ياجماعه فيه واحد اجنبي عارض علي انه يستخدم مؤسسة باسمي عشان يصدر زيوت خام يقول انه شغال فيها من زمان وانها نظامية وبيعطيني نسبه من الارباح
ارجو انكم تفيدوني هل اقبل ولا فيها خطوره ولا ايش تنصحوني فيه

شكرا للجميع

تكفى ياسماعيل دلني عليه خل اعطيه اسمي ههههه

الله يرزقك من اوسع ابوابه

واتمنى اهل المحاماه اوالقانون يفيدونك

توكل ع الله ووافق

بس طبعا اخذ جميع الاحتياطات وأسأل لك محامي عن الاجرائات هل هي سليمه او لا

موفق خير

مــــــــــوفق

بالتوفيق

وافق بعد ان تتأكد من نشاطه

لكن بما انه الموضوع تصدير يعني لازم تحصل على شهادة منشأ عشان تقدر تصدر وهذي تأخذها من وزارة التجاره
او اذا الشركه المنتجه والمصنعه للزيت الخام عندهم شهادة منشأ فهذي تكفي

شكرا لجميع من اعطى رايه بالموضوع وارجو اذا فيه احد مر عليه موقف زي كذا او اهل اختصاص يفيدون الجميع
تحياتي للجميع وبالتوفيق

الله يوفقك يآبعد قلبي وانتبه من اخوانا الآجانب اكثرهم نصآبين
أولا لايقول لك سو لي وكاله اني ابيع واشتري بدالك واستلم واقبض واطلع السجل التجاري < طبعا بيقول لك وانت مرتاح بس سو لي الوكاله < تقول له انا اسوي كل شي واتعب علشان تكون انت متأكد من الشغله كامله
وتخليه يعطيك تصور كامل وشرح جدوى الموضوع والبلد المصدر منها واحجام الزيوت والفايده الي راح يحصها كل هذا علشان بس تضمن نسبتك بدون نصب

انا نفس طريقتك جاني واحد مسوي ذكي علي قال بستورد من الصين اكسسوارت باسمك وسو لي وكاله اني اطلع السجل التجاري باسمك < رديت عليه قلت له وش يدريني بدال ماتستورد اكسسورات تستورد لي مخدرات < فأنبته ياخوي تراني خايف عليك في نفس الوقت اتمنى لك التوفيق

الشي الاخير تسئل محامي شاطر ويعلمك شرعيته ويتأكد لك من ان الشغله كلها نضاميه

بالتوووووفيق

يا اخوي انتبه من الاجانب لايستغلون سجلك التجاري يمكن يدخل ممنوعات ثم تروح فيها احذرهم او يشتري بأسمك اشياء ثم تسجل على المؤسسة احذر من الاجانب ياكم واحد انخدع منهم لايغرك الكلام المعسول حقهم

الاخوان صقر بدون عمل وصقر العالم شاكر مرروركم وحبيت اسال مافيه اي اجراء ممكن احمي نفسي فيه اذا فكر يخدعني ويصدر شي ممنوع
وهل اذا نقل كفالته باسمي يفرق هذا في الموضوع ويضمن حقي ولانفس الشي
شكرا واسف على الاطاله