وياكم ان شاء الله وجزاكم الله الجنه قولو امين

انا برد على اسالتكم

1- مسمى الوظيفه ( مندوب مبيعات )

2- المهلات المطلوبه ثانويه وما فوق

3- لا يحتاجون لا انجليزي ولا شي يعني صور شهادتك ودوراتك اذا عندك ورح

4- بالنسبه للراتب 3500 + العمولات

5- فترات العمل مثل كل بنك تداوم الصبح وتطلع 5 العصر

6- اما بخصوص متى تروحون باي وقت تحبون بس اكيد لو تروحون الصباح احسن واقول لكم لا تتاخرون ترى يمكن اليوم يخلونه اخر يوم

7- بالنسبه للبنوتات ما ادري ولله لاكن البنك فيه القسم الايمن من المبنى فرع نسائي روحو للقسم واطلبي مساوله الموظفات يمكن تكون خيره وختى لو ما فيه عطيها ملفك وقدمي وهم راح يحتفظون بالملفات اذا جاء اي شي تتصلبك انصحكم تروحون ما تقعدون لان البنك جديد وماله الا فرع واحد الي هو فرع العليه ويمكن يفتحون كذا فرع يعني ولله يبون واجد

8- الاساله بالمقابله مو شي ولله يسالك بس هل انت جاد ولا لا وكيف راح تفيد البنك بعملاء وبس مو مطولينها لان البنك جديد ومحتاجين كوادر وظيفيه

ملاحظه: لا احد يقول الراتب ضعيف ويسوي فيه يتدلع ولله العظيم انا خريج دبلوم هندسه شبكات + لغه يابانيه سنتين دارسها باليابان + 8 دورات منها لغه انجليزيه ومنها دورات من مايكروسفت مختبرها اون لاين
( بالعربي يعني مو مقتنع بالراتب ولا مقتنع اني اكون مندوب بس ما ابي اجلس واطمح بالترسيم ان شاء الله واني اكون صراف او بخدمه العملاء عشان كذا انا قبلت )
لان صعود السلم حبه حبه

وبالتوفيق لكم حبايبي