والله تعالي بعد الدورة وابشر توي انقبلت
موفق بإذن الله ... لك مني أجمل تحية .

تفضل اخوي ان شاء الله اني افدتك
https://www.btalah.com/t232047.html
موفق بإذن الله ... لك مني أجمل تحية .

أول شيء أخوك من دورة أمن المنشات بمكة المكرمة

الجدول اليومي بأبداء معاك من صلاة الفجر

بعد الصلاة مباشرة تكميل ومن بعد التكميل رياضة لمدة خمس واربعين دقيقة وبعدها فطور وبعد الفطور ثلاث حصص مشاه مدة الأولى خمس واربعين دقيقه والثانيه والثالثه على ما اعتقد خمس وثلاثين دقيقة وبعدها راحة لمدة نص ساعه تقريبآ إلى وقت صلاة الظهر وبعد الصلاه تكميل وجبة الغداء وبعدها راحه إلى صلاة العصر يعني تقريبآ لمدة ساعه وبعد الراحه صلاة العصر وبعد الصلاه تكميل وبعد التكميل حصة مشاه لمدة خمس واربعين دقيقه وبعدها صلاة المغرب وبعد الصلاه تكميل لحصة الرياضه لمدة خمس واربعين دقيقه وبعدها صلاة العشاء وبعد الصلاه تكميل للميز لوجبة العشاء وبعدها بعض المرات يصلبونا وبعضها يصرفوونا للسكن والتصليب بيكون بكثره في الخمس والأربعين عشان يعودونا على الثبووت

وبصراحة في الخمس والأربعين تعب نفسي بشكل كبير وبعد مرور شهر تكثر الإشاعات عن الخروج من الخمس والأربعين تجيك إشاعات تكملها كامله وبعض الإشاعات تقول إلى يووم اربعين ومن هذا الكلام

والجدول اليومي بعد الخمس والأربعين تقريبآ قريب بشكل كبير للخمس واربعين ما عدا بدل الحصص المشاه الثلاث بعد وجبة الفطور يكون تعليم يعني مثل تعليم المدارس

وفي طلاب مروا علينا فصلوا من الدورات العسكريه

وفي الأخير اعذرونا على الكلام المشتت

ونصيحه من أخوكم لحد يفكر في الفصل والله أن بعد الخمس والأربعين تتعودون على الدوره والنفسيه بتكون أفضل بكثير من الخمس والأربعين

وأي استفسار أنا في خدمتكم إذا الله أحيانا وعافانا أن شاء الله

بالتوفيق

الف الف مبروووووووووك لجميع المقبولين

=============

الله يعينكم على النفسية وعلى البرد وعلى الناموس ( الباعوض )

============

انتوا جيتوا في وقت حلو .......الشمس مهي حارة مرة .......يعني التصليبات ماراح تكون متعبة جدا

صحيح انها متعبة لكن مو كثير مرة ........يعني ان شاء الله تتعودوا عليها وتصير مع الوقت عاااااااادي

===============

هم راح يعلموك في ال45 كل شيء عن العسكرية ....يعني نقدر نقول راح تعرف جميع الاساسيات

بالنسبة للياقة اللي ماعندهم من قبل الله يعينهم لانهم راح يركزون على الهرولة كثير ........اهم شيء في العسكرية الهرولة <<<<<

ومع الوقت راح تتعود على الهرولة وتصير لياقتك ممتازة وماعندك مشكلة تهرول 3 او 4 كيلو

طبعا في البداية الهرولة خفيفة يعني لفة لفتين .......ومع الوقت توصل الى 10 لفات واكثر زينا الحين هههههههه

==============

بالنسبة للمدربين فيه الزين وفيه الشين

فيه المحترم وفيه غير المحترم الوصخ

وانت وحظك وش يجيك مدربين مشاة ومدربين رياضة .....

============

فيه قاعدة تقول امشي عدل يحتار عدوك فيك

يعني اتبع التعليمات واجتهد في الحصص .......صدقني ماراح احد يجي جنبك او يجازيك او يمسح فيك الميدان


اما اللي مسوي فيها شنب ومحد قدي ومايهمني احد فالمدربين راح يأكلوهم تراب وجزاوات لين يكرهوا العسكرية وينسحبوا <<

خلك في حالك و خلك طيب تسلك امورك و تمر الدورة سهالات عاااااااااااادي <<<

===============

انصحكم بالصبر ثم الصبر على التعب اللي راح تواجهونه .........لا تنسحبوا

مافيه وظايف في هالزمن

لو فيه وظايف كان مادخلنا العسكرية ولا فكرنا فيها حتى مجرد تفكير

حاول تفكر لبعيد .......وفكر في الراتب الطيب اللي يجيك خلال الدورة وبعد الدورة دبل ! ماشاء الله

