قصتي مع الإشراف

مرعى وقلة صنعه · #1 (**permalink**) 03-01-2011, 09:13 PM

قبل كل شي .... يسلموا جنوون ( شيبو ) ع التشويه الخلقي

قصدي الرسوم

عاد اموت وأعرف شلووون عرفت لون شعري

مساكم / صباحكم كلها خيرااات

كل ابو هالمنتدى نزل قصته .. مابقى الا انا

قصتي بدايتها مأساويه بعض الشي

.. لكن مابعد الصبر الا الفرج

..
..

7
7

قصتي مع الإشراف

اول دخلاتي للمنتدى كنت أفرفر بالأقسام مثل النحله أدور الوظيفه السنعه اللي تليق بمقامي كسيدة مجتمع < تبطين وربي .

المووووهم قدمت بكل مكان والكل مقضبني الباب قبل أطوله .. لين عجزت وتركت هالموضوع وأبشركم نسيته ..

قمت أطلطل براسي بقسم الشعر وادخل شوشتي شويات وأرجع اطلعها لحد يشوفني ..
كل اللي فيه رومنصيييين

.. وانا من جنبها

وبيوم من الأيام تروشت وتعطرت وعزمت أدخل من الباب الرئيسي رقم واحد

وانا بنت أبوي وأخت العيال وأخت أخوي وبنت خالت بنات أخت أمي .. وسميت بالرحمن ووطيت برجلي اليمين .. ومشى الحال ولله الحمد ولازال الوضع مستتب < أسمع بهالكلمه وموب عارفه معناها لليوم

بعدها بدت رجلي تسحبني قصدي الكيبورد .. للواحه
عجبني الوضع .. كل الشعب البطالي يضحكون ويسولفون هناك وانا دافنه نفسي بالرومنصيه وياليتها لايقه علي

وأنا أبوها واسميها وأنط بوسطهم وأسوي كأني أعرفهم من زمن حطبه

وبقيت ع هالحال أنطنط من قسم لقسم.. الى ان اتى اليوم الموعود < آآآه بس ع التعبير

جاني مسج ع الخاص ...

اقتباس:

( السلام عليكم أخت مرعى بنت قلة بنت صنعه .. نظرآ لمجهودك الجبار وذوقك العالي بإختيارك للمواضيع ذات القيمه الجمه .. وجبروتك الطاغي وسياستك الحكيمه .. قررنا نحن إدارة المنتدى وبعد الإذن منك ياصاحبة السمو أيتها الكشخه مرعى .. أن تكوني ضمن إدارتنا لتتسلمي منصب مراقبة الرسائل الخاصه بين الأعضاء لأننا وبإختصار موب قادرين عليهم

.. وشكرآ )

مقتبس هاااا .. عشآن لاتقولون اكذب

الموووهم ..
بحلقت وطيرت عويناتي اللي بيآكلهم الدوود بعد عمرآ طويل قولو آمين

أخيرآ بلبس الأزرق وبكشخ
لا ووووين ... ع المسجات الخاصه كمان

أخيرا بيتحقق حلمي .. بقرب التكوه وصحن الفصفص ودلة القهوه وأقرأ قصدي أراقب

طيب لازم أنزل لي قوانين عشان اللي مايدري صرت مشرفه يدري ..
طيب شقول امممممم ....

1 يمنع وضع الصور النسائيه < مدري شدخلها

2 يمنع إرسال الرسائل الا بعد 3 ايام من مضي الرساله الأولى < ماتقلد

3 تمنع الروابط الخارجيه أقصد الإميلات < ع الخاص ياعالم

4 يمنع إرسال الرساله الرومنصيه نفسها الى مليون شخص بالوقت نفسه

< يعني ماضبطت مع وحده تضبط مع الثانيه

5 تمنع مقاطع اغاني اليوتوب < مانزلت الرومنصيه عليكم مثلآ الا الحين

ومن لايلتزم بالقوانين .. الباند سيكون حتمآ وقطعآ مصيره < هقوتي انتي اللي بتآخذينه

واللي موب عاجبه لايستخدم الخاص

ملاحظه ... أصحاب القلوب الضعيفه لايظللون
كل مسجاتكم أقراها وتحت سيطرتي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي الانتقال إلى العرض المتطور العرض الشجري

تسجيل الدخول

قصتي مع الإشراف

إستراحة الأعضـاء

قبل كل شي .... يسلموا جنوون ( شيبو ) ع التشويه الخلقي

قصتي مع الإشراف