بسم الله الرحمن الرحيم
السلام عليكم ورحمة الله وبركاته
مثل ماتعرفون الربيعه وقف التعيينات الدبلوم يبي الكل بكاريوس وهو كليات الغد للبكالريوس ملكه

طبعا انا معاي دبلوم صيدله سنتين دبلوم واطي مثل مايقولون بعض الشباب هههههههه
رحت ابي اكمل بكاريوس بكلية الغد اللي صاحبها الربيعه لقيت تكلفة الدراسه 175 الف ريال طبعا لتنسون الأكل والشرب والسكن

طبعا الكل راح يكمل بالاردن

وانا قلت ابي اكمل بالاردن وهذا اللي صار

انا يوم الخميس تاريخ 11/1 ميلادي كنت بالاردن جالس اصدق اوراقي
تفاجأة بروقه قالوا لي توقع عليها غصب ولا ماتقدر تدرس بالاردن قلت طيب قريت الخطاب
يقول لي اني مايحق لي اطالب بالبعثه على حساب الدوله السعوديه ولو معدلي 100%

وقريت انه بس الطب والطب الاسنان اللي يحق لهم بابالعثه واكثر التخصصات

المهم التخصصات الوحيده اللي ملغين الابتعاث عنها الصيدله والتمريض والمختبرات الطبيه والطب والطواريء والاسعاف المهم انها التخصصات اللي موجوده بكليات الغد ووش تتوقعون انه الربيعه خلاهم يلغون ان الواحد مايقدر يبتعث؟

لأنه التخصصات اللي قالوا مايحق لأي طالب بابتعاث حتى لو جاب معد التخصصات اللي بكلية الغد فقط

الله لايوفقك يالربيعه يبينا ندرس غصب عنده وجالس يحشرنا من كل جهه
الله لايوفقه لو له يد بالسالفه

لأنه لازم يلغون إما التخصصات كلها او مايلغونها

طبع بعد ماخلصت نص الاوراق رجعت مع نفس طريقي لأني ماقدر اتحمل تكلفة الدراسه بدون بعثه

اخ فادي هل ان متأكد ان الكلية للربيعة
اذا كان حقيقة و متأكد نقول على الصحة و الوزارة السلام
لكن بكل صراحة ما اظن الربيعة لهذه الدرجة وقح و غبي
أما المنع من كل التخصصات و تحديد الأسنان و عدم الدعم
كثير من المجالات حتى التوظيف في دول الخليج لازم موافقة من السعودية

يالغالي انا ماجبت شي من عندي كل الناس يقولون للربيعه حتى راحوا للكلية الغد اخوياي وادخلوها واسالوهم قالوا انها للربيعه وهذا اكيد لأنه يقول عندنا كليات بكالريوس مو ضروري السفر للخارج

لكن التخصصات اللي موجودة بكلية الغد هي فقط الغوها ماألغوا غيرها

انا ابي اعرف هل هذا له يد به او لا انه يلغي البعثات هذي

الله يوفقك
اصلا اذا هي له ما عاد فيه ثقة و لا نريده وزير صحة
يتفرغ للعمل في الوزارة و الصحة او يتابع مصالحه و تجارته
و لا حد يبرر من حقه يعمل و يفتح كليات
يكفي وزير صحة و يتاجر في نفس المجال
تصدق أرامكو أى شخص يكتشفون له علاقة بمقاول او له قريب و لم يبلغ
مباشرة فصل بهدؤ حتى يدخلون عليه و يأمرونه بالتنحي من الكرسي بدون كلام و يمسحون الجهاز كامل
و يفحصون الايميل
و القطاع الحكومي حدث و لا حرج ضباط و مسؤلين يتشاركون في تجارة و قصور افراح
و حتى مطابخ ولائم و مناسبات و بيع و شراء عقارات حتى يستخدمون اجهزة الحكومة و السيارات في مصالحهم
و ربك أعلم بالجميع

الله يعين يالقحطاني ما أدري متى ينتهي الظلم هذا اللي مبهذل بنا

قاطعين رزقنا وش خسرانين والرواتب ماهي من جيبتهم شلون لو انها من جيبتهم

هذا هم يستفيدون من مناصبهم عشان تجارتهم ونتورط حنا الله لايوفقهم

اخوي فادي لاتوقع على الورقة الي ذكرت فيها انك ماتقر تنضم للبعثة ابدا لاتوقع لانها حصلت العام زي طريقتك والنضام حق الابتعا ث من مرسوم ملكي اذا ماخاب ضني عام 1418 يقول يحق للطالب الانضمام الى البعثة لمرحلة البكالريوس اذا اتمم الطالب 30% من الخطة الدراسية يعني سنة تقريبا شرط يكون معدلك 3 الضاهر وتاكد انت يحق له الانضمام الى البعثة غصب عنهم هذا ترا مرسوم ملكي مو اي كلام بس انت اذا وقعت على الورقة الى ذكرت مشكلة لاتوقع لانها حصلت العام لشباب في الاردن ورفضو يوقعون وبعدين في كل دولة في امريكا وكندا سهولة الانضمام للبعثة فيه ناس انضمت من اول شهر وبعضهم اخذ الى 6شهور ثم انضم وانصحك تشوف منتدى الطلبة المبتعثين او الدارسين على حسابهم ستجد مايفيدك وبالتوفيق

معك دبلوم وحاب تكمل بكلية الغد ب117500 ماهو 175000

واذ جبت معدل تشملكـ المنحه وانت عند أهلكـ وتخصصكـ مره حلو بكالوريوس.

ومعليش ع السوال كم الدراسه بالاردن ....؟ بالمعادله ؟

يالغالي انا بكلية الغد رحت لهم بعيد رمضان احسبولي الشهاده وقالوا لي 175 الف كل ترم 25 الف واحسبولي 7 اترام على الدبلوم اكمل
وقالوا لي الدراسه بالاردن بالجامعه الأردنيه تقريبا 135 دولار الساعه وماأدري والله كم ساعه باقي لي

والورقه وقعت عليه يالغالي اللي ماأطالب بالبعثه قلت لهم ليش؟ قالوا لي هذا القرار الغوه بعام 2010 اخره

قلت لهم لا ماراح اوقع قالوا لي بكيفك
واظطريت اوقع لأنه لو ماوقعت يقول لي اجل اطلع طرده بالعربي
وانا خلصت اوراقي لكن لو ماراح اخذ البعثه راح تكلفني الدراسه كثير ومااقدر اخلي اهلي يصرفون كل هالمبلغ علي
والقرار الغو بس التخصصات التمريض والصيدله والمختبرات والطب والطوارئ والاسعاف
والتخصصات هذي موجودة بكلية الغد والتخصصات الباقيه ماألغوا منها ولا شي
لكن لو ابي اطالب بالبعثه يبي لها واسطه يالغالي
الله يعين بس

الله يعينك لاكن شوف منتدى الطلاب الدارسين على حسابهم وراح يفدونك اكثر مافيه نضام يمنع انك ماتلتحق بالبعثة ابدا بالعكس النضام معك انك تقدر تلتحق بالبعثة اذا معدلك 3 تقريبا وانك منضبط وشف فرارات التعليم العالي شروط الاتحاق بالبعثة والله يعينك

أجمعين ان شالله
البعثه مفي امل يقوون كلهم اني اخذها
خلنا ننتظر حنان الربيعه هذا علينا الله لايوفقه