السلام عليكم
راح ادخل في الموضوع مشكلتي قدمت على مدرسه اهليه وكان الراتب 2200 وقالوا راح يشاركوني في صندوق الموارد البشريه والى الحين ماسجلوا لي المهم انا الاسبوع هذا تركت المدرسه من دون مااقولهم والاتصالات من الاحد يبغون الاسئله رغم ان معامله الوكيله المصريه معامله زززززززززززفت مافيه اسبوع الا تحضر لها 5 الى 8 معلمات كل اسبوع وهذا غير ان مافيه شي يعجبها ومسويه نفسها الكل في الكل وثقه في نفسها غير طبيعيه وبصراحه حلفت ماعاد اروح وقفلت جوالي واذا فتحته اشوف رسايله سلامات ايش فيك ردي ومن هذا القبيل
طبعا انا ماني ناويه ارجع لهم وانا ماكتبت عقد معهم
س هنا
س1ماهو ااجراء الذي تتجذه المدرسه في حقي علما اني ماني كاتبه عقد وهل فعلا يعمم اسمي على جميع المدارس الاهليه في الرياض اني انحرم من التوظيف في اي مدرسه ؟
س2 هل يستطيعون انهم يسجلون لي في الصندوق تاموارد البشريه وانا ماني كاتبه عقد وانحرم من دعم الصندوق لي في اي مكان ؟
ارجووووووووووووووووكم ردوا علي ضروري وشكرا

اقول داومي وخل عنك الكسل والدلع راح يسجلوا اسمك بالموارد البشرية لمدة عام تنحرمي من الدعم ؟

والله اعلم؟ داومي وماعليك في الاجانب كلهم...........

دام المسئله فيها مصريه معذووره

الله لا يوفقهم يستقوون ع ابن البلد

ولو نروح عندهم دعسو علينا

ووووووش الحل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

دام انهم مهملينك حتى في تسجيل أسمك بالموارد البشريه طنشيهم وإن شاء الله ربي يرزقك باللي احسن منهم ,
لكن قبل كل شيء ماذكرتي لنا كم صار لك عندهم عشان نعرف أذا من زمان ولا جديدة على المدرسه ,
اذا كنتي من زمان عندهم ومعطلين معاملتك من حقك تطنشينهم ,,
واذا جديدة بالمدرسه المفروض تنتظرين لك كم شهر , اذا ما افادوك بشيء أتركيهم ..
وبخصوص التعميم على اسمك بجميع المدارس , فهذي مستحيل
ماعندهم اي شيء يثبت أنك اشتغلتي عندهم لا عقد ولا هم يحزنون , وإذا سألوك قولي هاتوا مايثبت صحة كلامهم , ولو فعلاً اشتغلت عندهم وين عقد التوظيف اللي بيني وبينهم ؟؟
وبهذي الحاله ماعندهم أي حجه عليك
وفقكِ الله

الله يكون بعونك

الله يعينك ياختي فعلا اللي موظفات بالمدارس الاهليه
يشكون كثير من الظغط والكرف
ماعندي اي خلفيه عن هذا الموضوع
بس صديقتي مدرسه بأهليه تخيلي من بدا هالترم
وماعطوها راتب صار لها ثلاث شهور !!
يقولون اذا خلص الترم نعطيك
حرام عليهم والله مايعرفون ظروف البنات

اقول اختي الوعد انا انصحك تداومين وتتركين عنك التسدح ترا مو نافعك

واقل شي انك تكسبين خبرة تضاف لخدمتك اذا توظفتي وتسدحك بالبيت مو نافعك ولا يحسبونه خبرة لك

ياليت ترجعين للمدرسة وحتى لو قالوا لك راتبك الف ريال داومي وخذي خبرة

وش رايك عاد باختي مدرسة رياضيات توظفت بمدرسة خاصة براتب 1200 ريال واجرة الباص الي يوديها للمدرسة 400 ريال والي يصفالها 800 ريال شهري بس علما ان الباص هذا تابع للمدرسة وهم يخصمون من راتبها اجرة الباص

ولكن قبل فترة توظفت حكومي براتب 8400 ريال وبعدها بفترة نزل راتب لها 9800 ريال ولما سألنا عنه ليش زاد

قالوا لنا اضفنا خبرتها بالمدرسة الخاصة 5 سنوات

تقولين الوكيلة المصرية اسلوبها زفت اجل حنا العساكر وش نقول يوميا يصبحونا بكلام ما ينقال

مثل يا دلخ يا غبي يالي ما تفتهم يالي ما اسرحك مع غنم وانت ما تسمع الكلام و,,,,,,الخ

انا انصحك نصيحة اخوية واتمنى تقبلينها بصدر رحب

ارجعي للمدرسة واتركي عنك التسدددددددددددددددددددح

اسال الله ان يعوضك بخير منها

ياقلبي انتي ماكتبت عقد فمااتوقع راح يشطبون عليك هو على كيفهم مااتوقع فيه نظام يسوي كذا

ضحيه ماشاء الله تبارك الله الله يهني اختك براتبها يحسدونها العالم ياليت خبرتنا تنفع في الحكومي ماتنفع فقط في المفاضله والتعين فقط لكن زيادة راتب لا

ماشاء الله ماشاء االله الله يبارك لها في راتبها ويسخر لك رئيسك بالعمل