السلام عليكم ورحمة الله وبركاته

اليوم مر علي صاحبي وهو رجال الله مغنيه من خيره

وجلسنا نتكلم عن الأمور والأحوال <<وبعدين

المهم انه عارض علي أرض مساحتها ٥٠ دونم " يعني ٥٠ الف متر ...صح "؟؟؟؟

عليها صك عند صاحبي

يقول لي إنه بيسورها وبيطلع عليها عين " بير " وكل اللي علي إني أزرعها

ولي الأرض لمدة ١٠ سنوات بس أنا قلت له لمدة ٢٠ سنه وهو تقريباً

موافق

قلت له إني با أفكر في الأمر وبا أرد عليه خبر

موقع الأرض هو ما يدلها بس يقول إنها على خط الرياض - الدمام

المشكله اني ما املك قروش ......والحمد لله على كل حال

بس عندي أنسبائي عندهم مزارع ومشاتل ..... وما اعتقد إنهم بيتركوني

بس بعد يبي لها الأرض عمال ودينات وشياول وسماد وتكاليف

بس ابي رايكم تقريباً كم تكلف زراعتها ؟؟

- أنا عندي خبره بالزراعه بس ما عمري مسكت مزرعه بهذي المساحه

افكر اني احط فيها اغنام وشوي أبقار - أعزكم الله -

ودجاج بلدي بعد ......... والري بالتنقيط

بس مشوش بالأفكار

أبي رايكم بالتكاليف وإن شاء الله ربي يوفقني وأقدر أمسكها وأترزق منها

وإبشروا بالخير ........نسوي جمعه في المزرعه .....للرجال فقط

ربي يوفقكم للخير

السلام عليكم اخوي .. اللي احب اظيفه انه ممكن تطلع على صكها قرض زراعي بحالة ان لم يكن قد استخرج لها قرض سابق او تحت رهن او ماشابه والله يوفقك .

احسن شي لوضعك انك تجيب مزارعين النص بالنص عليهم الزراعه وعليك التكاليف . فالبداية ماتكلف كثير لئن الارض على حسب مافهمت من كلامك ماانزرعت قريب يعني الارض تلقاها مليانة عناصر يعني مايحتاج اسمدة . اتفق معهم سنتين . بعد ما تنتهي السنتين قدك عارف دخلها وعارف اش يمشي من خضرة . وبامكانك تجيب مزارعين غيرهم وتشغلهم براتب ... اتمنى للجميع التوفيق

موقع الأرض على طريق الرياض الدمام ..
و 50 الف متر مربع ..

يعني تطلع منها ذهب .. لا ألماس ..
اذا سويت فيها مشروع دواجن لاحم ..

انا حطيت موضوع .. لكن الأخوه الله يهديهم حذفوه ..
الأسباب ( ؟؟؟ ) ..

اذا سويت المزرعه .. صدقني فيه ناس كثيره تبي تستأجر منك المزرعه وعلى الأقل مليون بال سنه كامله ..

لا تفكر تزرع فيها ... ( خضار او فاكهه ) .. لأن الجو عندنا ما له مستقر ..
من الممكن تخسر خسائر فضيعه ..




راسلني على الخاص .. او ارسل لي رقم جوالك ..

وبإذن الله موفق بكل حالاتك ..



تقبل تحياتي ..
وأتمنى لك التوفيق مره أخرى ..

ماشاالله ربي يباركلك فيها