السلام عليكم ورحمة الله وبركاته

اخباركم اخواني

اتمنى لكم ولي التوفيق في الدنيا والاخرهـ

اخواني انا محتار صرآحه

جاني قبول في معهد العلوم الصحيه ,

وبكره المقابله الشخصيه , وان شاء الله تعدي على خير ,

لكن هنا المشكله ,

اني انا مسجل في معهد الرياض التقني ,

ومعروف ان معهد الرياض التقني , وظيفه مضمونه , واخاف اني اتركها واروح للمعهد الصحي ,

واحصل على الشاهده وما احصل وظيفه ,,

اتمنى انكم تنصحوني !!

ويقول المثل عصفور باليد ولا عشره على الشجرهـ !

وايضاً صراحه ابي اعرف وش مميزات المعهد العلوم الصحيه !
وما هي افضل تخصص

خصوصا انا اخترت الرغبه علاج تنفسي , والرغبه الثانيه تمريض

بس اخاف اتخرج من المعهد واقعد عطال بطال !!!

اتمنى انكم تنصحوني يا اخوان والله ولي التوفيق

المعهد مكانه ورا نادي الشباب بـ حي الصحافه !

والله يوفقنا وياكم !

والله اذا عنك واسطة بالصحة ادخل

اخوي كيف قدمت عل المهد منحه وال اكيف يليت تفيديني لان نفسي ادرس فيه بس الميزانه مش ولابد اتظر ردك ياغالي

لآ يالغالي مو على حسسابي هذي منحه بالموارد البشريه !

والمعهد قدمت عليه عن طريق اوراق وتوو ارسلوا لي رساله وقالوا تعال بكره عندك مقابله

ورحت اليوم المقابله

وسئلوني اسئله بالانجليزي !

وجاوبتهم , واسئله ثقافيه , مثل عاصمة امريكا وزي كذا


قلت قسم علاج تنفسي قال نسبتك ماتسمح لان نسبتي 77 علمي , فـ نصحني بالتمريض والصيدله ,

عاد مدري وش رايكم يا اخوان !

وبالنسبه ,

انا بمعهد الرياض التقني , وهالمعهد مدعوم من قبل الموارد البشريه ,

وايضاً المعهد العلوم الصحيه , مدعوم من قبل الموارد البشريه ,

عادي يقبلوني اخاف يقولون ما نقدر ندعمك لانك مدعوم مسبقاً

وانا بسسحب اوراقي من هذيك وبطلب نقل , هل اقدر ام لآ ؟؟

ياليت احد يفيدنآ , يآ اخوآن ~

تمنياتي لك بالتوفيق
بس من رائي يا اخي الفاضل انك تكمل في المعهد اللي انت فيه
وان شاء الله ربي يرزقك بالوظيفه بعد ما تخلص
لان المعهد الصحي مو اي تخصص مضمون بعده انك تتوظف زي ما قالوا لك الاخوان يعني عندك التمريض غير مطلوب
اما طوارئ وصيدله حلوو
وبالنسبه للدعم فبما انك مدعوم في المعهد الاول اتوقع المعهد الصحي ما تكون مدعوم لان الموارد البشريه تدعم مره واحده
فخلك علي معهدك افضل
اتمني اني قدرت افيدك
لا تنسانا من دعائك