وقت الرحالي

الشاعر العاطل · #1 (**permalink**) 16-10-2007, 06:00 AM

السلام عليكم
مساكم الله بالخير
عندي لكم قصيده جديده

اقول:

ياصاحبي قد قلت لك قبل عامين
ترا المعزة من ضميري وبالي

أحذرك لا تحسب المال والدين
احسب حسابي قبل وقت الرحالي

لو كان جاء ياصاحبي بيننا بين
فرقاك عندي مثل حب الرمالي

الله ياكــــم شفتك ايــــام وســــنين
واليوم ماانت ابحولنا بالشمالي

إن كنت يابن الناس عايش بوجهين
ترا الوجوه بها صحيح وخيالي

الصقر صقر(ن)وأجوده قيل شاهين
والمر يبقى مر والغير حالي

أسمّعك وأبختصر فيك بيتين
أقبل علومي كلها والخصالي

الزين معروف(ن)وبين العرب زين
تبقى وصوف الزين بين الرجالي

والشين معروف(ن)وبين العرب شين
والشين بين الناس ماهوب غالي

فرقاك يالصاحب تهز الملايين
وأنا اذكرك بالخير اول وتالي

وسلامتكم

الشعر والنثر