إلى كل عانــــس
أهديك كل حرف من هذا الإيميل

مبروك إنتي عانس!...ستفرحين قليلاً أيام الملكة، أنواع الهدايا والتغزل ..ولكن سرعان ما ستطبين أختي العزيزة على خشتك من أول شهر بعد العرس !..ماقدر يصبر أخينا بالله يمسك نفسه ويخلي القناع أكثر من شهر..لن تنصدمي بصلعة لماعة كانت مختبئة تحت طاقية الزري


إحمدي ربك إنك عانس!..لأنك إذا نمتي بالليل (أكيد بالليل شرايك يعني!؟) ماراح تخترعين لا التفتي جنبك على بالك حلمانة بكابوس أثره الوسيم منبطح جنبك والسعابيل شلالات هههه
غير الخشة المنعفسة أثناء الخمدة

حظك قوي إنك عانس!..ماراح تصحين الصبح على أنفاس جميلة صادرة من فم المملوح هاللي كنها أنفاس بعير ما أكل له شهر , لن تفزي من سريرك بصرخة منه وهو يحك نص كرشته اللي طالعة من فوق السروال وهو مغمض عين ومفتح عين ويقول ياامراه قومي سوي لي الفطور فطروا راستسس خخخخ خ خ

يا شيخة محد قدك إنتي عانس!..ماعندك واحد شين وقوي عين طول يومه معصب يروح الدوام وهو مبووز ويجي من الدوام وهو مبرطم يقاله مغيّر الحين ههههه .. ويقول لك ليه إنتي كله نكدية وليه إنتي مو رومنسية؟ .. الظاهر ما شاف خشته اللي تقطع أصول الرومنسية وتخليك ما تفرقين بين الوردة و الفجل

بوسي يدك وجه وظهر إنتي عانس!..ماعندك واحد مشعر وجلده يابس

يكشخ لك بسروال سنة وفانيله علاقي مطلعة زنوده المربربة طالع كنه فيل مسوي ريجيم على باله ماخذ راحته فالبيت، ماسك الريموت ويفرفر بقنوات الترقص وهاك عراقيات على لبنانيات ..ويقولك شوفي الزين وهو شاق الكشرة وأنيابه الصفرا طالعة على جنب


أفرحي لأنك عانس!..ما عندك واحد ذابحة نفسك عشانه تكشخين ليل ونهار ولا يبين بعينه ويقارنك ببنات ما يسوون ظفرك شيون بس صاروا حلوات لأنهم قالوا هيك وشو هيدا! والله يخلي اللي اخترع المكياج !.. والمشكلة أنه يطلب منك أنك تصيرين زيهم و ياليته يصير زي هالمزايين اللي يطلعون لنا بالتلفزيون عضلات تذبح على بشرة برونزية




الفرق إنك تستحين تقولين له ليه ما تصير كذا وهو ما يستحي لمن يقارنك فيهم

أرفعي راسك إنتي عانس!..روحي وتعالي أي مكان ما عندك واحد يقولك لاتروحين ولا تجين بدون سبب مقنع بس عشانه يعنني رجال أبي أتحكم وخلاص!...واذا بيوديك يعشيك وداك كودو والا ماكدونالدز .. البوفيهات والفنادق شايلها من حساباته طبعاً.. يقول بخاطره أخسّر ليه!؟.. الله يديم الرخص هههه

لا للنكد نعم للعنوسة!.. وش بتستفيدين اذا تزوجتي؟! بيخرب جسمك من الحمل ويطلع لك كرش، غير عذابك مع الولادة عشانك جايبة عياله مو عيال من الشارع! وتذبحين نفسك رياضة وريجيم

ومع ذلك يقولك ياام كرشة وإلا يالدبة..ونسى نفسه ذو القوام الممشوق اللي لا زهق هوايته البلع .. وطبعاً لا صاحوا العيال قالك إطلعي برا الغرفة أبي أناااام ويصارخ بصوته الرقيق الناعم وأنواع الدعاوي والسب فيك وفي البزران .. كنهم عيالك أنتي بس!!؟


تراك مفتكة لأنك عانس!..لا جا الويك اند وقلتي له تعال نطلع العيال وداكم أقرب مجمع معفن كله لحوج فرفر فيهم كم فره في ألعاب أم قرشين وأكلكم شاورما أو فلافل واذا كان متكريم عليكم خلاكم تحلون بآيس كريم أبو بسكوت، وقال يالله بروح ألحق عالديوانية وإذا تذمرتي قال إحمدي ربك مطلعكم



عانس ولا كل المتزوجات!...كل ماتهاوشتي وياه في سالفة وإلا انتقدتيه قالك ترى الحريم واجد والشرع محلل 4 ماسك عليك هالكلمة وانتي لو تنفضين جيبه ما لقيتي إلا عشرة ريال متعلق فيها عنكبوت, يعني مرة الحين حضرته مطبق الشرع كله! ماحمد ربه يوم انك رضيتي فيه بعفنه وبفقره




في النهاية بعد هالـ10 نقاط تذكري أختي العانس
بأن هناك ملايين المتزوجات ممن يحسدونك على هذه النعمة العظيمة

^
^
^
^
^
^
^
^
^
^
^
^
^
^
^
^
^
^
^
^
^
^
مو يخطبونك وتردينهم وتعنسين وتطيحين بحظ أمك





أنواع النذالة
ترى ما لي شغل


في النهاية أتمنى عجبكم الإيميل