ياناس متى بيتفحوون تسجيلهم بالضبط

ياليت اللي عنده خبر يفيدنا

الف الف مبروووووووووك لجميع المقبولين

=============

الله يعينكم على النفسية وعلى البرد وعلى الناموس ( الباعوض )

============

انتوا جيتوا في وقت حلو .......الشمس مهي حارة مرة .......يعني التصليبات ماراح تكون متعبة جدا

صحيح انها متعبة لكن مو كثير مرة ........يعني ان شاء الله تتعودوا عليها وتصير مع الوقت عاااااااادي

===============

هم راح يعلموك في ال45 كل شيء عن العسكرية ....يعني نقدر نقول راح تعرف جميع الاساسيات

بالنسبة للياقة اللي ماعندهم من قبل الله يعينهم لانهم راح يركزون على الهرولة كثير ........اهم شيء في العسكرية الهرولة <<<<<

ومع الوقت راح تتعود على الهرولة وتصير لياقتك ممتازة وماعندك مشكلة تهرول 3 او 4 كيلو

طبعا في البداية الهرولة خفيفة يعني لفة لفتين .......ومع الوقت توصل الى 10 لفات واكثر زينا الحين هههههههه

==============

بالنسبة للمدربين فيه الزين وفيه الشين

فيه المحترم وفيه غير المحترم الوصخ

وانت وحظك وش يجيك مدربين مشاة ومدربين رياضة .....

============

فيه قاعدة تقول امشي عدل يحتار عدوك فيك

يعني اتبع التعليمات واجتهد في الحصص .......صدقني ماراح احد يجي جنبك او يجازيك او يمسح فيك الميدان


اما اللي مسوي فيها شنب ومحد قدي ومايهمني احد فالمدربين راح يأكلوهم تراب وجزاوات لين يكرهوا العسكرية وينسحبوا <<

خلك في حالك و خلك طيب تسلك امورك و تمر الدورة سهالات عاااااااااااادي <<<

===============

انصحكم بالصبر ثم الصبر على التعب اللي راح تواجهونه .........لا تنسحبوا

مافيه وظايف في هالزمن

لو فيه وظايف كان مادخلنا العسكرية ولا فكرنا فيها حتى مجرد تفكير

حاول تفكر لبعيد .......وفكر في الراتب الطيب اللي يجيك خلال الدورة وبعد الدورة دبل ! ماشاء الله

يعني تعيش في عز .......لا تخاف من الناحية المادية الامور تمام <<<

تقدر تبني لك اسرة و تتزوج وسيارة وشقة واثاث وكل شيء

===============

راح تمر عليكم اوقات تكون النفسية زباااااااااااااااالة

وتفكر تنسحب وهذه تجي للكل .......يعني امر عااااادي

لكن اهم شيء انك ماتنسحب <<<<<

انا الحين اتذكر ايام ال45 و اجلس اضحك خخخخخخخخخخخ


لاننا كنا نفكر في الانسحاب خاصة لما نشوف كثير ينسحبون .......و من الفصل حقنا بعد ينسحبون

فالشيطان يزيّن لك فكرة الانسحاب

لكن الحمد لله صبرنا و شوفنا الحين الحمد لله لنا 6 شهور في الدورة كانها 6 ايام !!!!!!!

خلاص مابقى شيء ونتخرج ان شاء الله .......يعني هانت

الى الحين اتذكر اول يوم في الدورة ....واتذكر كيف كنا نتعب في التصليبة والشمس و النفسية وغيره

لكن الحين عااااااااااااااااااااادي تعودنا خلاص

===============

الله يوفق الجميع وان شاء الله نعين ونعاون

وما نقصر معكم

==================

لا تنسون كريم طارد الباعوض ( من الصيدلية ) .....لان الباعوض كثير جدا في المركز <<<<<

ولا تنسون الفازلين والباندول الاخضر للزكام و الانفلونزا والصداع

لا تنسون الفلوس لانه فيه بقالة تقدروا تشتروا منها عصير و بسكويت تمر وبطاطس ومويه نظيفة ....يعني جيب معك اكثر من 500 اذا تقدر .....


=================

اخوكم من الدورة السابعة - مركز مكة - بدأت في 6-8-1431

[align=center]نصيحه أخويه
بما اني من الدوره السابعه وحياكم الله عندنا
جب معك أقل حاجه من الملابس الداخليه 10 من كل نوع لأنو والله راح تحتاج تغير كل ثلاثه ايام على الأقل لأنك راح تشوف العجب من الملابس الداخليه,
ويكون أحسن لو تجيب الفنايل الرياضيه ياللي طلبوها منكم كوم طويل عشان البرد والناموس بعد
وجب معك صابون تايد لأنو فيه غسيل ملابس انت راح تغسلها بنفسك
والنفسيه راح تلعب دورها بس الصبر وربي بعدين بتفلها
وعلى سالفه الثبوت الله يعينكم من الناموس-الحل جب معك كريم ناموس يعني تتدهن به الناموس مايقربك
وأهم حاجه جب معك جزمات الجري ركز على هالشي جزمات اللي تكون من تحت سميكه الطبقه عشان ماتضرك في المشاه والثبوت
واي أستفسار اخر جاهزين,
ودي[/align]

السلام عليكم ورحمة الله وبركاته , الله يحيي الدوره الثامنه كلهم ونشوفكم السبت ان شاء الله

شباب الجزم لا تاخذون الا الطبيه نصيحه

السلام عليكم ورحمة الله وبركاته

غيم ومطر مو كنت مقدم على الدفاع المدني صح وإلا لا ايش صار عليك ياصاحبي

الي من الطائف يراسلني على الخاص ضروري

السلام عليكم ورحمة الله وبركاته
موفق بإذن الله ... لك مني أجمل تحية .

ياشباب التحضير متى بدورة مكة ؟؟؟