الله يعين
والارزاق من رب العالمين سواء بالسعوديه ولا برى

ولكن اعتبر رسالتك موجهه لكل مسؤول مكبر الوساده وتارك حق الشعب يأكل والاجانب تشتغل هنا وتحول مليارات برى السعوديه
ولا حياة لمن تنادي

الله يكون بعون الجميع والشغل مو عيب واللي يتحمل يتوظف برى يطلع يتوظف مافيها شي
هذا اخوي درس بامريكا وجا وتوظف مؤقت ماعجبه الوضع ورجع لامريكا توظف هناك ويدرس ماجستير بنفس الوقت

بالتوفيق للجميع يارب

مو بسهوله الشباب يطلعون من ديرتهم وراهم اهل يعني الام تخلف وعياله يبعدون عنها لو ان داخل المملكه ماافيها شيء اما الخارج انا اشوفها صعبه ابوه يبي مسااعده منه خااصة اذا كان رجال كبير وهو يترك كل هذا ويطلع برا لو يدور هنا يبلاقي وكل واحد ورزقه في المملكه ولاخاارج المملكه

الله يرزقك ويفرج همك ويوظفنا جميعا ويرزقنا من حيث لانحتسب

والله مالك غير ديرتك رحتو ولا جيتو السعوديه السعوديه كل شبر فيها ياحلاته والحمدلله تشوفون العالم بعيون مقلوبه

غير السعوديه ماراح تلاقون الله يحفظها ويحفظ اهلها يارب ويحفظ امنها وقادتها وعقيدتها ويجعلها دائما في مصاف الامم

تذكر ويشار لها فيهابها الاعداء ويطأطاأ رأسة العالم هيبة واجلالا لذكرها يارب تحفظ ديرتي من كل سوء وكيد الاعداء

الله يرزقك بالوظيفه اللي تسرك اختي..
عندي تعليق بسيط على شيء من كلامك..

__________________
"لله دُر أمي إذا ابتسمت
تهادت جروح قلبي والتئمت"

بصراحة انا مع الفكرة عادي مافيها شي
ومو معناه اني اذا سافرت واشتغلت برا اني بكره بلدي او شي بل تبقى وطنيتي مثل ماهي
لكن سمعت ناس بتقول بعض الوظائف ممنوعه من وزارة الداخليه بس مدري ايش الممنوعه وايش المسموح

ام مروان
تقولين بنقالي هندي
البنقالي والهندي براتبه يقدر يشتري له ارض وبيت وسوي له بعد مؤسسه
ولا حن هنا السلم الوظيفي ..مع التحيه ضعيف
انا اذا بغترب مو اذا اشتغلة اي شغله راح يعيبوني
هذا شغال مثلا في مطعم او شعال امن هذا شغال بقاله
او اذا ..امتهن مهنه مثل النجاره والحداده وماشابه
المجتمع والبلد الذي نعيشه نظرته عقيمه
مع ان الجميع يعرف بان هناك من هو محتاج القليل من المال لكي ياكل او يلبس
ولا يجد اليد التي تمد له العون
فيكون المسقبل له ...للاسف هو الاجرام
تقولين عاطل قدام عيني ارحم من الغربه... الى متى مثلا بتنفقن عليه ؟؟
هل كرمة اي رجل تسمح له بان ياخذ طول حياته تلك المساعده
هل هو ذليل الى هذا الحد

الغازي
تحيه طيبه
انت تقول البعثات او لتعليم
من يتحمل تكاليف الدراسه ؟؟
انت تقول التجاره
من اين راس المال ؟
انت تقول بانهم يحقدون على ابناء الجزيره العربيه!!
اتعلم لماذا ؟
وعلى من منهم يحقدون ؟

راعي الحلال
والاخ العزيز الغازي
والى جميع الشباب
والاخت ام مروان
هل منكم احد يملك ارض ؟
او يملك منزل ؟