السلام عليكم ورحمة الله

نصيييحه
قبل البدايه بأي مشروع أذهب وأسأل اللذين فعلوه قبلك لكي تعرف سيئاته وحسناته ومالك وما عليك

وأضمن عمالتك قبل أن تختار محل لمشروعك

نصيحه لكل السعوديين طبعا فيه البعض ذيب والبعض الاخر ما نقول عنه غبي وما يفهم لا
بنقول عنه غشيم وما يعرف

طبعا كلامي هذا حقيقه وصار قدام عيني
البعض يفتح محل ماشاء الله تبارك الله ويجيب عامل او عمال ولكنه لايستطيع يدير المحل طبعا يكون المحل مايصلح فيه سعودي مثلا محل ديكورات لأن أغلب الناس اذا شافو سعودي بالمحل ما يدخلو كثييييير والله العظيم كثير قدام عيني ومثلا محل بوفيه ومثلا محل حلاق و و و
وهنا تبدأ اللخبطه ويستسلم ويقولو له العمال بنعطيك مبلغ بسيط هم يحددونه اخر الشهر ومالك دخل في شي اجار المحل علينا ورواتبنا علينا وفاتورة الكهرب وفاتورة الماء والسكن كلها علينا
طبعا بيوافق ويقول اوكي وهذا اكبر غلط لازم يتأكد أو يخللي غيره يتأكد

