بسم الله الرحمن الرحيم
السلام عليكم ورحمة الله وبركاته

اخواني ..

انا حابه ادخل بـ مجال تداول الاسهم ..

لكن ماعندي خبره كبيره بهالمجال
ولما تعاملت مع احد اصحاب التوصيات .. قدر يقنعني أني ادخل هـ المجال

واستخرت والحمدلله حسيت براحه ..


لكن المشكله مو هنا


المشكله ان عندي محفظه في بنك الراجحي لكن سمعت بأنه ما اقدر اتداول الا لما يكون بحسابي فوق الـ 100 الـــف ريال


هل الكلام هذا صح ام لا..؟

واذا كان صح هل هناك بنوك اخرى ماعندها مثل بند الراجحي


أرجو الأفاده واكون شاكره لكم

::
::
::


أبعدي .. أبعدي .. أبعدي
عن الأسهم
الي خسروا فيها كثير
وفيها شبهه من ناحية شرعيه
والله يرزقك

::
::
::

نصيحة لوجه الله ابعدي عنها

والله انوه الخسارة ما يعلم فيها الا الله

واي شخص يقولك انا عندي توصيات وغيره فهذا نصاب مع احترامي

لان السوق له ناسه وما هو اي ناس وصدقيني مافي احد دخل السوق وطلع منه ربحان

فانتبهي اختي لا تطشي فلوسك بالمحرقه لاني ما اسميه الا محرقة الاموال

وانتي حره وراح تتذكري كلامي

والله معاهم حق الاخوان الاسهم صارت محرقه للمال
انا كنت داخله بالاسهم من قبل وخسرت خساره جامده بالنسبه لي
والحين لو بارجعها بس كذا ,,,,طقطقه وخساره ,,,, بس لاني ادمنت عليها خخخخخخخخ


خذيها نصيحه ابتعدي عن المضاربه تكسبين اسبوع وتخسرين دبل
خلي اسهمك اسهم نمو وعوائد فقط استثمار طويل
واقري كويس عن كيف تستثمري بالاسهم



هذي مقدمه طويله عريضه من باب الاخوه ,,,
بالنسبه لسؤالك ان بنك الراجحي مايفتح محفظه الا 100000 اتوقع هذا الكلام قبل 6 سنين ايام طفره الاسهم
انا فتحت محفظتين بالفرنسي والامريكي عن طريق اني اكتتب وقت اكتتاب وبعد شهر او لما تنزل الاسهم بالسوق تصير عندي محفظه فاروح افتح حساب استثماري (لاحظي غير الجاري) وبعدها اكمل باقي الخطوات عن طريق النت بدون ماتودعين مبلغ كبير


انا اقولك هذي طريقتي الي سويتها قبل سنين بس الان دقي عليهم واساليهم كيف فتح محفظه .... ماعتقد انها راح تكون بمبلغ وقدره الوضع تغير الان



بالتوفيق لكي

دعواتك لي

شوف حبيبي افتح حساب في البنك الاهلي واول اكتتاب اكتتب في البنك تفتح معك محفظه
وبعدها تقدر تتداول على المباشر بمبلغ 750 ريال في السنه
ولو ماعندك الا الف ريال فقط

نصيحتي اذا معك مية الف وفوق ادخلي سوق الاسهم

وهناك اسهم دائما عليها العين ركزي عليها

وخلي نظامك كل فطير وطير

يعني السهم لا يبات في محفظتك

اربحي في اليوم من خمسمية الى الف واطلعي

يعني لو حسبتيها 20 يوم تداول * 500ريال في اليوم = 10000 عشرة الآف في الشهر هذا بالميت

وانتي وشطارتك

والرزق يحب الخفية

والله يوفقك

السلام عليكم ورحمة الله وبركاته

تحية طيبة وبعد ،،،،،،،
بالنسبة للاستثمار بالأسهم ،،،،،،،،،،،، فرجاء كما قال الإخوان ،،، من تجربة شخصية
ادفعها عنك بالراحة والقدم ،، هذي نصيحة
،، واذا ملزم ،، ولا جاك شيء من الخساير الأولى
فاتبع الآتي ،، خلك مضارب لحضي ،،، وتابع شركة معينة استخر الله وأسأل عنها
وانتبه للشركات النشيطة اللي دائما متحركة في السوق قديما وحديثا ..
راقب شركتك وادخل وقت خسارتها واجني أرباحك ( ولا تطمع) ثم أرجع وقت خسارتها وهكذا
العملية بتطول عليك لكن مكسب 500 ولا خسارة 2000 ، أو 3000
- - تحتاج تقريباً 100 ألف ريال لمثل هذي العملية ،، أضرب لك مثال :
شركة الأسماك سعر تقريبا 52 ريال ، لو أخذت 2000 سهم بـ104000 ريال ، ولو افترضنا مكسب نصف ريال
يكون الربح [ 1000 ريال] شاملة لنسبة البنك تختلف من بنك لبنك...!
---
نجي للمهم اللي هو سؤالك :
بنك الراجحي ممتاز وشاشته حلوة ،،، لكن مشكلته:
إن الأسعار متأخرة بـ 15 دقيقة ، يعني لازم تشتري مباشر برو ، ولا تتابع قناة العربية ، [ طبعاً سابقاً كان ببلاش والآن بفلوس الأسعار المباشرة من الراجحي ].
أما ميزته :
انفراد الراجحي تداول الإنترنت ، عن مباشر الأفراد ، يعني ماله دخل في حسابك الشخصي لو احد اخترق جهازك فما يقدر يحول لحسابه ،،، مع إن الأمان عالي جدا في البنك من ناحية رسايل الجوال ،،، إلخ
- -- -
أما البنك السعودي للاستثمار فجربته قديماً الأسعار مباشرة وشاشته مقبولة نوعاً ما ، ولا تنس قلة الضغط عليه بخلاف الراحجي ،،،
والله كثرة البربرة ، آسف للإطالة !
أسأل الله لي ولك التوفيق أخوي الكريم ،،
وإذا محتاج أي مساعدة إحنا بالخدمة باللي نعرفه ...

اذا تبين تطيرين دراهمك

عليك بالاسهم

انصحك مجال الاستيراد .

يعني تشترين البضائع عبر الالكترونية من الخارج والبيع هنا بربح ضعف اضعاف

الشروحات موجودة بمنتدى البوابة الرقمية

بالتوفيق ان شاء الله

يمكنك التأكد عن طريق الهاتف المصرفي وانا ما استبعد عن الراجحي اي تعقيد وانصحك بالابتعاد عنه
والبنوك الثانيه اعرف ان الفرنسي والبلاد تداول مميز
والسوق فيه خير كثير