ماعاد باقي الا ساهر ..!!..( للخارجين على القانون فقط )

صقر ورقان · #1 (**permalink**) 02-01-2011, 03:50 AM

السلام عليكم ورحمة الله وبركاته....

صبحكم الله بالخير ايها الشعب السهران الى هذه الساعة المتأخرة ...

بما اني سهران وبداوم مواصل .. فمن عادتي التفكير في معاناتي المشتركة مع الآخرين ..

وبماان ساهر صورني الين ماطفش .. وحطوني بالصفحة الاولى وصار يعرفني كل فرد من عائلة صالح كامل ..

وبعد عدة مشاورات واتصالات مع الداشرين فالشوارع واللي عندهم خبرة شوارعية كافيه تؤهلهم اني اخذ رأيهم في موضوع مثل ذا ...

وبعد عدة مواقع تصفحت فيها وانظمة قرأت عنها ومقاطع تفرجت عليها ...

ومن باب ان (( كل مشكلة لها حل )) جبتلكم حلول ذا اللعين المسمى ساهر عليه اللعنة .<< طولت فالمقدمة بس تحملوا ..

ونبدا بالحلول ....

1- الحل ذا على كلام واحد من الشباب ... يقول ان اللوحة الكترونية ... فلذلك ماعليك الا انك تجيب صاعق كهرباء وتصعق اللوحة وتخرب الشريحة اللي بداخلها...

2- طريقة لقيتها في احد المنتديات وهي ...(اولا : اللوحة فيها شريحتين ترسل المعلومات للنظام الا وهي
( الشريحة الزجاجية ) و ( الشريحة المعدنية )
- الشريحة الزجاجية زي ما انتم شايفين مغلفه اللوحة من الامام ..
كل اللي تسويه انك تاخذ مسمار وتدقه باللوحه من النص عشان تنكسر الشريحة بالكامل
نجي للمعدنية ..وكانها بجنب اللون الازرق طولي .. وهذا صعب انك تشيلها .. ( يعني وش تسوي )
الي تسويه طال عمرك تاخذ سكروب او حديده حاده او سكين وتشخط على طول الشريحة ..
وكذا تكون خربت انت الشريحة الام !...

3- الطريقة الثالثة وهي اللي انا متبعها حاليا ... انك الله يعينك اذا انك تمسك خطوط يوميا مثلي مالك الا تاخذلك لوحات ابو عشرة ريال من المحلات .. وتحطها فوق لوحتك ...
ولا قربت من تفتيش تنزلها ...

واذا انت الله معطيك خير وتقدر تسوي ذا الطريقة اللي موضحة بمقطع فهذا خير وبركة ..

وهذا المقطع..

http://

4- فيه اجهزة تستورد من برا وفيه محلات حاليا تبيعها ماادري بالسر ولا فالعلن .. المهم قريتها عنها كثير .. ومسمياتها هي ( فالنتينو ... كوبرا... باند ))

الكوبرا هذي صورته واعتقد قيمته 1800

[IMG]http://***.net/jan11/***net2_12939249831.jpg[/IMG] تحميل صور

وباند لقيت مقال عنه ...

جهاز باند

طبعا يقوم بتحديد الموجات التالية

*
X-band
*
K-band
*
Ka Band
*
Ka Superwide
*
Ku Band
*
Laser

طبعا اهمها موجة الـ k وموجة الـ ku

مداه تقريبا 2 كيلو شرقا و 2كيلو غربا وايضا جنوبا وشمالا

وبه نظام داخل المدن ونظام الطرق السريعة

وهذي صورته ..

[IMG]http://***.net/jan11/***net2_12939249832.jpg[/IMG] تحميل صور

وهذي مقاطع يوتيوب .. توضح فعالية هذه الاجهزة ...

http://

الطريقة الخامسة والاخيرة ... برامج توضع في الايفون والبلاك بيري وماقدرت اجيبلكم شرحها ..

لانها بروابط فالمنتديات وشرحها طويل ... لكن من سال قوقل ماخاب ..

وهذا مقطع يوضح فعالية البرنامج اللي في الايفون ..

http://

هذا والله ولي التوفيق ... واتمنالكم حياة سعيدة من غير ساهر ...

اخوكم / صقر ورقان

دنياي حلم · #2 (**permalink**) 02-01-2011, 04:05 AM

وعليكم السلام ورحمة الله وبركاته
( للخارجين على القانون فقط )

< احسب عندك واحد
الله يعطيك العافيه صقر ورقان
بس عجبني المقطع الاخير حق برنامج الايفون اسهل ومتنكفش

اما الاجهزه احسها صعبه تركبها في سيارتك غاليه وتخاف يصادروه عليك

مشكور اخوي
وجاري البحث عن البرنامج

صقر ورقان · #3 (**permalink**) 02-01-2011, 05:29 AM

اقتباس:

المشاركة الأصلية كتبت بواسطة دنياي حلم

وعليكم السلام ورحمة الله وبركاته
( للخارجين على القانون فقط )

< احسب عندك واحد
شي زين ان فيه ناس تخرج عن القانون ولا ترضى بكل شي

الله يعطيك العافيه صقر ورقان
بس عجبني المقطع الاخير حق برنامج الايفون اسهل ومتنكفش

اما الاجهزه احسها صعبه تركبها في سيارتك غاليه وتخاف يصادروه عليك

مشكور اخوي
وجاري البحث عن البرنامج

الله يعافيك ,... واجبنا نحو المواطن..

