[align=center]
السلام عليكم ومساكم الله بالخير


اول شي انا خريج دبلوم محاسبه

وعندي راس مال يعني مهوب كبير مره

على قدي زي مايقولون ...


مدري وش رايكم وش المشروع الي ممكن يكون ناجح وممكن يكون نفعه بين


طبعاً انا مؤمن بـأن التجاره ربح وخساره

عشان كذا مؤمن بأن الله يكتب الي فيه الخير


فمادري والله اذا تقدرون تساعدوني بيض الله وجيهكم

والله لايوريكم مكروه
[/align]

*يمدحون الخضار والفواكه .. جيب لك عامل وعطه ونيت يطلع الفجر يحمل الخضار
ويجي يبيع .. مااعرف التفاصيل لكن دااائما اسمع انه تدخل ذهببب ٣٠ الف وفوق

*در على محلات الاكسسوارات واعرض عليهم بتجيب بضاعه اكسسوارات صيني
تقليد ماركات ولا جيب عينات ودر على كل المحلات اللي تقدر توصلها .. يعني
كل الاسواق اللي بمنطقتك .. وشف على حسب الطلب اطلب كميات وعندك شنط
ماركات وهالمجال وااااسع

*الايفون وماادراك ماالايفون .. اذا للحين فيه ناس تدور عن ايفون ٤ بكل مكان
فسووقه كبير .. جيب لك ١٠ حبات مثلا وبيعها بربح بس لا تبالغ يعني ٥٠٠ ريال
زينه واذا مشت امورك زد الكمية

*جيب اكسسوارات جوالات /ايباد/ايبود مي موجودة بمنطقتك وبيعها على محلات/
اكشاك وبتمشي بسرررعه لأنها مطلوبه

*افتح لك بقاله/ مغسله وسلمها لعامل يعطيك مبلغ معين تالي الشهر اذا مالك خلص
تعب التجارة

*اشتري اسهم الراجحي وانساها وكل فتره اشتري زيادة

*جيب لك عاملين واطبع دعاية عن عامل لتنظيف الحوش / السيارات .... الخ
وبتلقى ذهب بعد ..

*دور بضاعة جودتها عاليه ومي موجودة في منطقتك واطلبها .. امريكا/اوروبا...
اللي هو بس دور وش الناقص واطلبه وسوق لها مزبوط بتلقى ذهب

الافكار وااااجد ..
بس لازم تعرف .. انت وش الفئة اللي تبي تتعامل معها ..( يعني حريم ولا رجال
ولا كله / رخيص وتقليد ولا جودة عاليه وسعر متوسط لغالي / تجار ولا افراد ...
... الخ )

بس اهم شيء لا تبدأ بكل راس مالك .. انتبه ابدأ بأقل شيط تقدر عليه وحاول
دايم تنوع نشاطاتك عشان لين خسرت الا انت ماخسرت كلش

موفق وانا اختك

[align=center]
اول شي مشكوره على النصيحه الطيبه وماقصرتي

بس خليني افصفصهاا حبه حبه


*يمدحون الخضار والفواكه .. جيب لك عامل وعطه ونيت يطلع الفجر يحمل الخضار
ويجي يبيع .. مااعرف التفاصيل لكن دااائما اسمع انه تدخل ذهببب ٣٠ الف وفوق


هذي فكره حلوه بس المكان الي انا موجود فيه عندنا سوق خضار وفواكه ومحلات ماكله السوق وفوق هذا كله

انهاا يبي لها كل يوم تجيب شي طازج يامن القصيم او الرياض



*در على محلات الاكسسوارات واعرض عليهم بتجيب بضاعه اكسسوارات صيني
تقليد ماركات ولا جيب عينات ودر على كل المحلات اللي تقدر توصلها .. يعني
كل الاسواق اللي بمنطقتك .. وشف على حسب الطلب اطلب كميات وعندك شنط
ماركات وهالمجال وااااسع


هذا الشي جميل وبالعكس فكره بطله .. بس المشكله ان شارع الوزير في الرياض مكسر الدنيا وكلهاا محلات جمله

وشبه ماركات .. واخر شي راح اوضح لك الصوره في اخر ردي ..


*الايفون وماادراك ماالايفون .. اذا للحين فيه ناس تدور عن ايفون ٤ بكل مكان
فسووقه كبير .. جيب لك ١٠ حبات مثلا وبيعها بربح بس لا تبالغ يعني ٥٠٠ ريال
زينه واذا مشت امورك زد الكمية


انا كنت ادور في المرسلات هاليومين ابي ايفون 4 لقيته بـ 3400 !! حلو

وفي موبايلي بـ 2800 !!

شوفي الفرق كم وبالعكس الايفون الي في السوق ماعليه ضمان !!


