تخصص الصيدله محتاجين إلى 12 سنه قادمة

المملكة عندها نقص في خريجين الصيدله ...

والهندسة كذلك خاصة الهندسة المدنية ,,,

وربي يوفقك وتحصل على النسبة اللي تأهلك لأفضل التخصصات

بصراحه في وضعنا هذا وتراكم العطاله في السعوديه جعلني اهتم المستقبل واتجاهل التخصصات الجامعيه التي إميل إليها بشكل كبير



أنا أشوف إنك تدخل التخصص اللي ترتاح له وتميل له ( لأن الوظيفة قسمة ونصيب )

آمييين ع دعواتكم ياارب ولكم بالمثل ..

جزاكم الله خير وان شاء الله وقتها نشوف المناسب ..

شكرآ لكم اخواني ..

شوف حبيبي انا بنصحك نصيحة اخو لا اخوه الصغير الحين احنا بالسعوديه عندنا نقص بالهندسه والطب اي شي كان فيه الهندسه والطب راح تتوفق بأذن الله وتدعي لي الهندسه بكافة م تخصصاته والطب بكافة تخصصاته

شف خلك واقعي ان كان عندك واسطه تدخل القسم الي تبيه
ماعندك مصيرك مصير غيرك قسم هابط يحذفونك فيه

تخيل واحد نعرفه وقسمن شاب طموح من صغره نسبته عاليه وتخرج من الثنوي نسبته 96 وكان طموحه طب
ومعدله قياس وقدرات حلوه فوق 70
والله حطوه تمريض حتى دكتور يدرسهم متحسف عليه يقول حرام انت نهايتك تمسح مقصات
وصديقه نسبته 94 درس ترم واحد ومالقى نفسه في التمريض لانه ماخترها حطوه فيها من ضمن 35 قسم اجباري يختارها في التقديم
ووقف ادراسته ويحاول يغير الجامعه حتى يغير قسمه

وصديقهم دخل كلية ارامكو ونسبته 78 لان ابوه يشتغل في ارامكو وهم مقدمين معه في نفس السنه مانقبلو

و عليكم السلام و رحمة الله و بركاته
مساء النور و السرور كله عطور و دهن عود و بخور

من رأي الشخصي
إنك تدخل هندسة معمارية ترى مستقبلها زين إن شاء الله
و حتى لو ما لقيت وظيفة ( فرضاً ) برغم إنها مطلوبة تقدر بإذن الله تفتح مكتب هندسي و تنخرط في سوق المقاولات و ترى دخلها جداً ممتاز بإذن الله .. إسأل مجرب

لكن لازم تشد حيلك
و هذا رأي و أعذرني إن ما أقتنعت به أو ما عجبك
تقبل مروري

و بالتوفيق

[mark=#FFCCCC]
[align=center]
أخي الفاضل

الله يوفقك ويعينك

هذا زمن العلم والشهادات العليا والتخصصات المطلوبة

الهندسة والطب مثل ما قال لك الإخوة جداً ممتازة

انت اجتهد وتوكل على الله ولا تنظر للمحبطين والمخذلين

دع نظرك للامام دائماً وعسى التوفيق حليفك ومرافقك في كل مكان

نصيحة أخيرة

عليك ببر الوالدين واحرص على رضاهما فدعوة منهما تغير مسار حياتك
[/align]
[/mark]

انت انسان تبي تعيش تبي راحة تبي راتب حلو تبي وظيفه شبه مظمونه
ادخل تخصص لغة انجليزية وتتوظف مدرس بس الله يعينك على المشوار

مدري عن الهندسه كيف

بس أشوف الكمياء شي فضيع مجالاتها
مراكز الأبحاث بالمستشفيات تطلب هالتخصصات بس كرف صراحه

لكن غلط تفكر وش المطلوب وخلاص لازم تشوف وش تحب عشان تبدع

الله يوفقك وتحصل اعلى معدل وتدخل القسم الى ترتاااح فيه يااارب