المهم انا رحت السوق وقلت خلني ادخل بالمحلات واشوف ايش المشروع الممتاز اللي يستاهل اني اتسلف وادخل المشروع
دخلت محل ديكورات فيه واحد مصري وسألته قاللي استأجر بهذا الشارع غيره لاتروح
بكم الاجار قال 40000 بالسنه والباب قزاز تقريبا ب 3500 وديكورات داخل المحل ب 20000 ولوحه تجذب الزبون تقريبا ب 3500 وطاوله وكرسي وكمبيوتر وكنبين واحد عن يمين الطاوله وواحد يسار وطاوله صغيره بينهم تقريبا 6000 واول ست شهور الراتب عليك 2500 والسكن عليك حتى يتعرف على الناس ويتعرفو عليه الناس وينشهر المحل قلت الى متى قال كل هذا أول ست شهور بس قلت والست شهور الثانيه قال لك 3000 ريال شهريا فقط لاغير ومالك شغل بأي شي ثاني ولا تجي المحل قلت طيب انت وش وضعك مع كفيلك قال السوق كلله كذا يجيك اخر الشهر مبلغ وانت نايم قلت كم تدخل انت شهريا قال لي انا استلمت شغله قبل امس والموعد نخللص منها في اسبوع واحد بس ووالله العظيم ان الشغله ما تكللف 4000 ريال مع المواد والزبون قلت له ب 12000 ريال ونص المبلغ قبل نبدأ والربع قبل نهاية الشغل والربع الاخير اذا انتهينا ويقول السعوديين فلوسهم واجد يدفعو وبس يعني هو ربحان من الدفعه الاولى ال 6000 ريال
ويقول عندي شغله بعد بكره الدفعه الاولى حقتها 10000 وال 18000 الثانيه دفعه في نص الشغل ودفعه اذا خللصنا ويحلف ان 9000 تكفينا احنا والعمال والمواد وزياده وان السعر اضربه من راسي على حسب الزبون مافيه سعر ثابت
قلت يعني عمالكم واجد نصهم في البيت اللي باقي له اسبوع والنص الثاني بيبدأ بعد بكره قال لالالا اصلا انا هنا في المحل لحالي ما عندي عمال العمال اجيبهم من الشارع واعطيهم فطور وغدا و20 ريال اخر اليوم واحيانا ما اعطيهم ال 20 ريال ويقول حنا الاجانب نعرف نتفاهم مع بعض
قلت هاذي شغلتين في اسبوعييين وصافي الربح منها كم قال 25000 قلت طيب كل شهر كذا قال احيان اكثر دبل هالمبلغ واحيانا اقل وحقين الديكور ما يوقفو قلت طيب كم تعطي الكفيل قال 4000 ريال بس
قلت له مو حرام قال انا ما همني اصلا زين مني اني اعطيه 4000
وقال فيه واحد سعودي فتح محل على نفس الشارع واستقدم 4 عمال و كللهم بالراتب المهم قال والعمال لما شافو دخل المحل واجد وكللها بتروح للكفيل قالو له المحل ما فيه دخل وما يعطوه الا مبلغ بسييط ويقولو مافيه دخل وبعض الشهور ما يعطوه المهم الأجار قرب والعمال تبي رواتب وصار يجي المحل واجد المهم ما استفاد شي وقالوله العمال ايش رايك نستأجر منك المحل يعني نصير نعطيك 5000 ريال وانت مالك دخل بشي قال اوكيه
لو انه جلدهم كان صارو تمام لأنهم حراميه لو يرجعو بلادهم مايقدرو يعيشو مثل عيشتهم هنا
كللهم اي جنسيه
ومحل ديكورات تونسي والله العظيم بعد ما خشيت معاه في العميق قال يبغى يشتري بي أم دبليو 2010 الفئة الخامسه لا بس وربي ان الملابس اللي عليه تقريبا ب 3000 ريال وسيارته يوكون 2009 طبعا من دخل المحل والسعودي مسكين يجيه راتب اخر الشهر 3000 او 5000 فقط
فأنتبهو ياناااس اليي يقولو له محلك مافيه دخل يدخل اصابعه في عيونهم لأنهم كذابيييين
وغيرها وغيرها من المحلات والمشاريع مريييت عليهم كللهم ودخلت في العمييق وعرفت النصب اللي على كبييير
المهم وانا في الحلاق عند تركي قلتله ابي افتح حلاق قال ترى فيه ربح لاكن اتراك ماعندي وما اعرف احد والاتراك ماصارو يجون الا براتب 3500 وسألت غيره طلعو نفس النظام صارو يتشرطون وقال اعرف تونسي عنده اخوانه حلاقين يبي يجيبهم كللمه وشوف ايش يقوللك قلت اوكي كللمت التونسي قال اول شهر لا تاخذ عليهم شي وابدأ من الشهر الثاني اجر عليهم الكرسي ب 1500 ريال وكل شي عليهم من اجار محل واجار شقه وفواتير كهرب وماء واغراض محل قلت اوكي يعني المحل طالع عليه فيزتين أأجر عليهم الكراسي يعني يصفالي 3000 ريال شهريا واستفيد حلاقه وحمام زيت وغسيل وجه واستشوار وكل شي مجانا في محللي والله حلوه اعجبتني وبديت واستأجرت وجهزت وقدمت وخللصت البلديه والدفاع المدني وقدمت على الفيز وبعد التقديم على الفيز طلعلي التونسي بكلام ثاني قال ترى 1500 علي الكرسي بس اجار المحل عليك قلتله ليه ايش الكلام هذا الجديد قال انا ماقلت اصلا من الاول ان اجار المحل عليهم يعني جحدني قلت انا لا بالعكس انت قلت لي اني مالي دخل بشي ولي 1500 شهريا على الكرسي المهم ودخلنا في خربطه يعنى كرسيين ب 1500 شهريا يساوي 3000 واجار المحل شهريا 2000 ريال يعني يصفالي ألف ريال شهريا فقط لا غيييير
ومافيه شي انا ماسكه عليه وإلا كان ربيته طبعا هو سأل صالون قريب مني توانسه وقالو له ان كفيلهم راضي أن أجار المحل عليه فحاول يطبقها علي لاكن ما أعطيته مجال وياليتني احصل حلاقين يأجرون الكرسي ب 1500 شهريا وكل شي عليهم المهم انا مسوي الحركه هاذي مسويها مأجر الكرسي ب 1500 وكل شي عليهم لقيت أحد أو مالقيت سواء هو ولا غيره لاكن اللي موهقني اني حاط الفيز على تونس ولا كان غيرتها الهند أو المغرب والله المغاربه فلله وشبابيين أو تركيا ياحبيلهم أخوان لميس
لو اني حاطها على تركيا كان افضل بمليون مره والله الاتراك اوكيييه

سألت التوانسه اللي قريبين مني هم اثنين عن كفيلهم قالو نعطيه 3000 ريال شهريا وأجار المحل عليه قلت كم أجار المحل شهريا قالو 2000 ريال قلت يعني ما يبقى معاه غير 1000 ريال بالشهر قالو يحمد ربه ياخذ 1000 ريال في الشهر وهو نايم قللت كم تدخلون يوميا قالو 400 إلى 500 ريال قلت طيب مو هو سبب رزقكم بعد الله فتح محل وكللفه 120000 وما يبقى له إلى 1000 ريال شهريا قالو ايش ايش ايش اذا مو عاجبه نسوي نقل كفاله غير كذا ما فيه

شفتوا كيف أخلاقهم قال ايش قال يحمد ربه ونقل كفاله والله أنه يبيله ضرب ورجم بعد

نصييييييييييييحه من العماله المصريه حراميه والتونسييييه طماااااعين وأي واحد يكوكهم يصدقون يعني خفاف عقول اللهم لا شماته بالعربي مالهم هدف ولا طموح الاتراك تحصله مأجر الكرسي وبعد سنه يقوللك نبي نفتح محل ثاني ونفس الشي يأجرون الكرسي والمحلات كللها يأسمك ومأجر الكراسي وعايش