*جيب اكسسوارات جوالات /ايباد/ايبود مي موجودة بمنطقتك وبيعها على محلات/
اكشاك وبتمشي بسرررعه لأنها مطلوبه

عندنا مجمع اتصالات فيه 32 محل اتصالات عشان كذا ماكلين الجو وبنفس الوقت شغله الجوالات على حسب

خبرتي ان ربحهاا مو كبير وخسارهاا وارده بشكل كبير


*افتح لك بقاله/ مغسله وسلمها لعامل يعطيك مبلغ معين تالي الشهر اذا مالك خلص
تعب التجارة

هذي الفكره حلوه بس انا احاول اني اختار مجال ابدع فيه كـ بضاعه وديكور وتصميم

*اشتري اسهم الراجحي وانساها وكل فتره اشتري زيادة

الله لايقوله .. منيب احب نظام الاسهم ابد ابد والله



*جيب لك عاملين واطبع دعاية عن عامل لتنظيف الحوش / السيارات .... الخ
وبتلقى ذهب بعد

هذي فكره ابوي الله يطول عمري فـ بس انا حاطهاا في بالي انها تكون شركه نظافه المنزل اثاث وغيرهاا !!

بس والله مدري



*دور بضاعة جودتها عاليه ومي موجودة في منطقتك واطلبها .. امريكا/اوروبا...
اللي هو بس دور وش الناقص واطلبه وسوق لها مزبوط بتلقى ذهب

ايه بس وشو الشي الي ممكن اطلبه !! او ممكن يحتاجونه العملاء !!



بس لازم تعرف .. انت وش الفئة اللي تبي تتعامل معها ..( يعني حريم ولا رجال
ولا كله / رخيص وتقليد ولا جودة عاليه وسعر متوسط لغالي / تجار ولا افراد ...
... الخ )


انا حاب يكون مشروعي اغلبه نسائي او نسائي ورجالي مع بعض ...

لان الرجال قليل يطلع منهم دراهم


- ارجع لنقطه الاكسسوارات انا باذن الله راح افتح محل اكسسوارات وكنت مأمل انه يفتح قريب وكان عندي خطط

وافكار للمحل بس للأسف العماره الموجود فيها السوق مابعد خلصت من الشغل فيها + مابعد دخل فيهاا كهرباء

وهذي الفتره يمكن تستغرق 6 شهور على الاقل

فأنا قلت اشوف لي مشروع ثاني !!!


فمادري اذا عندك افكار جديده او تزيديني بمعلومات ممكن استفيد منهاا

اكون لك من الشاكرين

والشكر موصول للكل والله




[/align]

[align=center]
أولا .. اعذرني لو كلنا بنفكر كذا كان قعدنا ببيوتنا وقلنا كلش فاتح ماعاد بقى شيء
صحيح الذكي يدور الفجوات .. لكن فيه أمور تقدر تدخل فيها بس بطريقه جديده ..



كلامك منطقي وصح بس انا ادور الشي النادر عشان اتميز فيه

واذا مهوب نادر موجود احاول اطور السلعه مثلا محطه بنزين

متوفره كثير بس انا احاول اطور فكره محطه البنزين بأظافه خدمات لها يعني اقولك مثلا

----

اهاا حلو كلامك بـ النسبه لأأكسيوم بس اكسيوم شركه كبير عندها

جوالات وشركات ضمان ويعني مهيب شركه صغيره او مشروع صغير ..

--

وبالنسبه للأكسسوارات الجوال و الايباد و الايفون والباقيات ايه انا لو

بفتح محل بـ النظام هذا راح اجيب اشياء من خارج المملكه عشان

اكسر السوق واسيرط ... اذا اعتمدت الفكره ,,,

----

اما بـ النسبه للأيفون اقولك يوم رحت ادور يقولي الضمان مهوب

موجود في السعوديه ترسل لهم الجهاز وحوسه وخرابيط ومشاوير

عشان ترسل الجوال صاحب المحل يقول اذا طلعت من عندي وخربان الله يعوضك ..

---


بـ النسبه للأكسسوارات الي في شارع الوزير .. مدري يمكن مارحتي

له او شي .. بس انا رحت له ولقيت اشياء رهيبه مره وماركات وشبه

ماركات لدرجه ان شارع الوزير الممول الاول في المنطقه الوسطى !!

وصادق الناجح يدور سوق الحريم

وهذا الاساس الي انا حاب امشي عليه ...

واذا عندك شي ممكن تفيديني يمال العافيه والله ...

انا والله جت في بالي فكره فـ مادري وش رايك ممكن ينجح المشروع ولالا ,,, والي هو ..

محل لمستلزمات الاطفال ..

حليب - سيرلاك - مشايات - الخ الخ

يعني الاشياء الي يشترونها الناس من الصيدليه لبزرانهم تكون في

المحل !!!


فمادري والله هل هذا الشي ممكن يكون ناجح !!
[/align]

ياليت تفكرون معي بـ أفكار للتجاره يمال الجنه