يا بنت أرجوك أنا مأقدر كفاني ماضـي الغلطـات
أخـاف الله يعذبـنـي وأنــا خــواف يابنـيـه

واخـاف ابساعـه اللـذه يجينـا هـادم اللـذات
ويأخذ مـن حشـى جوفـي بقايـا روحـي الحيـه

أنا ليّه ثمان اسنين وأنا مدمـن علـى الشهـوات
ديـار الفسـق حاستهـا مواطـي تحـت رجلـيـه

عيوني من كبـر همـي تخلـط الـدم والعبـرات
مِسيـل الدمـع مـن عينـي حفـر بالخـد ماريـه

صحيح إنك جميله بس تبنا مـن هـوى الزينـات
تركنـا الحـب غصـب وطـوع للعيـن الشقاويـه

يابنت أنتي على بالك أبأخذ مـن بنـات الشـات؟
أجـل مجنـون أنـا يابنـت أشيـل العقـل بيديّـه؟

ترى أكبر شيء يربطني مِعك جوال ابـو شاشـات
وهاتـف ينقـل أشواقـي علـى نبـرات سلكـيـه

وترى كل العلوم اللـي عطيتـك بالهـوى كذبـات
وحتـى دمعتـي يـوم الفـراق الصعـب كذبـيـه

هذاك اليـوم ماهلـت عيونـي لجلـك الدمعـات
لأن الدمـع ماينـثـر بقـصـه حــب وهمـيـه

أنا أضحك مِعك واضحك منك ..عليك أكثّر الضحكات
كأنـي بالهـوى جـنـي.. يعـبـي راس جنـيـه

وأنا ماني بخكري يلبـس القمصـان.. والشرتـات
ويفـرح قلبـه المسكـيـن إذا حــب الدوينّـيـه

أنا مـن لابـةٍ أروت ضمايـا سيوفهـا الغـزوات
خلاياجسمـنـا عـاشـت عـلـى دم القبيـلـيـه

ودهنتي شعرك الاسـود بألـوانٍ مـن الصبغـات
وعيـت تقبـل الصبـغـه ملامـحـك الخليجـيـه

وحشرتي ردفك المسكيـن بالبنطـال ..والجنـزات
خلاقـيـنٍ تصنّعـهـا مـزاجــات اليـهـوديـه

عشاني ميتٍ فـي ثغـرك الأحمـر أبـو لمعـات
تحسبينـي أبرضـخ لـك لأن إشفـاك ورديــه ؟

ورب الكون مأرضى فيك لو إنك شيخـة الحلـوات
وإذا صمـل علـيّ العلـم أكـب ارض السعـوديـه

يابنت الناس عزك فـي سـوادٍ يستـر العـورات
وعزي في شماغ أحمر.. وثوب أبيـض.. وطاقيـه

سعودييـن نفخـر فـي عبـايـات السعـوديـات
نغـض الطـرف إجـلالً إذا شفـنـا السعـوديـه

وخليجييـن نفخـر فـي عبـايـات الخليجـيـات
نغـض الطـرف إجــلالً إذا شفـنـا الخليجـيـه



وسلامتكم


تحياتي لكم


اتمنى ما تكون القصيده مكرره

نقل يستحق القراءة والوقوف ولن أستغرب إذا أبكت الشباب والبنات

بالنسبة لي مب مكرره أول مره أقراها

وخليجييـن نفخـر فـي عبـايـات الخليجـيـات
نغـض الطـرف إجــلالً إذا شفـنـا الخليجـيـه

ألف ألف شكر ويعطيك العاااااااافيه

ودمت بود

يسلموووو على القصيدة الرائعه
وصح لسااااانك

يسلمووووووووووووو على المرور

يعطيك العافيه على مرور ك

الشاعر العاطل دمت بود

مع احترامي لاخوي عاطل ناقل القصيده ,,

بس لي تعليق على الشاعر ,,

يقول انه تاب ,,, الله يتقبل منه ,, بس يرجع يخرب توبته ,, بكلامه للبنت الي عرفها

بدال مايحببها بالتوبه ,, يقول ماتزوج بنت شات ؟؟

طيب انت تبت ؟؟ ماتتوقع انه هالانسانه حتى لو ساذجه ,, وعلقت قلبها فيك ,,

ماتدعي عليك ,, لانك خدعتها ؟؟ وعلقتها بوهم ؟؟


يتعبك ماضي الغلطات ؟؟؟؟؟؟؟؟؟!!!!!!!!!!!

ومايتعبك دعوة مظلووم ؟؟ ومخدووع ..؟؟؟؟


الله يهديه وبسسسس ,,,


والصراحه ماشوف انها تبكي ولا شي ,,, الا تقهر وترفع الظغط ,,, من قلة حيلة الشاعر,,,

كان اكتسب توبته بالدعووه لله ,, والترغيب بالتوبه ومن اول شخص وهو بنت الشات على قولته الي عرفها ,,,,,,,,,

عشان يكسب اجرها ,, بعد ,,
مو يكسب ذنب ؟؟

اسفه على الأطاله ,,,

ريــــــــــمـ

يعطيك العافيه