قامت مديرة المتوسطه 76 بحي الروابي في الرياض
بتطبيق نظام ساهر على طالباتها


تاكلين علك ادفعي ريال

اظافرك طويله ادفعي ريال

حاطه مناكير ادفعي ريال

الكلام في الفصل الاستاذه هي الي تحدد قيمة الغرامه

الي تجيب شبسات على كل شبس ريالين

الي تهج تدفع 20 ريال

الي تتأخر عن الحصه تدفع 8 ريال

الي تكتب على الجدار تدفع 10 ريال




وهذي مخالفة وحده من الطالبات





المخالفة : تعطيل حصة + مناكير ,, العقوبه : 10 ريال + 1 ريال




طبعا الخبر صحيح مو مزحه ولا شي ..
والظاهر المديره حاطه عينها على فسحه الطالبات ..
عاد فطورهم كل يوم من احلى المطاعم وعلى حساب هالضعيفات ..
داخله على طمع هالمديره ..
طبعا ما يحتاج اقولكم هي من وين واضحه ..


تعليقاتكم ..

تحياتي للجميع ,,

هههههههههههههههه

إذا كان الغرامه راح تكون تصرف على الطالبات فهذا شيء حلوا

اما تحطها في جيبها لا والبلد فيها قانون


وأنا صراح عجبتني فكرتها حلو تخطي تدفع عشان تتربى ولا تعودها إن راح تخسر لان الحين الضرب ممنوع طيب كيف يردعون الطلاب
أهم شيء ماتدبل المخالفه

هههههههههههههههههههههههههههههههههههههههههههههههههه ههه
الصراحة ، فكرتها بطلة
عجبتني ، راح تخلي البنات يمشوا على عجين ما يلخبطوه
بس في شي ما عجبني !

اقتباس:

المشاركة الأصلية كتبت بواسطة وايلي كوم الي تجيب شبسات على كل شبس ريالين

عشان تكسب المقصف
يمكن البنت مو عاجبتها شيبسات المقصف !
مدري ، أحس إنو هالشي ماله داعي وبالغت فيه !!
حتى الأكل راح تتحكم فيه !

زي ما قلت ، الفكرة حلوة
بس مو تصرف المبالغ لها حضرة جنابها !!
يعني تخليها لآخر الترم ، وترجعها
وما ترجعها للبنت نفسها ، تكلم أم البنت وتعطيها بدون علم البنت عشان لا ترجع لمخالفاتها وتبقى منتظمة
كذا أحس راح يكون هدف الفكرة أحسن
وبالتالي البنات ينتظموا ويلتزموا بالنظام أكثر

يعطيك العافية صاحب الخبر

هذي المديرة شكلها تقرب لصالح كامل راعي ساهر
وين وزارة التربيه والتعليم وليش الاهالي مايشتكونها على كيف ابوها تتحكم وتحط غرامات هذي يبغى لها شكوه

فكرة حلوه

ههههههههههههههههههههههههههههههههه
حلوه ماودها توظفني عندها اجمع الفلوس وبنص هههههههههههههههههههههههه
الي يبين سؤ نيتها وانها تبي تكسب من البنات مو تبي تادبهم عن المخالفات هي الشبسات الي تجيبه من البيت تدفع غرامه ههههههههههه

الفكرة حلوة لكن في مبالغة بالاسعار خخخخخ مثل حكومتنا هههههه

والله ما ادفع لو عليها رقبه
ما كفاها راتبها المديره
سبحان الله ناس ماتبي فلوس حلال تبي بالحرام

هذه سرقة مو تأديب

هالشيء تأديب من ناحية المخالفات

التأخير عن الحصص وتعطيلها
وأكل العلك أثناء الحصة

يحتاج لمثل هذه العقوبات

أما الأكل فما أظن أنه له داعي تمنعه وتعاقبهم عليه

خطوة جيدة لكن تحتاج بعض الدراسة

ولاتخافون على المبالغ لأن البنات ماراح يخالفون كثير بعد هالقانون الصارم..


تذكرت قانون قد وَضع في بيتنا في فترة من الفترات وهو:

"اللي يحش أو يغتاب شخص يدفع ريال..يحطه بصندوق معلق بوسط البيت"

كنا نتضايق من هالقانون لأننا مراهقين وخايفين على فلوسنا هههههه

لكن مع الوقت ماصار أحد يضع بهالصندوق شي لأن الغيبة والكلام في الناس توقف خوفاً من دفع الغرامة..

وأنا دفعت 9 ريال يعني 9 أيام متفرقة اغتبت وحشيت بناس هههه وبعدها توقفت عن هالشيء لأن مالي قدرة أدفع كل يوم ريال عشان كم كلمة..فأبلعها أحسن..


طرحت هالقصة لتوضح لكم أن هالقانون تأديبي وممتاز ومجرب لكن بشكل مدروس ومو على كل شي..

مثل الأكل والمناكير هذي اشياء مباحة ماتسيء للمدرسة فماله داعي تطبق عليهم هالعقوبة


لكن تطبقها على:

الألتزام بالحجاب..
الزي الصحيح للمدرسة..
التأخير..
أكل العلك اثناء الدرس..
الكلام اثناء الدرس..
احضار جوال للمدرسة..
وهكذا..


شاكرة لك اختي على طرح هالموضوع

اعذريني على الأطالة.. =)