رفع المسجل بقوووة ولف بوجه الاقشر برا الشباك وهو ضروسه انا وقفت ماادري ايش اسوي بعدها

رفعت عبايتي واركض واصرخ يمــــــــــــــــــه قلت خلاص بروح في شربة مويه انخطفت مع هذا المجنون الله يعافيه ولايبلانا لابذريتنا ولااخوانا يارب

دارت الدنيا بشريط ذكرياتي والله قلبي بغى يتوقف قمت افكرفي كل شي واركض وياسبحان الله الله الحافظ والله والسر بقولكم اياه في قصة في موضوع