لاضاقت الدنيا علي والفضا ضاق=ولاجتني الضيقه وهم العبادي
نصيت من بأمره بدى نور الإشراق=اللي من عروشه على الخلق بادي
واللي لخوفه تنثني كل الأعناق=وبأسمه ينادي للصلاة المنادي
ولاكثرة همومي وضاقن الأخلاق=دجت بمناكب الأرض دوج الجرادي
نضرب بحور وناصل آفاق وآفاق=لاذاق ولد اللاش حلو الرقادي
الرزق بيد الله فتاح الأرزاق=ولاهوب بيد الناس شربي وزادي
أهل المصالح لجلها تحفر أنفاق=ويغيضها لبس الهدوم الجدادي
عزلت من رفقة وسيعين الأشداق=ما شفت غير البلبله والدوادي
وذكرت من له خافق القلب خفاق=اللي بعد ربي عليه إعتمادي
الغايب الحاضر له أشتاق وأشتاق=هو منتهى الخوه وغاية مرادي

بيض الله وجهك على هل القصيدة
ومافيك حييييييييييييييييييييلة

طموحها زايد...شاكر لك مرورك وتشريفك لصفحتي ( وللمعلوميه أختي أنا شاعر ولست ناقل)
ولكي مني كل تقدير.

أخوي العتيبي...وجهك أبيض ياصبي عتيبه ويشرفني مرورك أنت وشرواك يالغالي.

صح لسانك اخوي

صح لسانك وبيض الله وجهك على القصيدة

لاضاق صدري ترى غنيت...وهيضت من زين الامثالي
نهج عشيري وأنا دجيــت...كيـــف أتونس وأنا لحــالي

صح لسانك على هقصيدة ومافيك حيلة وفالك المليون (قصدي الوظيفة)

الرزق بيد الله فتاح الأرزاق=ولاهوب بيد الناس شربي وزادي
صح لسانك