[align=center]السلام عليكم ورحمة الله وبركاته

انا توفرت لي الظروف المناسبة لبدء مشروع تجاري إلا اني لي رغبة محددة للدخول في التجارة وهي مجال التوزيع والتسويق
عندي حالياً محل صغير سيكون مستودع الان قادر على توفير باص بضاعة او دينا مصندقة سيارة واحدة مبدئياً والعامل بيكون سهل بإذن الله
إلا اني احترت في إيش اشتغل ، فيه عدة خيارات لكن بعض الخيارات مستهلكة والسوق مليان منها مثل توزيع الببسي وبعض المواد الغذائية وبعضها متخوف ابداء فيها لندرة من يعمل بها وقلة الخبرة كتوزيع زيوت المحركات والادوات الكهربائية
الهدف من مشروعي رح يكون توزيع بإختصار نقل البضاعة من محلات الجملة وتوزيعها إلى محلات التجزئية مع هامش ربح بسيط على السلعة ، طبعاً كل هذا بيتم داخل المنطقة وبما اني في الجنوب ماعندي وقت اقدر اطلع جدة او الرياض اجيب بضائع وبكتفي بموزعين الجملة اللي في المنطقة
ما ادري هل تفكيري صحيح وما رائكم في المشروع وماهي انسب بضاعة للتوزيع ويفضل ان تكون بضاعة سريعة الدوران يعني ما تحتاج فترة طويلة للتصريف مع العلم انه يوجد لدي مستودع
وتحياتي [/align]

بقولك شغله اترك البضاعة على جنب شوي

عندك راس مال بسيط + مستودع + دينـّا
ليش ماتتاجر في البرسيم تراه ذهب
تاخذ البلكه في الصيف بـ 6 ريال مثلا وتخزنها بالمستودع اول مايدخل الشتاء تبيعها بـ12 واحيانا 16 ومرات وصلت 20
بالصيف تاخذ دينا كامله برسيم وتخزنها و اذا جاء الشتاء تبيع
هذي الفكره قالها قريب لي لكن للاسف ماعندي مكان اخزن فيه
وشي مهم مهم تأكد اذا هالشي جائز شرعا او لا؟! ممكن يدخل تحت حكم الاحتكار
ربي يوفقنا واياك والمسلمين اجمعين

هل سوف ينباع البرسيم اذا جف
الناس تدفع فلوس في البرسيم الاخضر الجديد

شوف مثلا بما انك في الجنوب حسب خبرتي ان الأسماك من عندكم ما عليها كلام
مثلا ياكثر المطاعم اللي بتعتمد على السمك الطازة
كمان سوي بروشورات توصيل اسماك طازجة وحدد لو صعب عليك يومين بالأسبوع او ثلاثة لتوصيل الطلبات
مجرد فكرة
لو ما تبغى سمك ممكن تصير موزع عطور وهذه يكون تضمن لك كم محل توزع عليهم بالجمله مثلا العود والكمبودي والمسك والعطور وهذي في كل المدن تقدر تصير موزع واذا حبيت الفكرة انا بساعدك كثييير وبعطيك الاشياء بسعر الجمله
ذا مالدي
استخر الله وتقدم لا تتردد
والله ولي التوفيق