بسم الله الرحمن الرحيم
السلام عليكم ورحمة الله وبركاته

اخواني ياليت احد يقدر يساعدني انا ابيع اجهزه بالتقسيط على اقاربي يعني مضمونين لكن الان
جاني ناس وانا ودي اقسطهم لكن خايف يسحبون علي بالاقساط ابي طريقه اظمن حقي فيها
كيف اكتب اورقه بيني وبينه وشنو موضوع الورقه بالضبط ياليت تساعدوني باسرع وقت

^

ليه ماتسوي استقطاع من الراتب عشان تضمن حقك !!!

كيف اسوي استقطاع من راتبه يعني هل البنك يوافق يقطع من راتبه وبعضهم راتبه ماينزل على البنك يستلمه كاش بيده ابي تفاصيل بيع ورقه ويوقع عليها مع شاهد ويبصم بس ابي اسلوب العقد كيف

لا تثق في احد واضمن حقك قبل كل شي

ماعاد في الدنيا امان

وبالتوفيق

بخصوص الاستقطاع ماهو حل .. لأنه يقدر يوقف الاستقطاع بأي وقت ..

الأفضل كتابة عقد بينك وبينه .. ويفضل وجود كفيل غارم أو أكثر ..
المهم تعرف مكان سكنه وعمله .. ومكان سكن وعمل الكفيل ..

يعطي اطلب تعريف من عمله بأنه على رأس العمل لتاريخه مع توضيح الراتب مع مراعاة ان القسط ما يتجاوز ثلث الراتب .. له وللكفيل ..

طبعاً لا تخجل او تستحي في طلب ما يضمن حقك .. لانه في البداية العميل هو يترجاك وبعدين انت بتترجاه ..

وبخصوص الصيغة انصحك تتوجه لأقرب مكتب محامي يعملك صيغة للعقد بصورة قانونية وما اتوقع ان المحامي بياخذ اكثر من 500 ريال

والله يوفقك اخوي