بسم الله الرحمن الرحيم

والحمد لله والصلاة والسلام على اشرف الانبياء والمرسلين اما بعد :

ما يستفاد من التقديم لوظائف وزارة العدل :

1- بطء اجراءات المسابقة والاعلان عن مواعيد القبول .

2- دخول الواسطات عيني عينك

والنقظه هذي صار موقف امامي وهو عندما طلبت الوزارة من المرشحين مراجعة الفروع

كل موظف من الفرع معه احد المتسابقين واحدهم قال امام الجميع للمرشح الي ناوي يتوسط له

انا بسوي الي علي وبكلم اللجنه وانشاء الله يمشونك

ويقول انا بشفع لك شفاعه حسنه هذا الكلام كله امام باقي المرشحين

حطها شفاعه حسنه الاخ .

3- بخصوص فرع المدينه ، هناك موظفين كثر اعرفهم من اقارب مدير الفرع ومدير شؤؤن الموظفين

وكثير من ابناء المشايخ ومستعد انزل اسمائهم واحد واحد .

4- يوجد بوزارة العدل موظفين ينتظرون التثبيت ولهم سنين يطالبون ويتم تجاهلهم بحجة انه

لم يصدر قرار رسمي من المقام السامي

وفي الحقيقه هم مستفيدين من هم لان رواتبهم ضئيلة جدا وثابته بدون اي زيادة وبدون حساب للخدمة

5- تسريب اسماء المرشحين خلال ادخال البيانات

وهذي خيانه للامانه من قبل بعض الموظفين لان الوزارة لم تعلن عن الاسماء بعد

ولو تعرف احد في الوزارة راح يعرف انت من المقبولين او لا ؟؟؟ والي مايعرف احد يللطع لين يعلنون ... للأسف

6- بخصوص الموقع بدائي جدا وقديم والمصيبه انهم مانعين التصويت لكثرة المصوتين ضده

اخيرا احب اقول للجميع اني اتكلم هذا الكلام لمعايشتي لوزارة العدل لمدة اربع سنوات

والحمد لله تم تعييني بديوان المظالم لكي افتك من ظلم وزارة العدل مع العلم اني لم اقدم للوظائف الاخيرة بالوزارة لضمان عدم قبولي

نصيحة لكل من تعيين مؤخرا ان يكون قريب من احد المشايخ فسوف تمشي اموره سلام سلام

اما اذا كنت ابن لقاضي او مسؤول بفروع الوزارة فانت مرحب بك بكل تاكيد

وشكرا لكم

لا تشكي لي ابيكي لك كلنا نفس القضيه ونفس الوظيفة

حسبي الله ونعم الوكيل

الله يعين

أولآ مبروووك لجميع الي أنقبلو,,,
حسبي الله عليهم والله مقهوور قربت سنه على يوم أرسلنا اوراقنا للوزارة وهم يسحبون فينا تحطمت الأمال والأحلام الوردية الي بنينها كلها بسبب الواسطه والله أني بنفسي شايف درجة المقابلة الشخصية 97 ونسبتي الثانوية علمي 84% غير الدورات وشهادات الخبره لكن ماقول غير حسبي الله ونعم الوكيل في وزارة العدل والقائمين عليها وزارة للأسف مالها من إسمها نصيب
أي واحد دخل بالواسطة على حساب واحد أجدر منه بالوظيفة أقول الله لايوفقه فيها إنشالله.
برررب الواحد يروح ينتحر أحسنله من القهر والظلم الي يشوفه بحق الشباب في وطننا المعطاء
لاتتعبون أنفسكم بإنتظار الدفعة الثانية إذا ماعندك واسطة لاتنتظر وزارة تحكم عليها القبلية والتعصب

اخي انا الحمد الله بدون واسطة لا في ديوان المظالم ولا في العدل والحمد الله انقبلت في الاثنين الحمد الله

أنا ما أقول كلهم الي أنقبلو بالواسطه
لكن هناك نسبه من الي أنقبلووو بالواسطة وأنا متأكد من ذا الشي
أنت وغيرك الي أنقبلتو بدون واسطة وأجتهدتو أقول الله يوفقكم وعقبال الترقيات إن شالله
لكن الي دخل بالواسطه على حساب واحد يستحق الوظيفة أكثر منه أقول الله لايوفقة

ألف مبروووووووووووك أخوي التعيييييين والله الواسطات هي دمار العالم بالوظائف لكن الله يعين بس

لاتعليق ؟؟؟؟؟؟؟ موفق بإذن الله ... لك مني أجمل تحية .