يسلموا زمان
لكِ حبي وودي

تعبت ادور ,,, تم ارسال رساله لها
وبأنتظارها

انا جيت انا جيت انا جيت يالله يحييني


تعبت وانا افحط وادور ذا الموضوع

الصراحه جنان ياخيتي ايه احبك حبتس العافيه جعل الوظيفه تلقاتس قولي امين خخخخخخخخ

ثكرا خيتي زمان على اختيارتس ولو انه بيصدع راستس من كثر بربرتي هع هع

االمهم احم احم

انا أيامي كلها عفيسه مالها لاساس ولا راس

حتى الجامعه مارتبتها للحين

المهم ابقولكم وش صار معي امس بماأنو اليوم السبت وكان المفروض اني رايحه للجامعه ومختبره عنقريزي بس مارحت وهذي السالفه


جيت ابذاكر من يوم الجمعه <<<<<<<<<يوه مره بدري خخخخخخخخخ بس والله لأنو كانت جدتي متوفيه الله يرحمها

صحيت الساعه 9 طبعا صلحت لي كوفي وجلست اجغم فيه عشان اصحصح ثم رجعت لغرفتي وجلست اذاكر لين الساعه 12 <<<<<<لا يغركم اكثرها هواجيس
ثم صليت ونزلت لأهلي اللي كانو مستعدين بيروحون بيت جدي وانا طبعا مسويه مجتهده ولا رحت معهم

قعدت اذاكر شوي وعلى التلفزيون شوي لين الساعه 2ونص ثم قام بطني يصوصو يبي غدي دقيت على اهلي وارسلولي همه وتغدويت وشبعت ثم صليت العصر ثم كبس علي النوم يابن الحلال خلني اذاكر وخرعني عيا يوخر <<<<<<<قاعده تكلم النوم

رحت جبت زمزميه الشويهي وقلت انا اورك وقعدت لين المغرب
ثم ماعاد شفت طريقي واتصبر لين العشا واصلي واروح انام <<<<يقالي ساعتين واقوم
المهم واسحبها لين 12 واقوم وعلى طول على المطبخ ساندويش وكوفي ثم ارجع اذاكر لين الساعه 2 ليني مابعد خلصت الا 7 صفحات وباقي كثيييير قام الشيطان يوسولي ويقول وراى ماتغابين عاد انا قلت ايه والله واخذ شهادة وفاة جدتي الله يرحمها عذر واعيد الإختبار فيما بعد <<<<<<<<اشتغلت االخطط

ثم قمت وعلى النت هع هع <<<<<<<<<ماصدقت على الله

واقول للجماعه على الماسن فكرتي ويطبون فيني واقنعوني اتعوذ من ابليس وارجع اذاكر وفعلا رجعت وصليت لي ركعتين ثم باك على الملزمه لين الساعه خمس وانا بصفحتين <<<<<<<<عنقريزي لا تلوموني

قلت يابنت تغابين احسن لتس أحسن ماتروحين وانتي يد قدام ويد ورا صليت وخمدت

الا الظهر وقعدت على النت وفتحت المنتدى ولقيت رساله من العثل ايه احبك وجيتكم فيذا اقلب دمجكم بقرقرتي الواجده


وخلصت ملصت بربرتي احيران:o
هذا يوم واحد تسان ودكم باباقي ماعندي اي مانع ادوخكم خخخخخخخخخ

انا الحين اختار اختار بعدي نوف العتيبي والأستدعاء عليك ياقمر


ثاااااااااااااااااااااااااانكس

تعوبتي هنا
الله حيها يارب وارزقها
ههههههههههههههههههههه
وربي ضحكتيني الله يعينك
عاد انجليزي لا تذكريني فيه بيني وبينه عداوه
من جد مأساه الله يكون بعونك
وعلى فكره انتي تخصصك ايش ودي اعرف
لا يكون انجليزي

بالتوفيق ياقلبي
وشاكره لك مرورك المميز
لكِ حبي وودي

يسلموا حبيبتي ,,, تعوبه
اتعبتك معى

وتم ارسال رساله الى ,,,, نوفا ,,,, وبأنتظارها

دحينه أجل !!

توني أشوف الموضوع أصلاً .. وبرسالة خاصة من عضو عرفت انه فيه ناس موهقيني..

نبدأ باسم الله..

أبدأ يومي الصباح الباكر .. إذا ماقمت لصلاة الفجر أصلي في البيت.

أفطر فطور جداً خفيف.

أروح الدوام الساعة 8 أكون في المكتب.. ومع زحمة خريص والحي الدبلوماسي أوصل 8.20 أحياناً

أفتح الجهاز

أشوف طلبات الموظفين اللي عندي

أخلصها.

أشوف طلبات سعادة المدير (بص حضرتك)

أفتح ايميل الشغل.

أشوف وش الجديد. فيه شي والا لا. وأقفله.

أفتح النت الخارجي

أشوف طلبات الأعضاء في منتدى البطالة سواءاً في قسم الإقتراحات والا في الأقسام الأخرى

بعض المواضيع تحتاج إلى موافقة الإدارة في قسم الوظائف. بعض المرات الحق عليها وبعض المرات تكون الأخت العزيزه مخلصة منها. الله يعطيها العافية.

بعد كذا أبدأ أصول وأجول في المنتدى

وأمسك التلفون وهاتك ياسواليف مع واحد في المنتدى. وكل يوم نسولف ساعة ونتهاوش ساعتين. مسيك بالخير طال عمرك.

الساعة 12 أكون برى المكتب. أمداني صليت الظهر وأطلع مع الشباب في العمل إلى أي مكان إما كوفي والا مطعم

نرجع الساعة 1 الظهر<<< هين إن رجعت قبل 2

افتح النت حق الشركة.

أشوف ايميلي..

أخلص منه افتح النت الخارجي

اشوف ايملي الخارجي.

وبعدها المنتدى

الى صلاة العصر

وبعد الصلاة اجلس الى الساعة 4.30 على الجهاز والنت والا اخلص باقي اشغالي

4.30 أفصــــــــــــــــــــــل .. ولا احد يكلمني.

5 العصر أكون طالع البيت

أوصل البيت على أذان المغرب

أصلي وأتغدى لو ماتغديت في العمل

أجلس على النت شوي.

وأطلع بعد صلاة العشاء.

إما نتمشى أنا والأهل

والا مطعم نتعشى فيه

والا أطلع الاستراحة .. وجمعة شباب وفلة.

الساعة 10.30 أكون في البيت .. أتعشى واجلس الى 1 وأنام

وبعض المرات ما تجي 11 الا وانا نايم

<<<< ماتلاحظ أكثر وقتك أكل؟؟

وهذا جدولي..

أختار قلب المملكة الحين.. وإذا سبق وتم اختياره أختار دلع جدة.. وإذا سبق وتم اختيارها أختار عبادي عاطل

:o :o :o :o

ليه ما احد ناداني لهلحين

بما أن قلب المملكة ودلع جدة وعبادي عاطل مو موجودين حالياً نرشح دلوعة خالتها.

إذا مافيه قانون يمنع الشي هذا وبعد إذن صاحبة الموضوع.

دوم تكوني هون اوب يوم لو ما نشوفتس ونشوف مويضيعاتس العسل نتكدر