الله لايصبحكم ولايمسيكم الا بكل خير...
\
اليوم كان موعدي بالادارة العامة لمكافحة المخدرات:

وين مكانها.؟
قول ﻷي تاكسي وديني قاعة اليخت اللي على شكل سفينه..خليه على يسارك..وطول شوي..وتلقاها على اليسار..


كيف الوضع اول مادخلت.؟ووش سويت.؟
جيت متأخر ربع ساعه..لقيت الشباب بالساحه امام بوابة المديرية..صافين 4 صفوف
وينادي العسكري على ارقامهم.! رحت لمه وقلت رقمي فات ..قال: تفضل ادخل وصف مع اللي جوآ
دخلت الى ممر صغير فيه صف من المتقدمين ينتظرون يدخلون..لتدقيق البيانات..!
جا دوري ودخلت دققت البيانات..وجنبه على طول قاسو لي الطول...!
قالي روح الصالة الثانية..وجلست انتظر مع كم شخص..لين جا عسكري وطلعنا فووق...!
جلسنا شوي ..ووزعوآ علينا ملف الالتحاق وفيه 4 اوراق تعبيها انت بمعرفتك بالبيت...بس اللي عليك
تدبس صورك الشخصية على كل ورقة,,
تخلص وتنتظر شوي لين ينادون عليك لجنة القبول ويعبون البيانات المطلوبة وتختار المستشفى اللي تبيه..
ترجع مكانك .. وتنتظر لين يناديك رئيس اللجنه اللي هو العقيد السديس...يوقع اوراقك ويسلمك الخطابات واللي جنبه يختمها ويحطها بظرف وتوكل على الله.


ملاحظات:-
1-يفضل انك تجيب شهادات الثانوية المصدقة من وزراة التربية والتعليم..وليس المطرسة.
2-اللي عنده واسطه يمررها بعيد عن السديس << نصيحه
3-اللي طوله ناقص 1/4 سم عن 175 لايتعب روحه..ﻷن السديس وقفنا كلنا وجاب نص القاعه وجلس يقيس طولهم..وطرد ناس.




بعد ماتوكل على الله:-
*صار معك خطاب للمستشفى تروح تكشف وتخلص كل المطلوب..اذا نجحت بالكشف راح يعطونك اﻷصل وياخذون برنت..
اذا رسبت لاسمح الله..ماراح يعطونك الكشف وبيرسلونه للأدارة.

*خطاب الاحوال <<هذا مدري وش قصته بس سلمه المسؤول وبساعه زمن وانت مخلص

*ورقة للجنائية والبصمات.

*ملف طلب الالتحاق تعبيه على رواقه وانتبه تغلط حتى لو خطأ بسيط..وفيه بعض الخانات والتختيم والتوقيع..يحتاج تراجع فيه عمدة الحي.




اسألتي اتمنى تعطوني رأيكم:-
*في ملف الالتحاق..مكتوب شيخ القبيله..هل هو ضروري.؟ ووين القاه يمكنه متوفي
*توقيع الامارة ضروري.؟
*فيه خانه بملف الالتحاق..مكتوب فلاني الفلاني مثلا..بعدين أصله...هل أصله تعني جنسيته.؟
*وشو معنى المعرفان اللي بملف الالتحاق..هل تعني الشهود.؟


\
ادعوولي بالتوفيق