17-01-2011, 12:10 PM
|
 |
(عضو لم يقم بتفعيل عضويته)
|
|
تاريخ التسجيل: Dec 2010
المشاركات: 75
معدل تقييم المستوى: 0
|
|
اقتباس:
المشاركة الأصلية كتبت بواسطة جوزيه مورينو
السلام عليكم ورحمة الله وبركاته
انت وقعت يا اخوي بين اثنين وكل واحد له ايجابياته وله سلبياته
وعلى قولة واحد من الدكاتره يدرسني يقول " انت مع نفسك من يوم ولدت وتعرف نفسك أكثر من غيرك "
انا ما بقول لك رح هنا ولا رح هنا
بس بقول لك كم شغله ..
أولا : بقول لك ترى انت جيت في مكانين 99 % من الشباب العاطلين هالأيام يتمنونها يعني لو ساءت أمورك ساءت مره مره يعني لو خربت بتصير في الجوازات واسأل اي واحد عاطل قل له لك عندي وظيفه في الجوازات وشف وشلون فرحته ...
الخلاصه : قبل كل شي ارفع يدينك وقل يااااارب لك الحمد والثناء والشكر على ما انعمت به علي
ثانيا : الدراسه في كندا
أنا بقول لك شي انا الحمد لله معدلي في الجامعه حلو وكلموني أكثر من واحد من الدكاتره يبوني معيد في قسمهم بس المشكله مهي في الدراسه ولا هي في الغربه ولا هي في المعدل
مشكلتي هي ان ظروفي ما تسمح لي ودي اتوظف هنا وظيفه حكوميه ولا اروح برا واترك امي وابوي لحالهم .. انت شف نفسك وظروفك اترك كلمة غربه ودراسه ومدري ايش هذي بس حدك هنا ولا لارحت تنسى كل شي وتتأقلم مع وضعك ..
وبقول لك قصة واحد من جماعتنا واحد تخرج من ثانويات الحرس في الاسكان والله ما عنده ما عند جدتي والله لا انقليزي ولا ثقافه ولا شي يعني مثل مناحي في اخواني اخواتي اللهم نسبته حلوه شوي اتوقع كانت 90 او 91 جتله بعثه لأمريكا والحين شفه ما شاء الله عليه اكلمه احيانا في المسن ويقول الحمد لله وكل شي تمام قلت له طيب بتجي في إجازة عيد الميلاد قال لا بجلس هنا شف حتى كلمة غربه وما غربه نساها وانت تذكر اللي راحوا ايام 1980 و 1985 ماكان فيه حتى تلفونات في السعوديه الحين لو اشتقت لأحد من اهلك تقدر تشوف خشته على المسن وفيه واحد من زملائي في الدراسه يقول اخوه متخرج من جامعة الملك فهد وراتبه 23000 << تتوقع اني غلطان ؟؟ لا 23 ألف ريال ولاني غلطان في الأصفار هذا وهو متخرج من السعوديه وشلون لو يكون متخرج من كندا !!!!
بس سلبيات الدراسه : هي انك بتروح لمجتمع لا يحلل حلال ولا يحرم حرام يعني حتى الاذان ما تسمعه شعب لهم ثقافتهم الخاصه وتوقع ان تلقى ناس يكرهون شي اسمه مسلم وبيقولون لك ارهابي ومدري ايش ومدري ايش بس معليك وبعدين الاجازه كل سنه شهر واحد بس 30 يوم يعني قل 2 روحه و2 رجعه قل بيصير 26 يوم في السعوديه بس هذا اذا ما صار لك مشاكل في الفيزه زي خوينا اللي راح لأمريكا الحين متلطع في الرياض الفيزا ما جددوها له
ثالثا : الوظيفه هنا
تريح بالك من الدراسه ومن مشاكل الفيز ومن مصايب العدائيه للاسلام ومن السفر وترتاح في بيتك تداوم وترجع وتطلع في الليل تتمشى وتتعشى وترجع تنام .. وتصحى تداوم وكل يوم كذا وهذا ولد خالي موظف في الدوريات الامنيه راتبه فوق 6 شوي ومرتاح
الوظيفه راتبها زين << بس ما هو حلو ومن سلبياتها انك انت انت اليوم ولا بعد 20 سنه تداوم وترجع تنام وتصحى وتداوم وعلى كذا
ثالثا : رأيي أنا
اذا انت ظروفك تسمح لك وتقدر تروح وتجي من كندا ولا فيه احد يعتمد عليك ولا وجودك عند أهلك ضروره .. اسمع كلامي وانا اخوك وتوكل على ربك وقص التذكره وعلى مطار اوتاوا ولا تتوقع انك بتعيش الغربه اللي يقولون لك ترى كل شي تغير الحين على قولتهم العالم قريه صغيره حتى اهلك تقدر تشوفهم 24 ساعه لو بغيت .. هذا رأيي وانا اخوك وانت سو اللي تشوفه ولا تنسى فيه واحد ما غيره هو اللي اذا جيته وسألته ما بيعطيك اللي فيه خير لك انت بس رح له ولا يحتاج مواعيد ولا شي اذا جا تالي الليل والناس ناموا كلهم ارفع يدينك وادع ربك يهديك للي فيه خير لك في دنياك وفي اخرتك واستخيره وربي ان شاء الله ما بيخيبك
ولك تحيـــااتي
وان شاء الله اشوفك في احسن الوظائف وارقى الاماكن
|
صراحة ماقدر ازيد على كلام جوزيه مورينو
كلام 100%
وانا اقولك الدراسة الدراسة الدراسة
العلم يرفع بيوت لاعماد لها ،،،،،، كالسيل يحي الهشيم الديدم البالي
تقبل مروري
|
العرض العادي
