أنا بهمــ(ن) مايعلمه إلا الله ساعدون بالله :(

أم عقاب · #1 (**permalink**) 15-01-2011, 10:31 PM

السلام عليكم ورحمة الله وبركاته

أنا جايتن لكم وبي همــ(ن) ثقيلـ(ن) على صدري أنا أبتليت بشيــ(ن) ما أدري وش أسميه

الحين هالأسبوع اللي طاف وهالأسبوع اللي نمشي فيه عندي إختبارات يعني النفسيه صفر

ومتقبله ولا أحد يجاكرن وحالي بحال نفسي إلين أقضي بحول الله

إلا جت هالطامه اللي حاست يومي ونكدت علي مذاكرتي واللي يمنعن لأحتسي الذووووق وما أحب أجرح أحد

العلم ياجماعه يقولون فيه خدمه بالإتصالات حاطينه ما أدري وش أسمه الوكاد ترسلون مجاني

المهم وحدتن الله يستر علينا وعليه أعرفه ما خلتن بحالي

كل شوي ترسل رسايل ماش ما أعجبتن ابد حُب و تبطين أنساتس

أنا ما أرتحت وش ذا الحتسي المالغ

يبدأ شغل الإرسال من بعد الفجر وهذا الوقت لي ويحلى مع المذاكره إلا أفز من رسالة على جوالي أشوفه ألقى هالبنت

يانااااااااااااس مرة ومرتين وأربع بنفس الوقت بالله يعقل تسذا

ترى مابدأ هالإستلام إلا من الأسبوع اللي طاف وأنا في غمرة إختباراتي وأسهر بالليل همن إذا نمت وأصبحت الفجر أبروق على المذكرات تهل علي هالرسايل وإذا حسيت بتعب أروح أريح شوي وحاطه جوالي على العام عشان ماخذه إجازة من دوامي لو يبونن بشي فجوالي مفتوح لهم لكن هذي نشبه ماخلتن براحتي أفز على رسايله يعني لا أحد يقول حطي على الصامت

تكفون فيه حل ينهي لي المشكلة لأني تعبت وربي لدرجة أوقات أقول حسبي الله عليتس أشغلتين ؟؟؟

وأستحي أرسل له أقول لا عاد ترسلين أتفشل وقسم لأني ما أبي أحد ياخذ على خاطره من

أفزعوا لي تكفون وعارفه باتسر أفتح جوالي ألقى هالكم الموب صاحي من الرسايل ياربيه بس

مَاجِد · #2 (**permalink**) 15-01-2011, 10:40 PM

االوقت اللي تذاكرين فيه أقفلي جوالتس
والوقت اللي تستريحين فيه أفتحي جوالتس وحددي الرسايل وإمسحيها
وإنتهت قضية فلسطين

من شفت ساعدون وأنا داري ما عندتس سالفه
على بالي سعدون جابر

أم عقاب · #3 (**permalink**) 15-01-2011, 10:46 PM

اقتباس:

المشاركة الأصلية كتبت بواسطة شَغّبْ !

االوقت اللي تذاكرين فيه أقفلي جوالتس
والوقت اللي تستريحين فيه أفتحي جوالتس وحددي الرسايل وإمسحيها
وإنتهت قضية فلسطين
من شفت ساعدون وأنا داري ما عندتس سالفه
على بالي سعدون جابر

أجل ماعندي سالفه

أبي الناس اللي تقدر النفسية في الإختبارات موب اللي يتمهزئون

إيش اللي أحدد الرسايل وأحذفه ؟؟

يعني بالله عليك إلى متى راح يستمر هالشي كل شوي حدد وحذف أصابعي توجعن بالنقر على الازره وبعدين أنا نفسياً ما أحب صوت وانا أذاكر طيب أبقفله و إذا جيت أخمد أضطر أخليه عام عشان العمل وش أسوي كل شوي رسايل !!!

بالله لاتزيد ضيقة الصدر ضيق

الحصاه · #4 (**permalink**) 15-01-2011, 10:41 PM

سوي تحويل على التلفون وريحي راسك

أم عقاب · #5 (**permalink**) 15-01-2011, 10:48 PM

اقتباس:

المشاركة الأصلية كتبت بواسطة الحصاه

سوي تحويل على التلفون وريحي راسك

علمني يالحصاه كيف الله يعطيك العافيه
أنا جوالي عام كيف أحوله لتلفون البيت ؟؟
أنا ما أبي أشوف ولا رساله منها

الحصاه · #6 (**permalink**) 15-01-2011, 10:53 PM

اقتباس:

المشاركة الأصلية كتبت بواسطة صراع

علمني يالحصاه كيف الله يعطيك العافيه
أنا جوالي عام كيف أحوله لتلفون البيت ؟؟
أنا ما أبي أشوف ولا رساله منها

تروحين الضبط تحويل جميع المكالمات وتحطين الرقم اللي تبغين تحولين له

او روحي امسحي ضبط الرسايل عشان جوالك معاد يستقبل رسايل

الطريقة الثانية افضل تمنع الرسايل بس ماتمنع المكالمات

faisSsal · #7 (**permalink**) 15-01-2011, 10:54 PM

وش ذا

أول ماقريت العنوان

جاء ع بالي أن هالبنت تبي قطه .. تفكلها مشغل

طلعت السالفه جوال ورسائل مزعجه

صدز ماعندس سالفه

الحل عندي وأنا أبو هندي

طلعي شريحتن ثانيه .. وقفلي هذي لمده غير معلومه
وأعطي الاداره رقم شريحتكـِ الجديده

بس

ﻣﭡﮙﯿﺔ · #8 (**permalink**) 15-01-2011, 11:03 PM

الله يعينتس صرااااحة نفس الحالة انا

س انا فالتها لا اختبر ولا هم يحزنون ولا جيت انام سايلنت ع طول

والصباح وانا رايحة الدوام اضيع وقتي واتصفحهاااا

اما بالنسبة للحل

انتى تقولين لحد يقول حطي صامت ولا تبين ترسلين لها وتجرحين

فمن شان هيك ارضخي للامر الواقع