تغيرنا ولا ندري من اللي غير أطباعه
ياقلبي قول لاتسكت وش اللي جابنا أغراب؟! .

سألتك ليه تتنهد بصدرك آه ملتاعه
تصب الملح من عينك تناثر دمعك المرتاب؟! .

جنوني / واللذي خلد غلاك بخافقي راعه
سكوتك يكسر ضلوعي وفيني مابقت أعصاب

أبعرف بس من يقدر يكدر خاطرك ساعه
أبعرف بس من غيري يفتح في هواك أبواب

تنهد وألتفت يمي وقال بروح فزاعه
حبيبي يا بعد عمري أحبــك ( والهوى غلاب )

هواك بمهجتي أقرب من الخفاق لأضلاعه
وهذا شلون لا تسأل سألت ولا لقيت أسباب

أحبــك / كثر ما أكره فراقك وأشرب أوجاعه
أحبــك / كثر ماتسهر عيونٍ تنتظر أحباب

أحبــك / كثر مايحلم فقير يعدل أوضاعه
أحبــك / كثر مايندم غشيم بعشرة الأصحاب

أحبك / كثر ماغنى (عبادي) للهوى وداعه
( على آخر تراب الأرض ) أحسك بالوصل كذاب

لأنه صار ما كنا( نخافه) والهوى طاعه
فراقك حلّ ياعمري ولازم نبتعد (أغراب)