يعني تعيش في عز .......لا تخاف من الناحية المادية الامور تمام <<<

تقدر تبني لك اسرة و تتزوج وسيارة وشقة واثاث وكل شيء

===============

راح تمر عليكم اوقات تكون النفسية زباااااااااااااااالة

وتفكر تنسحب وهذه تجي للكل .......يعني امر عااااادي

لكن اهم شيء انك ماتنسحب <<<<<

انا الحين اتذكر ايام ال45 و اجلس اضحك خخخخخخخخخخخ


لاننا كنا نفكر في الانسحاب خاصة لما نشوف كثير ينسحبون .......و من الفصل حقنا بعد ينسحبون

فالشيطان يزيّن لك فكرة الانسحاب

لكن الحمد لله صبرنا و شوفنا الحين الحمد لله لنا 6 شهور في الدورة كانها 6 ايام !!!!!!!

خلاص مابقى شيء ونتخرج ان شاء الله .......يعني هانت

الى الحين اتذكر اول يوم في الدورة ....واتذكر كيف كنا نتعب في التصليبة والشمس و النفسية وغيره

لكن الحين عااااااااااااااااااااادي تعودنا خلاص

===============

الله يوفق الجميع وان شاء الله نعين ونعاون

وما نقصر معكم

==================

لا تنسون كريم طارد الباعوض ( من الصيدلية ) .....لان الباعوض كثير جدا في المركز <<<<<

ولا تنسون الفازلين والباندول الاخضر للزكام و الانفلونزا والصداع

لا تنسون الفلوس لانه فيه بقالة تقدروا تشتروا منها عصير و بسكويت تمر وبطاطس ومويه نظيفة ....يعني جيب معك اكثر من 500 اذا تقدر .....


=================

اخوكم من الدورة السابعة - مركز مكة - بدأت في 6-8-1431

يسعد الله اوقاتكم بكل خير

السلام عليكم



بتكلم عن التجربة من دوره الجوازات وحنا على باب التخرج ان شاء الله قريب جدا خلال شهر

التجربة صعبه شوي الانتقال من الحياة المدنية الى الحياة العسكرية

طبعا الحياة المدنية لا يوجد اوامر وطاعه مثل العسكرية والصبر فيها

دخلنا الدوره ولله الحمد قبل 8 شهور تقريبا وكان وقتها الاجواء بين الشتاء والصيف واذكر اول اسبوع في الاستجداد طاح مطر

والشي المتعب في الاستجداد هي الهروله والثبوووووت اكثر من ساعتين الى 3 ساعات طبعا وخاصة وقت الظهر وتعرف حراره الرياض بداية الصيف وعز الصيف

لاكن اهم شي الصبر ثم الصبر ثم الصبر لان بدون صبر وتحمل تضرب النفسية وتطلع خلال 24 ساعه من دخولك

وطبعا راح تتغير من ناحية الجسدية والنفسية بعد خروجك من الاستجداد والكل راح يلاحظ عليك هذا الشي

ونصيحتي الاولى والاخيرة هي الصبر ونسيان العالم الخارجي من اول دقيقه تدخل فيها المعسكر للاستجداد

وكلها سهلات ان شاء الله

وبنسبة للبرنامج شوي متعب لان فيه تكوين لشخص من ناحية الجسدية والنفسية لدخوله الحياة العسكرية

والجدول اليومي متعب لاكن بصبر والتحمل يكون سهل ان شاء الله

والنوم طبعا من بعد صلاه العشاء او من الساعه 9 باليل لحد قبل اذان الفجر بساعه تقريبا

يعني يمديك تريح وتنام

وبنسبة للأكل الميز كويس بس مراح يعجب الكل في البدية وبعدين راح تتعود عليه ويعجبك

هذا كل اللي اقدر اقوله عن الاستجداد بنسبة لدورتي في الجوازات طبعا

ونصيحة للكل واللي قابل على دخول دوره عسكرية " الصبر ثم الصبر " وترك العالم الخارجي كله وبترتااااااح ان شاء الله

دعواتكم لي بتخرج والتعيين في منطقتي

اخوكم

والله ياخوي العسكريه ماهي مثل اول يعني على حسب القطاع اللي انت فيه يعني قطاع مريح مثل الدفاع المدني والجوزات هاذي راحه مابعده وعندك الامن العام والحرس الملكي والطوارى وامن المنشات هاذي الا كرف وتعب لاكن تحمل ومالك الا الصبر ومن صبر نال على مايقولون اتمنى اني افدتك وشكرا

يارجال" في الدوره المبزوط والعاقل نفس المعامله ... المدربين يبون يقزرونها على الشعب