اول شي السلام عليكم ورحمة الله وبركاته
ثاني شي يسعدلي ايامك وايام الجميع ان شاء الله دووم
ثالث شي اتمنى التوفيق لكل عاطل وموظف
رابع شي عسى الله يحقق لك ولكل واحد اللي يتمناه
خامس شي ادري اني طولت عليك بالعلم الاكيد ابشرك قربنا
سادس شي اذا انت شايف طولك حلو " هذي وحده وخلصنا منها "
سابع شي معك ثانويه علمي " وهذي الثانيه برضو عدت "
ثامن شي والمهم لاحظ المهم باللون الاحمر يكون مجموع مادة الانجليزي لا يقل عن 65 " اذا كان 65 وفوق حلو ونكون عدينا برضو بالثالثه " واذا كان اقل فنصيحه مني ومن واحد مايبغى لك التعب والمشورة ع الفاضي اذا مامعك واسطه لاتروح عشان لا يردوونك ,,
طلباتهم اللي هي " ثانوية علمي - سيرة وسلوك - الطول يكون حلو - الانجليزي لا تقل عن 65 - ملف الخضر - 10 صور كاشف للرأس " العسكري اول ماتدخل له يفتح الملف ويشوف معدل الانجليزي اذا المطلوب قال لك ادخل واذا مو اللي مطلوب قال لك للاسف الانجليزي عندك منخفض ,, واتمنى التوفيق للك ان شاء الله ,,
هالكلام ماجبته من راسي انا رحت لهم اليوم الثلاثاء بتاريخ 7/2/1432 هـ مع اني كنت مقتنع اني برجع لاني مثل ماقلت لك الانجليزي مشددين عليه بس رحت عشان حنت الاهل علي لا يقولو هذا عاجبته الجلسه وفعلا ردوني , مالي نصيب فيها .
طبعا مدة الدراسة اللي سمعته انه 3 سنين واذا ماجبت معدل حلو تروح الثلاث سنين ع الفاضي وتصير جندي ,,

واسف ع الاطالة