بسم الله الرحمن الرحيم

السلام عليكم ورحمة الله وبركاتة

إفتح شبابيك الهوى جيتك اليوم
بإحساس من زود الوله عده يطير
جيتك مثل طفلن له أيام محروم
عن حضن أمه أبعدته المقادير
وجيتك مثل عودن له أيام مهموم
وده يلاقي بأخر الوقت تقديــر
وجيتك حضن عاشق وهايم ومغروم
وده يضمك لين تصبح على خير
متى تحس إن الهوى شي مقسوم
من قسمة الخالق على خلقه يصير
ومتى تحس إني لك أطيح وأقوم
وأتعب على شانك وأقدرك وآغير
لي في هواك أحلام وأمال وعلوم
وأحزاب وأصحاب وقصيد وجماهير
وهموم وأفكار وهواجيس وحلوم
ودروب وأخطار وعذاب ومشاوير
وحب وغلا وإخلاص ومعاند ولوم
وإحساس وإلهام وشعور وتفاكير
وصحبة سهر ومقاطعة لذة النوم
وأشواق جياشه وعشق وتعابير
في ذمتك مابان لك شي مكتوم
من بعد ماصورت الأوضاع تصوير
لاتحسب إنك شي عابر ومعدوم
وتاريخ حبك فاق كل الأساطير
كني لقيتك ........وكني قريتك
في كل شي أتخيلك وأسمعك دوم
وأتأملك في الوقت الأول والآخير
من ماضي الأيام لايومك اليوم
وغلاك عندي ماحصل فيه تغيير
وأنا لك الله ماأقبل البيع والسوم
ولا أرضى علي ولاعليك المخاسير
لاْني الوحيد إللي على بحرك يعوم
وإللي عرف مرساه في رحلة السير
لحظه حبيبي قبل يسبقني النوم
بضم صدرك لين تصبح على خير

اتمنى ان تلقى هذه الابيات القبول منكم

اشكر مجهودك
تسلم الانامل اللي انقلت
قصيده فعلا رائعه وانا معجبه بها كثيرا فسبق و ان قرأتها في منتديات اخرى
ذوقك بالفعل رائع
ولكن هناك تعديل على الشطر الثاني من البيت الاول والصحيح هو

باحساس من زود الوله وده يطير


الف شكر على النقل مره اخرى
أمتعتنا


تقبل مروري و تحياتي


قطريه من شمر

مشكوووووووورة يا (( اية أحبك )) على الردددددددد الجميل وإن شاء الله قد حازت على رضاك

ودمتي بخـــــــير

مشكووووووووووورة يا (( قطرية من شمر )) على الرد الجميل والمبدع والأجمل من الرائع

ودمــــتي بخــــــــير