منت الذي نبكي على فراق عيناه=ولنت الذي نرجي الرحمن وده
يكفي العنا اللي من سواياك ذقناه=من عافنا يذلف عسى دون رده
حتى الخوي لوباعنا اليوم بعناه=ويحدنا لهجرانه اللي يحده
من عدنا ثقل ٍ على الروح عفناه=ومن عدنا خلان خل ٍ نعده
ياخوي لازم طاري الهم ننساه=وباب ٍ يجيب الريح لازم نسده
واللي يتجاهلنا لزوم انتحاشاه=وربي يصبرنا على كل شده
العيب فينا زايد الطيب سقناه=للي بلغ من قلة الطيب حده
من طيبنا حتى الردى يوم شفناه=صرنا نلملم بيتنا خوف هده
بس الردي ماينفع الطيب وياه=والطيب يقلب مع ردي الساس ضده
واليوم تجني من سواياه يمناه=وحنا يجينا رزقنا ومانرده
والحمدلله رزقنا اليوم خذناه=أهل وشرف يستاهل الرب حمده
هم ذخرنا هم مرهم الجرح ودواه=يرزقهم الله الخير من جود يده

تسلم يمناكـ
لاعدمناكـ