ماهي صعبة لا شفت تفتيش نزله .. ولامسكت خط ركبه .. والحياة تعب وانا اخوك خاصة مع ساهر ,

وكله يهون ولا تاكلها 500 ريال

هلابك مرورك اسعدتني ..

فتى البركة · #4 (**permalink**) 02-01-2011, 04:09 AM

في ايضا طرق اخرى شفتها في زي الغلاف الشفاف يوضع على اللوحه اذا ميلت زاوية رويه اللوحه تشوفها مغبشه
ايضا مثبت الشعر>>اسبريه<< سمعت عنه لكن ماقد سويتها
فك اللوحه ومغط ههههههه

صقر ورقان · #5 (**permalink**) 02-01-2011, 07:00 AM

اقتباس:

المشاركة الأصلية كتبت بواسطة فتى البركة

في ايضا طرق اخرى شفتها في زي الغلاف الشفاف يوضع على اللوحه اذا ميلت زاوية رويه اللوحه تشوفها مغبشه
ايضا مثبت الشعر>>اسبريه<< سمعت عنه لكن ماقد سويتها
فك اللوحه ومغط ههههههه

اسدح اي حل يجي في راسك .. خل نقضي على ذا النظام .. الين مايعتدل ويطبقونه زي الاوادم ...

حياك الله واشكرلك مرورك ....

زيدان · #6 (**permalink**) 02-01-2011, 05:40 AM

صراحه حركة الآي فون حلوه وانا مجربها مره فعاله

بس مهما كان مافي احلى من الالتزام بالنظام ..

انا بعض الأحيان اطيرولاوراي شي يستدعي اني اسرع

ومن يوم ماجا ساهر وانا متعوذ من ابليس

يعطيك العافيه ياصقر وفالك النحشه من ساهر

صقر ورقان · #7 (**permalink**) 02-01-2011, 03:59 PM

اقتباس:

المشاركة الأصلية كتبت بواسطة زيدان

صراحه حركة الآي فون حلوه وانا مجربها مره فعاله

بس مهما كان مافي احلى من الالتزام بالنظام ..

معاك حق لكن وانا اخوك اذا النظام مالتزم بالنظام ماعاد يسمى نظام ..

هذا اذا قدرنا نسميه نظام حاليا ... وماهو الا برنامج لاستنزاف جيوب المواطنين ..

وعي الناس قبل لا تفاجأهم بنظام مثله ... بنشرات توعوية واعلانا مكثفة وغيرها ..

وخل قيمة القسايم رمزية وتزايد سنويا الين مالناس تعود على وجود ساهر ..

اما عاد قيمة القسيمة عالية وتتدبل بعد ...!!

خفض السرعات القصوى بشكل تدريجي لكن من 90 الى 50 فالفرعية وبعضها 70 ومن 120 الى 110 ..!! وش سووا الا عارفين الناس متعودة على 120 ..
وهي سرعه معقولة ولكن ماناظروا في سلامتك ناظروا في جيبك ..

وتحطلي ساهر فمحادير مايشاف..!! ( على قول الامير مقرن خلوا ساهر واضح بدون ماتتصيدون المواطنين )..

للمعلومية ((انا مع النظام عندما يتبع النظام ))
انا بعض الأحيان اطيرولاوراي شي يستدعي اني اسرع

ومن يوم ماجا ساهر وانا متعوذ من ابليس

يعطيك العافيه ياصقر وفالك النحشه من ساهر

الله يعافيك وييرفع مقامك ووالديك ..

لالا ابشرك حمدلله عرفتله ...

شاكرلك مرورك ..

حنين الرووح · #8 (**permalink**) 02-01-2011, 05:47 AM

اقدر ادخل << مو خارجه ع القانون بس جيت اطل عليكم
حركات غريبه بصراحه ..!
وش الله حادكم لاتسرعون وساهر ما يصور خششكم

أحبك يا بحر · #9 (**permalink**) 02-01-2011, 12:20 PM

عاااادي لاحد يسرع وابن امه يصور

بس القهر انه يجي بشارع تمشي 61 ويصكك مخالفه
ويقول لك السرعه 60 حلوه هذي ام القهر يا شيخ
طيب وين لوحات السرعه .....
الحمدلله أنا ما صورني من أنولد ساهر الا ذيك المره في شارع البطحاء
الله لايعود أبو يمن أمشي 75 يقوولي السرعه 70 ههههه ...

حسبي الله عليـــــــــــــــــــهم