وبما ان حنا فتحنا موضوع الحلاقين بصراحه الناس زعلانين بسبب الاسعار ويبغوها تكون نفس اسعار الهندي في الحلاقه
حساب اجار المحل مثلا 25000 في السنه تقسيم 12 شهر = 2000 ريال شهريا + فاتورة الكهرب مثلا 100 ريال + أغراض المحل 70 ريال + اجار شقه 750 ريال + 3000 اجار كرسيين + أكلهم وشربهم طبعا الاجانب اقتصاديين فطور في البيت وغداء في البيت وعشاء في البيت حتى بوفيه ما يمرونها مثلا 1500 ريال = 7420 تقسيم 30 يوم في الشهر = 250 ريال يوميا لازم يدخلله الحلاق علشان يلحق يدخل أجار الكرسي وأجار المحل وأجار الشقه وفواتير ماء وكهرب وأغراض علشان كذا هم يرفعون سعر حلاقة الدقن وسعر حلاقة الشعر وتنظيف البشره يعني لازم يجيه يوميا اقل شي 17 شخص مثلا يحلقون دقن ب 15 ريال علشان يلحق ال 250 ريال

واللبنانيين لابسين قميص وجاكيت وكرفته وكريم على الشعر ونافخ نفسه ويبغى راتب عالي والعالم تصدقه وهو يضحك عليهم وروحو شوفو شقته وروحو شوفو كيف عايش

فنصييييييحه العماله لا تجاملوهم وتقول بأمشيله علشان يتعاون معي ويربحني لا لا لا أنتبه تعطيه وجه إذا أعطيته وجه ينام ويتطمن وياخذ راحته وتبدأ تطلع خرابيطه اصلا هو ما صدق أنه جا يشتغل عندك لو تدعس على رقبته عادي والله يبوس رجلك

فصحصحوا واذا حصللتوا أي غلطه وأي حركه بأي محل لا تترددو وبأخذ رقم جوال صاحب المحل حتى لو تختلقو أي موضوع لأخذ الرقم

واسف على الإطاله

وشكرااااااا

والله كلامك عين العقل

بارك الله فيك

ياليت الشباب هم من يديرون اعمالهم بدل الاجانب

وبنسبه ان السعودي اذا اشتغل ماراح احد يتعامل معه

هذا كلام قدييييييييييييييم الحين تغير الحال

مشكووووووووور يالغااالي

صدقت والله وكفيت ووفيت بارك الله فيك
يحزن حالنا اذا جاء الاجنبي وينصب عليك ولا يقعد يتامر وينافخ عليك حتى لدرجة تتوقع انه سعودي ينافخ على اجنبي
آآه بس متى يفهم ذا الشعب ويربي هالعماله عدل جايين هم يخدمونا ولا نخدمهم احنا؟
امس مصرحين تحويلات العماله سنويا 90مليار من وين جاتهم ؟ اكيد كلها من المشاريع هذي
خلونا اضحوكة والله

يعطيك العافيه

اعجبتني هالاله...بس ياليت اعرف حقت ايش تستخدم؟؟؟

معذرتا ياصاحب الموضوع على المشاركه اعلاه


الاجنبي احيان يستحق راتبه العالي سواء 20 الف او30 الف

لانه انسان درس وكافح...

يخبرني احد الاصدقاء كان عنده دوره في السودان لمدة سنتين..

يقول كان جاري سوداني مدير مصرف راتبه 20000 الف دولار

يعني حوالي 75000 الف ريال سعودي

يقول فكنت اتعجب منه انه يبي يفصل عشان يكمل دراسة الماجستير...

يقول صديقي ليله من الليالي خرب دشنا لاني انا وزميلي نتابع قناة العربيه ... يقول فطلعت فوق سطح المنزل

عشان اصلح الدش...يقول وقعت عيني على باب صالة جاري السوداني مفتوح وولده عمره 15 سنه قائم يصلي ويردد ايات القران ويبكي.... طبعا هذا الكلام في حدود الساعه 3 قبل اذان الفجر بساعه...

يقول صديقي... وفي هذه اللحظه ايقنت يقينانا ان رجل هذه تربيته لن يضيعه الله..

وسلامتكم...

عبدالله المفلح انت صادق اكيد العباده والدعاء بالذات له دور كبير
لكن يوم يجيك هندي ولا بنقالي نصاب هنا المشكله يجلس شهر بالبلد ويخاوي ربعه
ويجلس يدلع علينا
بالنسبه للأآآآله انا اذكرها جاتني على الايميل
هذه الالية الاساسية التي استخدمت في المكائن البخارية لتحويل الحركة الخطية المستقيمة الى حركة دورانيه كما هو مبين في الصوره اكتب بقوقل
ثمانيــة رسوم متحركةلتوضيــح
بعض الآليات الميكانيكيةالمعقدة
لكن وش دخلها بالموضوع