14-01-2011, 11:17 PM
|
عضو متواصل
|
|
تاريخ التسجيل: Jan 2010
المشاركات: 95
معدل تقييم المستوى: 31
|
|
اقترح عليك
+ تدور ارض بقلعة وادرين ان شاء الله (بالرياض) بس ماتتعدى ١٥ الف
وانساها عشر عشرين سنه .. لا تنسى الرياض قاعدة تتمدد فيمكن ارضك
تجيب لك ملايين بعد عشر عشرين سنه ..
+ تجيب بضاعه بمبلغ ١٠ - ١٥ الف .. مميزه وغير موجوده بالسوق
ياتبيع على محلات ياتبيع على افراد وهذا مجال واااسع عندك صيني (تقليد) ..
امريكي (جودة عاليه ) ..
+تجيب لك مهندسين كمبيوتر فلته في صيانة الماك وبرامجه وتسوي دعاايه
يروحون للبيت يصلحون وبمبالغ معقوله .. بتكسبت عملاء كثير واذا عجبك
المجال ودخلك ربح زين افتح محل صيانة الماك .. وانا حددت الماك لأن الناس
منهبله من تالي على الماك وسمعت من اصحاب محلات ماك انهم يدخلون
ذهبببب من الصيانه
+طلع لك سيارتين مستعمله نظيف وجيب سواقين يدلون واشكالهم مريحه
وسوي دعااايه وهذا المجال ذهببب يكفيك الموظفات اللي يدورون سواويق ليل
نهار يبون احد يوديهم الدوام وبعضهم تدفع لين ٢٠٠٠ ريال وفوق شهريا
لكن خل اسعارك معقوله .. تكسر السوق وتكسب زباين واذا عجبك المجال
بعدها توسع وافتح مؤسسة لهالخدمة
+افتح خدمات طااااالب .. يعني قليله فيه ذهب .. تصدق فيه محل خدمات
طالب جنب جامعة الملك سعود للبنات عليشه وربي من سنة كسرى وهو خرده
حتى ماجدد انا اتوقع يدخل ملااااايين ..
لكن انت حاول تبتكر خدمات جديدة او بطرق جديدة عشان تنافس في السوق
مزبوط.. وممكن تدخل في المجال بدون ماتفتح محل
تصدق تعبت افكر  اذا ارتاح مخي رجعت بس اذا عجبتك فكرة
من افكاري لي ١٠ ٪ ههههههههههههه امزح
الله يوفقك اخوي
|
السلام عليكم ورحمه الله وبركاته 
العرض المتطور
